ગર્ગસંહિતા · અધ્યાય 9.6

હરિમન્દિરપ્રતિષ્ઠાવર્ણનમ્
ઉગ્રસેન ઉવાચ -
કર્મગ્રહો ગૃહસ્થોઽયં શ્રીકૃષ્ણસ્ય મહાત્મનઃ ॥
સેવાં વૈ કેન વિધિના કુર્યાત્તદ્‍બ્રૂહિ મે મુને

ભક્ત્યંકુરો યસ્ય નાસ્તિ વાસ્તિ તસ્ય ન વર્દ્ધતે ॥
તસ્ય કેન પ્રકારેણ પ્રસન્નઃ સ્યાદ્ધરિઃ સ્વયમ્

શ્રીવ્યાસ ઉવાચ -
યદિ ભક્ત્યંકુરો ન સ્યાત્સત્સંગેન સ જાયતે ॥
બલાદ્વિવર્દ્ધતે તસ્માત્સતાં સંગં સમાચરેત્

કૃષ્ણસેવાવિધિં તુભ્યં વક્ષ્યામિ સુલભં પરમ્ ॥
યયા ગૃહસ્થોઽયં શીઘ્રં શ્રીકૃષ્ણં પ્રાપ્નુયાન્નૃપ

આચાર્ય્યં કુલસંભૂતં શ્રીકૃષ્ણધ્યાનતત્પરમ્ ॥
એતાદૃશં ગુરું કૃત્વા સિદ્ધો ભવતિ માનવઃ

ગુરોઃ સેવાવિધિં શિક્ષેચ્છ્રીકૃષ્ણસ્ય મહાત્મનઃ

વિષ્ણુદીક્ષાવિહીનસ્ય સર્વં ભવતિ નિષ્ફલમ્ ॥
નિર્ગુરોર્દર્શનં કૃત્ત્વા હતપુણ્યો ભવેન્નરઃ

ઉત્તરાભિમુખં શશ્વત્કારયેદ્ધરિમંદિરમ્ ॥
તત્ર સિંહાસનં પ્રોચ્યં સપીઠં કુંભમણ્ડિતમ્

સચ્ચિદાનન્દ નામ સ્યાત્સોપાનત્રયભૂષિતમ્ ॥
મહાર્હવસ્ત્રૈરાચ્છન્નં તત્ર તુલ્યાસનં મૃદુ

પાર્શ્વોપબર્હણયુતં સ્ફુરદ્ધેમાંબરાવૃતમ્ ॥
નાનાચિત્રયુતૈઃ કુડ્યૈરન્તઃપટસમન્વિતૈઃ

સર્વતોમંડલૈસ્તદ્વત્તોરણૈઃ સમલંકૃતમ્ ॥
ગવાક્ષવારિયન્ત્રાઢ્યં ચતુઃશાલસુજાલકૈઃ

રાજતપ્રાઙ્ગણો દેશઃ સભામણ્ડપમણ્ડિતઃ ॥
તત્ર પ્રાઙ્ગણમધ્યે તુ તુલસીમન્દીરં શુભમ્

મન્દિરસ્ય બહિર્દ્વારિ કારયેદ્દીપિકાદ્વયમ્ ॥
તથા વૈ કૃત્રિમં રાજન્ સિંહદ્વયમધિષ્ઠિતમ્

સુવર્ણશિખરસ્યાધશ્ચક્રં ચ શિખરોપરિ ॥
દ્વારેઽપિ હરિનામાનિ પ્રાલેખ્યાનિ શુભાનિ ચ

શંખં પદ્મં ગદાં શાર્ઙ્ગમાલેખ્યં ભિત્તિપાર્શ્વયોઃ ॥
ઇષુધી ચ તથા બાણઃ સવ્યે દક્ષિણ એવ ચ

તથા મન્દિરપૃષ્ઠે વૈ શતચંદ્રં ચ નંદકમ્ ॥
હલં ચ મુસલં ચૈવ લેખનીયં પ્રયત્‍નતઃ

સિંહાસનસ્ય પૃષ્ઠે તુ ગોપ્યો ગાવસ્તથૈવ ચ ॥
ગોપાલાસ્તત્ર સોપાને કપાટે વિજયો જયઃ

દેહલ્યાં કલ્પવૃક્ષશ્ચ સ્તમ્ભેષુ ચ લતાં શુભામ્ ॥
યત્ર તત્ર ચ કુડ્યેષુ શ્રીગંગા પાપહારિણી

વૃંદાવનં ગોવર્ધનં યમુનાપુલિનાનિ ચ ॥
તથા વૈ ચીરહરણમાલેખ્યં રાસમણ્ડલમ્

ચિત્રકૂટઃ પઞ્ચવટી લેખનીયં પ્રયત્‍નતઃ ॥
રામરાવણયોર્યુદ્ધં જાનકીહરણં વિના

દશાવતારચિત્રાણિ નરનારાયણાશ્રમઃ ॥
સપ્તપુર્ય્યસ્ત્રયો ગ્રામા નવારણ્યં નવોપરાઃ

એવં લિખિત્વા ચિત્રાણિ મન્દિરં કારયેદ્‍બુધઃ ॥
વંશીભાવોદ્યતકરં વક્રીભૂતાંઘ્રિદક્ષિણમ્

કિશોરાકૃતિ કૃષ્ણસ્ય રૂપં સેવ્યતમં સ્મૃતમ્ ॥
તત્પ્રતિષ્ઠાં વિધાયાશુ ગુરુહસ્તેન મંદિરે

ભક્તઃ પરમયા ભક્ત્યા સ્થાપયેત્તત્પરો ભવેત્ ॥
તત્પ્રસાદે ચ રસનાં ઘ્રાણં ચ તુલસીદલે ॥
ન્યસેત્કર્ણૌ તત્કથાયામેવં સેવાપરો ભવેત્

અહર્નિશં કૃષ્ણસેવાં યઃ કરોતિ ચ ભાવવિત્ ॥
તં પ્રેમલક્ષણં ભક્તં વિદુર્ભાગવતોત્તમાઃ

અશ્વમેધસહસ્રાણિ રાજસૂયશતાનિ ચ ॥
રાજન્ શ્રીકૃષ્ણસેવાયાઃ કલાં નાર્હંતિ ષોડશીમ્

શ્રીકૃષ્ણદેશિકસ્યાપિ યઃ કુર્યાદ્દર્શનં નરઃ ॥
કોટિજન્મકૃતૈઃ પાપૈર્મુચ્યતે નાત્ર સંશયઃ

દેહાંતે તં સમાનેતું શ્યામસુન્દરવિગ્રહાઃ ॥
રથં નીત્વા પ્રધાવન્તિ ગોલોકાત્કૃષ્ણપાર્ષદાઃ

ઇતિ શ્રીગર્ગસંહિતાયાં વિજ્ઞાનખંડે શ્રીવ્યાસોગ્રસેનસંવાદે
હરિમંદિરપ્રતિષ્ઠાવર્ણનં નામ ષષ્ઠોઽધ્યાયઃ