ગણેશપુરાણમ્ · અધ્યાય 1.11

॥ અથૈકાદશોઽધ્યાયઃ ॥
ભૃગુરુવાચ ॥
જગાદભૂયશ્ચતુરાનનસ્તમેવં કૃત પ્રશ્ન વિવક્ષયાથ ।
ક્રમેણ સર્વં કથયામિતેહં ગણેશ મન્ત્રાન્બહુધા વિચાર્ય

બ્રહ્મોવાચ ॥
અનન્તા હિ મુને મન્ત્રા ગણેશસ્ય મહાત્મનઃ ।
ઉપાસનં વદિષ્યામિ શીઘ્રં સિદ્ધિકરસ્ય તે

સપ્તકોટિ મહામન્ત્રા ગણેશસ્યાગમેસ્થિતાઃ ।
તદ્રહસ્યં શિવોવેદકિઞ્ચિકિઞ્ચિદહં મુને

ષડક્ષરૈકાક્ષરયોઃ શ્રેષ્ઠત્વં તેષુ વિદ્યતે ।
યયોઃ સ્મરણમાત્રેણ સર્વસિદ્ધિઃકરે ભવેત્

જીવન્મુક્તાભવન્ત્યેવ યદુપાસનયા મુને ।
ત એવ ધન્યાસ્તે પૂજ્યાસ્તેનમસ્યાઃ સુરૈરપિ

યદુપાસનયાદાસ્યં યેષાં કુર્વન્તિ સિદ્ધયઃ ।
ઇચ્છાવિહારાઃ સર્વજ્ઞા નાનારૂપા ભવન્તિ તે

યે કુર્વન્તિ ગણેશસ્ય ભક્તિં ભાવસમન્વિતાઃ ।
ન યેષાં ભક્તિલેશોપિ તેષાં જન્મ નિરર્થકમ્

નાલોકયેન્ મુખં તેષાં વિમુખા યે ગજાનને ।
તેષાં દર્શનમાત્રેણ વિઘ્નાનિસ્યુઃ પદે પદે

વિઘ્નાન્યુપશમં યાન્તિ તદુપાસક દર્શનાત્ ।
નમસ્યન્તિ ચ ભૂતાનિ સ્થાવરાણિ ચરાણિ ચ

અતસ્તેહં પ્રવક્ષ્યામિ મન્ત્રમેકાક્ષરં શુભમ્ ।
તદનુષ્ઠાન માત્રેણ વાઞ્છિતં સમવાપ્સ્યસિ

અનુષ્ઠાનં પ્રવક્ષ્યામિ યથોક્તં શમ્ભુના મમ ।
સ્નાનં કૃત્વા ધૌતવસ્ત્રે પરિધાય શુચિર્નરઃ

ચૈલાજિનકુશૈઃકૃત્વા સ્વાસનં સાધકઃ સુધીઃ ।
તસ્મિન્ સ્થિત્વા ભૂતસુદ્ધિં પ્રાણાનાં સ્થાપનં તથા

અન્તર્બહિર્માતૃકાણાં ન્યાસં કૃત્વાત્વતન્દ્રિતઃ ।
પ્રાણાયામં તતઃ કૃત્વા મૂલમન્ત્રં જપન્ હૃદિ

મન્ત્ર સન્ધ્યામુપાસીત આગમોક્તાં યથાવિધિ ।
આપાદમસ્તકં દેવં ધ્યાત્વાનિશ્ચલચેતસા

માનસૈરુપચારૈસ્તં પૂજયેત્સુસમાહિતઃ ।
તતો જપેદ્યથાશક્તિ પુરશ્ચરણમાર્ગતઃ

અનુકૂલોભવેદ્યાવદ્વરં દાતું ગજાનનઃ ।
સ્વરૂપં દર્શયેદ્યાવત્તાવજ્જપપરો ભવેત્

ભૃગુરુવાચ ॥
એવમુક્ત્વા મુનિં બ્રહ્મા વિલોક્ય શુભવાસરમ્ ।
એકાક્ષરં મન્ત્રરાજમેકાર્ણં ગણપસ્ય ચ

અશિક્ષયત્તદા સર્વં સમ્ભ્રાન્તં મુનિસત્તમમ્ ।
બ્રહ્મોવાચ ॥
સૂર્યકોટિપ્રતીકાશં વરં દાતું સમાગમત્

યદાદ્રક્ષ્યસિતં દેવં તદાચિત્તં સ્થિરી કુરુ ।
મમૈવ હૃદયે નિત્યં સ્થિરો ભવ ગજાનન

યાચસ્વેતિ વરં તસ્માત્ સ તે દાસ્યત્ય સંશયમ્ ।
હૃદિસ્થિતે તત્ર દેવે દિવ્યં જ્ઞાનમવાપ્સ્યસિ

ભૂતં ભાવિ ભવદ્ઘૈવ જ્ઞાસ્યસિ ત્વમશેષતઃ ।
હિત્વા ભ્રાન્તિં દૃઢાં વત્સ નાનાગ્રન્થાન્ કરિષ્યતિ

વ્યાસ ઉવાચ ॥
ગતા ભ્રાન્તિર્મમપિતરુપદેશે કૃતે ત્વયા ।
અનુષ્ઠાનં કરિષ્યામિ પિતામહ તવાજ્ઞયા

બ્રહ્મોવાચ ॥
એકાન્તે નિર્જને દેશે વ્યગ્રતા હેતુ વર્જિતે ।
અનુષ્ઠાનં કુરુવિભો ગજાનનમનુસ્મરન્

નાસ્તિકે નિન્દકે ક્રૂરે નાચારે ચ ખલે શઠે ।
ન વક્તવ્યો મન્ત્રરાજસ્તાદૃશે શરણાગતે

દૃઢભક્તૌ શ્રદ્દધાને વિનીતે વેદવાદિનિ ।
સાકાંક્ષેનિરનુક્રોશે શાસ્ત્રજ્ઞે ચ પ્રકાશય

પ્રાપયત્યેવ નરકાન્ દશપૂર્વાન્ દશાપરાન્ ।
મન્ત્રરાજસ્તુ વક્તારમપ્રકાશ્યેપ્રકાશિતઃ

યોજયેદ્ભક્તિપૂર્વં તુ સ લભેદીપ્સિતં ફલમ્ ।
પુત્રપૌત્રસમાયુક્તો ધનધાન્યસમન્વિતઃ

એકદન્ત પ્રભાવેન લબ્ધ્વાજ્ઞાનં સુનિર્મલમ્ ।
ઇહ ભુક્ત્વાખિલાન્ ભોગાનન્તે મોક્ષમવાપ્નુયાત્

।
। ઇતિ શ્રીગણેશપુરાણે ઉપાસનાખણ્ડે મન્ત્રકથનં નામૈકાદશોઽધ્યાયઃ