ગર્ગસંહિતા · અધ્યાય 6.13

શ્રીનારદ ઉવાચ ॥
પ્રભાસસ્યાપિ માહાત્મ્યં શૃણુ રાજન્મહામતે ॥
સર્વપાપહરં પુણ્યં તેજસાં વર્દ્ધનં પરમ્

ગોદાવાર્યાં ગુરૌ સિંહે હરક્ષેત્રે ચ કુંભગે ॥
રવિગ્રહે કુરુક્ષેત્રે કાશ્યાં ચન્દ્ર- ગ્રહે તથા

યત્પુણ્યં લભતે રાજન્સ્નાનતો દાનતો નરઃ ॥
તસ્માચ્છતગુણં પુણ્યં પ્રભાસે ચ દિનેદિને

યત્ર સ્નાત્વા દક્ષશાપાદ્ગૃહીતો યક્ષ્મણોડુરાટ્।
વિમુક્તઃ કિલ્વિષાત્સદ્યો ભેજે ભૂયઃ કલોદયમ્

મહાપુણ્યતમા રાજન્યત્ર પ્રત્યક્સરસ્વતી ॥
તસ્યાં સ્નાત્વા નરઃ પાપી સાક્ષાદ્બ્રહ્મમયો ભવેત્

તત્તીરે વર્તતે રાજન્નામ્ના વૈ બોધપિપ્પલમ્ ॥
કૃષ્ણેન યત્રોદ્ધવાય દત્તં ભાગવતં શુભમ્

તં નત્વાભ્યર્ચ્ય વિધિવત્સ્પૃષ્ટ્વા શ્રી બોધપિપ્પલમ્ ॥
શૃણોતિ યો ભાગવતં પુરાણં બ્રહ્મસંમિતમ્

શ્લોકાર્ધશ્લોકપાદં વા મૌની નિયતમાનસઃ ॥
તસ્ય પાણૌ ભવેદ્રાજન્વૈષ્ણવં પરમં પદમ્

પ્રોષ્ઠપદ્યાં પૂર્ણિમાયાં હેમસિંહસમન્વિતમ્ ॥
દદાતિ ય ભાગવતં સ યાતિ પરમાં ગતિમ્

પુરાણં ન શ્રુતં યૈસ્તુ શ્રીમદ્ભાગવતં ક્વચિત્॥
તેષાં વૃથા જન્મગતં નરાણાં ભૂમિવાસિનામ્

યૈર્ન શ્રુતં ભાગવતં પુરાણં નારાધિતો યૈઃ પુરુષઃ પુરાણઃ॥
હુતં મુખે નૈવ ધરામરાણાં તેષાં વૃથા જન્મ ગતં નરાણામ્

દ્વારાવત્યાં તીર્થરાજં ગૌમતીસિંધુસંગમમ્ ॥
યત્ર સ્નાત્વા નરો યાતિ વૈકુણ્ઠં વિમલં પદમ્

શતાશ્વમેધજં પુણ્યં ગંગાસાગર સંગમે ॥
તસ્માત્સહસ્રગુણિતં ગોમતીસિંધુસંગમે

અત્રૈવોદાહરંતીમમિતિહાસં પુરાતનમ્ ॥
યસ્ય શ્રવણમાત્રેણ પાપતાપાત્પ્રમુચ્યતે

આસીદ્ગજાહ્વયે વૈશ્યો રાજમાર્ગપતિઃ પરઃ ॥
મહાગૌરવસંયુક્તો નિધીશો ધનદો યથા

વેશ્યાપ્રસંગનિરતો વિટગોષ્ઠીવિશારદઃ॥
દ્યૂતક્રીડનકાસ- ક્તો લોભમોહમદાન્વિતઃ

મૃષાવાદી મહાદુષ્ટઃ કુકર્મનિરતઃ સદા ॥
બ્રાહ્મણેભ્યો ન પિતૃભ્યો ન દેવેભ્યો ધનં દદૌ

હરેઃ કથાં પ્રેક્ષ્યદૂરાદ્દૂરં વૈ નિર્યયૌ ત્વરમ્ ॥
પિત્રોઃ સેવાપિ ન કૃતા ન પુત્રેભ્યો ધનં દદૌ

ત્યક્ત્વા ભાર્યાં સ ભિન્નોભૂદ્ધનાઢ્યો દુર્મતિઃ ખલઃ ॥
વેશ્યાપ્રસંગાત્તસ્યાપિ ધનાર્દ્ધં પ્રક્ષયં ગતમ્॥ ।૯॥
અર્ધં તુ તસ્કરૈર્નીતં કિંચિત્પૃથ્વ્યાં ગતં સ્વતઃ ॥
પુણ્યેન વર્દ્ધતે લક્ષ્મીઃ પાપેન ક્ષીયતે ધ્રુવમ્

એવં સ નિર્ધનો જાતો વેશ્યાસક્તો મહાખલઃ ॥
તસ્મિન્ગજાહ્વયે રમ્યે ચૌર્યકર્મ ચકાર હ

ચૌર્યકર્મ પ્રકુર્વંતં બદ્ધ્વા તં દામભિર્નૃપઃ ॥
દેશાન્નિઃસારયામાસ શંતનુર્નૃપતીશ્વરઃ

વનેપિ નિવન્સોપિ જીવહિંસાં ચકાર હ॥
સમા દ્વાદશ સાહસ્રં નવવર્ષયદાઘનઃ

પશ્ચિમાં તુ દિશં પ્રાગાદ્વૈશ્યો દુર્ભિક્ષ પીડિતઃ ॥
વને વૈ મારિતઃ સોપિ સિંહેન તલઘાતતઃ

તદૈવ યમદૂતાસ્તં બદ્ધ્વા પાશૈરધોમુખમ્ ॥
કશાઘાતૈસ્તાડયંતો નિન્યુર્માર્ગં યમસ્ય ચ

અથ કશ્ચિન્મહાન્ગૃધ્રો માંસં તસ્ય ભુજસ્ય ચ ॥
ગૃહીત્વા ખં ગતઃ સદ્યઃ ખાદંશ્ચંચુપુટેન તમ્

નિરામિષાઃ ખગાશ્ચાન્યે સ્વામિષં જગ્મુરાતુરાઃ ॥
એવં કોલાહલે જાતે શંખચિહ્નાદિભિઃ કૃતે

ન જહૌ મુખતો માંસં પશ્ચિમાશાં જગામ હ ॥
તત્સમેનાપિ ગૃધ્રેણ તીક્ષ્ણતુંડેન તાડિતાત્

તન્મુખાત્પ્રપતન્માંસં ગોમતીસિંધુસંગમે ॥
તીર્થપ્લુતે તસ્ય માંસે વૈશ્યોયં પાતકી મહાન્

તેષાં પાશાન્સ્વયં છિત્ત્વા ભૂત્વા દેવશ્ચતુર્ભુજઃ ॥
પશ્યતાં યમદૂતાનાં વિમાનમધિરુહ્ય સઃ

વિરાજયન્દિશઃ સર્વા પરંધામ હરેર્યયૌ

ગોમતીસિંધુસંગસ્ય માહાત્મ્યં શૃણુતે નરઃ ॥
સર્વપાપવિનિર્મુક્તો વિષ્ણુલોકં પ્રયાતિ સઃ

ઇતિ શ્રીમદ્ગર્ગસહિતાયાં શ્રીદ્વારકાખણ્ડે નારદબહુલાશ્વ સંવાદે પ્રભાસસરસ્વતીબોધપિપ્પલ ગોમતીસિંધુસંગમમાહાત્મ્યનામ ત્રયોદશોઽધ્યાયઃ