ગરુડ પુરાણ · અધ્યાય 1.102

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યાજ્ઞવલ્ક્યોક્તગ્રહશાન્તિનિરૂપણં નામૈકોત્તરશતતમો ઽધ્યાયઃ
શ્રીગરુડમહાપુરાણમ્- 102
યાજ્ઞવલ્ક્ય ઉવાચ ।
વાનપ્રસ્થાશ્રમં વક્ષ્યે તચ્છૃણ્વન્તુ મહર્ષયઃ ।
પુત્રેષુ ભાર્યાં નિઃ ક્ષિપ્ય વનં ગચ્છેત્સહૈવ વા

વાનપ્રસ્થો બ્રહ્મચારી સાગ્નિઃ સોપાસનઃ ક્ષમી ।
અફાલકૃષ્ટેનાગ્નીંશ્ચ પિતૃદેવાતિથીંસ્તથા

ભૃત્યાંસ્તુ તર્પયેચ્છ્મશ્રુજટાલોમભૃદાત્મવાન્ ।
દાન્તસ્ત્રિષવણસ્નાયી નિવૃત્તશ્ચ પ્રતિગ્રહાત્

સ્વાધ્યાયવાન્ધ્યાનશીલઃ સર્વભૂતહિત રતઃ (તિઃ) ।
અહ્નો માસસ્ય મધ્યે વા કુર્યાદ્વાર્થપરિગ્રહમ્

કૃતં ત્યજેદાશ્વયુજે યુઞ્જેત્કાલં વ્રતાદિના ।
પક્ષે માસે થવાશ્નીયાદ્દન્તોલૂખલિકો ભવેત્

ચાન્દ્રાયણી સ્વપેદ્ભૂમૌ કર્મ કુર્યાત્ફલાદિના ।
ગ્રીષ્મે પઞ્ચાગ્નિમધ્યસ્થો વર્ષાસુ સ્થણ્ડિલેશયઃ

આર્દ્રવાસાસ્તુ હેમન્તે યોગાભ્યાસાદ્દિનં નયેત્ ।
યઃ કણ્ટકૈર્વિતુદતિ ચન્દનૈર્યશ્ચ લિમ્પતિ ।
અક્રુદ્ધઃ પરિતુષ્ટશ્ચ સમસ્તસ્ય ચ તસ્ય ચ