ગર્ગસંહિતા · અધ્યાય 8.11

બલભદ્રખણ્ડઃ - એકાદશોઽધ્યાયઃ
બલરામસ્તોત્રમ્ -
દુર્યોધન ઉવાચ -
સ્તોત્રં શ્રીબલદેવસ્ય પ્રાડ્‌વિપાક મહામુને ॥
વદ માં કૃપયા સાક્ષાત્સર્વસિદ્ધિપ્રદાયકમ્

પ્રાડ્‌વિપાક ઉવાચ -
સ્તવરાજં તુ રામસ્ય વેદવ્યાસકૃતં શુભમ્ ॥
સર્વસિદ્ધિપ્રદં રાજઞ્છૃણુ કૈવલ્યદં નૃણામ્

દેવાદિદેવ ભગવન્ કામપાલ નમોઽસ્તુ તે ॥
નમોઽનન્તાય શેષાય સાક્ષાદ્રામાય તે નમઃ

ધરાધરાય પૂર્ણાય સ્વધામ્ને સીરપાણયે ॥
સહસ્રશિરસે નિત્યં નમઃ સંકર્ષણાય તે

રેવતીરમણ ત્વં વૈ બલદેવાચ્યુતાગ્રજઃ ॥
હલાયુધ પ્રલંબઘ્ન પાહિ માં પુરુષોત્તમ

બલાય બલભદ્રાય તાલાંકાય નમો નમઃ ॥
નીલાંબરાય ગૌરાય રૌહણેયાય તે નમઃ

ધેનુકારિર્મુષ્ટિકારિઃ કૂટારિર્બલ્વલાંતકઃ ॥
રુક્મ્યરિઃ કૂપકર્ણારિઃ કુમ્ભાંડારિસ્ત્વમેવ હિ

કાલિંદીભેદનોઽસિ ત્વં હસ્તિનાપુરકર્ષકઃ ॥
દ્વિવિદારિર્યાદવેંદ્રો વ્રજમંડલમંડનઃ

કંસભાતૃપ્રહન્તસિ તીર્થયાત્રાકરઃ પ્રભુઃ ॥
દુર્યોધનગુરુઃ સાક્ષાત્પાહિ પાહિ પ્રભો ત્વતઃ

જય જયાચ્યુતદેવ પરાત્પર
સ્વયમનન્તદિગંતગતશ્રુત ॥
સુરમુનીંદ્રફણીન્દ્રવરાય તે
મુસલિને બલિને હલિને નમઃ

યઃ પઠેત્સતતં સ્તવનં નરઃ
સ તુ હરેઃ પરમં પદમાવ્રજેત્ ॥
જગતિ સર્વબલં ત્વરિમર્દનં
ભવતિ તસ્ય ધનં સ્વજનં ધનમ્

ઇતિ શ્રીગર્ગસંહિતાયાં બલભદ્રખણ્ડે
બલભદ્રસ્તવરાજવર્ણનં નામૈકાદશોઽધ્યાયઃ

હરિઃ ૐ તત્સત્ શ્રીકૃષ્ણાર્પણમસ્તુ ॥
વર્ગઃગર્ગ સંહિતા