ગરુડ પુરાણ · અધ્યાય 1.100

ઇતિ શ્રાગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યાજ્ઞવલ્ક્યોક્તશ્રાદ્ધવિધિનિરૂપણં નામ નવનવતિતમો ઽધ્યાયઃ
શ્રાગરુડમહાપુરાણમ્- 100
યાજ્ઞવલ્ક્ય ઉવાચ ।
વિનાયકોપસૃષ્ટસ્ય લક્ષણાનિ નિબોધત ।
સ્વપ્ને ઽવગાહતે ઽત્યર્થં જલં મુણ્ડાંશ્ચ પશ્યતિ

વિમના વિફલારમ્ભઃ સંસદિત્યનિમિત્તતઃ ।
રાજા રાજ્યં કુમારી ચ પતિં પુત્રં ચ ગુર્વિણી

નાપ્નુયાત્સ્નાપનં તસ્ય પુણ્યે ઽહ્નિવિધિપૂર્વકમ્ ।
ગૌરસર્ષપકલ્કેન સાજ્યેનોત્સારિતસ્ય તુ

સર્વૌષધૈઃ સર્વગન્ધૈર્વિલિપ્તશિરસસ્તથા ।
ભદ્રાસનોપવિષ્ટસ્ય સ્વસ્તિ વાચ્યં દ્વિજાઞ્છુભાન્

મૃત્તિકાં રોચનાં ગન્ધાન્ ગુગ્ગુલું ચાપ્સુ નિઃ ક્ષિપેત્ ।
યા આહૃતા એકવર્ણૈશ્ચતુર્ભિઃ કલશૈર્હ્રદાત્

ચર્મણ્યાનુડુહે રક્તે સ્થાપ્યં ભદ્રાસને તથા ।
સહસ્રાક્ષં શતધારમૃષિભિઃ પાવનં સ્મૃતમ્

તેન ત્વામભિષિઞ્ચામિ પાવમાન્યઃ પુનન્તુ તે ।
ભગં તુ વરુણો રાજા ભગં સૂર્યો બૃહસ્પતિઃ

ભગમિન્દ્રશ્ચ વાયુશ્ચ ભગં સપ્તર્ષયો દદુઃ ।
યત્તે કેશેષુ દૌર્ભાગ્યં સીમન્તે યચ્ચ મૂર્ધનિ

લલાટે કર્ણયોરક્ષ્ણોરાપસ્તદ્ઘ્નુન્તુ તે સદા ।
સ્નાતસ્ય સાર્ષપં તૈલં સ્નુવેણૌદુમ્બરેણ તુ

જુહુયાન્મૂર્ધનિ કુશાન્સવ્યેન પરિગૃહ્ય ચ ।
મિતશ્ચસમિતશ્ચૈવ તથા શાલકટઙ્કટૌ

કુષ્માણ્ડો રાજપુત્રશ્ચ અન્તે સ્વાહાસમન્વિતૈઃ ।
દદ્યાચ્ચતુષ્પથે ભૂમૌ કુશાનાસ્તીર્ય સર્વશઃ

કૃતાકૃતાંસ્તણ્ડુલાંશ્ચ પલલૌદનમેવ ચ ।
પુષ્પં ચિત્રં સુગન્ધં ચ સુરાં ચ ત્રિવિધામપિ

મૂલકં પૂરિકાપૂપં તથૈવૌણ્ડેરકસ્ત્રજઃ ।
દધિ પાયસમન્નં ચ ગુડપિષ્ટં સમોદકમ્

એતાન્સર્વાનુપાહૃત્ય ભૂમૌ કૃત્વા તતઃ શિરઃ ।
અમ્બિકામુપતિષ્ઠેચ્ચ દદ્યાદર્ઘ્યં કૃતાઞ્જલિઃ

દૂર્વાસર્ષપપુષ્પૈશ્ચ પુત્રજન્મભિરન્તતઃ ।
કૃતસ્વસ્ત્યયનં ચૈવ પ્રાર્થયેદમ્બિકાં સતીમ્

રૂપં દેહિ યશોદેહિ ભગં ભગવતિ ! દેહિ મે ।
પુત્રાન્દેહિ શ્રિયં દેહિ સર્વાન્કામાંશ્ચ દેહિ મે

બ્રાહ્મણાન્ ભોજયેત્પશ્ચાચ્છુક્લવસ્ત્રાનુલેપનૈઃ ।
વસ્ત્રયુગ્મઙ્ગુરોર્દદ્યાસંપૂજ્ય ચ ગ્રહાંસ્તથા ।
શ્રેયઃ કર્મફલં વિન્દ્યાત્સૂર્યાર્ચનરતસ્તથા