દ્વાવિંશત્યવદાનકથા · શ્લોક 37-16.2

ભગવાન્ આહ ॥
વિશેષં લક્ષપુષ્પાણાં રોહણેન ફલાફલમ્ ।
ઉચ્ચનીચાદિકં સર્વ ં પ્રવક્ષ્યામિ સમાસતઃ

માઘ્યપુષ્પવિશિષ્ટં વૈ ધર્મધાતો વિશેષતઃ ।
{કૃષ્ણાપરાજિતા પશ્ચાત્} સુવર્ણયૂથિકાપુષ્પં કરવીરં તદન્તતઃ

દમનપુષ્પાણિ તત્પશ્ચાત્ યં ચ પુષ્પાણિ સર્વતઃ ।
વિશિષ્ટં યં ચ બુદ્ધાનાં સતતં જિનભાષિતમ્

ચમ્પકજાતિપુષ્પાણિ પારિજાતસ્ તથૈવ ચ ।
કેતકીનવમાલી ચ પદ્મકુમુદ-ઉત્પલમ્

અશોક-અર્કપુષ્પાણિ કહ્લારનાગપુષ્પમ્ ।
બિલ્વપત્ત્રાણિ ધત્તૂરં જવાપુષ્પનિ તથૈવ ચ

ભ્ર્ઙ્ગરાજાનિ પુષ્પાણિ લક્ષ્મીપુષ્પં તતઃ ક્રમાત્ ।
તમારનિર્ગ્રન્થીયૂથી મલ્લિકામાધવી તથા

વનમાલાકુન્દબન્ધૂક ન મ્લાનં કુવલકસ્ તથા ।
સૈરેયક્રોરણશ્ ચૈવ મધુરીકુસુમાવતી

એવં ક્રમ ં વિશિષ્ટં ચ અન્યેષાં ચ પૃથક્ પૃથક્ ।
નાનાવિધાનિ પુષ્પાણિ અનેકજાતૈર્ ઉદ્ભવમ્

નાન્યોક્તં ચ મયા કે ચિત્ સામાન્યપુષ્પકસ્ય ચ ।
કથિતં જિનનાથૈશ્ ચ પુષ્પાણાં સર્વતઃ કિલ

સર્વપુષ્પાદિના ચૈત્યે રોહણાત્ ફલમ્ ઉત્તમમ્ ।
પૃથક્ પૃથક્ ફલં તસ્માત્ પુષ્પાણાં કથિતા જિનાઃ

આનન્દ ઉવાચ ॥
ચૈત્યાનાં ચ શ્રુતં નાથ લક્ષપુષ્પવિશેષતઃ ।
તથાગતાનામ્ અન્યેષાં વદ મે વાદિપુંગવ

ભગવાન્ આહ ॥
પૂર્વોક્તાનિ ચ પુષ્પાણાં ચૈત્યાનામ્ અભવત્ તદા ।
પ્રવક્ષ્યામિ યથાનન્દ સાંનિધ્યં શૃણુ સર્વતઃ

તથાગતેષુ અનેયેષુ દેવતાયાં વિશેષતઃ ।
પૂર્વોક્તાનિ ચ પુષ્પાણાં યથાયોગ્ય ં યથેચ્છયા ।
દેવતા વર્ણભેદેન પુષ્પાણાં ચ તથૈવ ચ

એવમ્ આનન્દ જ્ઞાતવ્ય ં નરઃ પુષ્પાણિ રોહયેત્ ।
પૂર્વોક્તફલમ્ આપ્નોતિ નિત્યમ્ એવ ન સંશયઃ

મહાનુશંસા પુષ્પાણામ્ આરોહણાદ્ ધિ ફલં તથોક્તમ્ ।
બુદ્ધેષુ બિમ્બેષુ તથા ચ સ્તૂપે અન્યેષુ દેવેષુ ફલં તદ્ એવ

પુનશ્ચ ॥
શક્રાધિકાઃ પ્રવરભોગસમન્વિતાસ્ તે પદ્મેન્દુકાન્તિવપુષો વરકીર્તિયુક્તાઃ । શક્રાન્ વિજિત્ય રભસા સતતં ભવન્તિ બુદ્ધસ્ય યે સુકુસુમૈઃ પ્રકિરન્તિ પૂજામ્

નીલોત્પલપ્રચયતુલ્યશરીરગન્ધા વિખ્યાતકીર્તિવિમલાયતચારુનેત્રાઃ ।
રત્નોપમા ભુવિ ચરન્તિ મનુષ્યભૂતા દત્ત્વા જિને પ્રવરધૂપમ્ ઉદારગન્ધમ્

વૈડૂર્યમુક્તામણિભૂષિતાઙ્ગાઃ કૌશેયવસ્ત્રાવૃતસર્વકાયાઃ ।
નરોત્તમાઃ સર્વજનૈર્ ઉપેતા ભવન્તિ બુદ્ધે સુરભિપ્રદાનાત્