દ્વાવિંશત્યવદાનકથા · અધ્યાય 24

ઇતિ ॥
તતો રાજા અસ્યા ગાથાયાઃ સહશ્રવણાત્ પ્રહ્લાદિતમનાઃ પ્રીતિસૌમનસ્યેન્દ્રિયજાતો યક્ષમ્ ઉવાચ ॥ ઇદં ગુહ્યક મે શરીરં યથેષ્ટં ક્રિયતામ્ ઇતિ ॥ તતઃ શક્રો દેવેન્દ્રો રાજાનં મેરુવદ્ અકમ્પ્ય મ્ અનુત્તરાયાં સમ્યક્સંબોધૌ વિદિત્વા યક્ષરૂપમ્ અન્તર્ધાપ્ય સ્વરૂપેણ સ્થિત્વા પ્રસાદવિકસિતાભ્યાં નયનાભ્યામ્ એકેન પાણિના પુત્રં ગૃહીત્વા દ્વિતીયેન ચ ભાર્યાં રાજાનમ્ અભ્યુત્સાહયન્ન્ ઉવાચ ॥ સાધુ સાધુ સત્પુરુષ દૃઢસંનાહસ્ ત્વં નચિરાદ્ અનેન વ્યવસાયેન અનુત્તરા ં સમ્યક્સંબોધિમ્ અભિસંભોત્સ્યસે । અયં ચ તે ઇષ્ટ જન સમાગમ ઇતિ ॥
તતો રાજા શક્રં દેવેન્દ્રમ્ ઇદમ્ અવોચત્ ॥ સાધુ સાધુ કૌશિક કૃતો ઽસ્માકં ધર્માભિપ્રાયપૂરિતશ્ ચેતિ ॥
ભગવાન્ આહ ॥ કિં મન્યધ્વે ભિક્ષવો યો ઽ સૌ તેન કાલેન તેન સમયેન સુરૂપો નામ રાજા બભૂવાહં સઃ । સુન્દરકુમાર આનન્દઃ । સુન્દરકા એષૈવ યશોધરા । તદાપિ મે ભિક્ષવો ધર્મહેતોર્ ઇષ્ટબન્ધુપરિત્યાગઃ સ્વજીવિતપરિત્યાગશ્ ચ કૃતઃ પ્રાગ્ એવેદાનીમ્ । તસ્માત્ તર્હિ ભિક્ષવ એવં શિક્ષિતવ્યમ્ । યદ્ ધર્મં સત્કરિષ્યામો ગુરુકરિષ્યામો માનયિષ્યામઃ પૂજયિષ્યામો ( દક્: 237 ) ધર્મં સત્કૃત્ય ગુરુકૃત્ય માનયિત્વા પૂજયિત્વોપનિશ્રિત્ય વિહરિષ્યામ ઇત્ય્ એવં વો ભિક્ષવઃ શિક્ષિતવ્યમ્ ઇતિ ॥
ઇતિ દ્વાવિંશતિકાવદાનકથાયાં દાનકથા ॥
[xxઇવ્.] પુણ્યોત્સાહાવદાનસૂત્ર
અથ શ્રીભગવાન્ બુદ્ધઃ સર્વજ્ઞસ્ તાન્ સભાશ્રિતાન્ સર્વાંલ્ લોકાન્ સમાલોક્ય પુનઃ સદ્ધર્મમ્ આદિશત્ ॥
શૃણ્વન્તુ કુલપુત્રા યત્ સંબોધિજ્ઞાનસાધનમ્ ।
સદ્ધર્મં તન્ મયાખ્યાતં સત્ત્વાનાં ભદ્રકારનં

પ્રથમં બોધિસત્ત્વેન સંબોધિજ્ઞાનસિદ્ધયે ।
સંબોધિપ્રણિધિં કૃત્વા કર્તવ્યં દાનમ્ ઈપ્સિતમ્

તતો વિરમ્ય પાપેભ્યો દશભ્યો ઽપિ સમાદરાત્ ।
શુદ્ધશીલં સમાધાય ચરિતવ્યં સુસંવરમ્

તતઃ ક્લેશાન્ વિનિર્જિત્ય ચતુર્બ્રહ્મવિહારિણઃ ।
ક્ષાન્તિવ્રતં સદા ધૃત્વા ચૈતવ્યં જગદ્ધિતમ્

તતો ધર્મમહોત્સાહં ધૃત્વા સત્ત્વાર્થસાધને ।
પાપમિત્રરતિં ત્યક્ત્વા સાધનીયં મહદ્ગુણમ્

તત ઇષ્ટાશયં ત્યક્ત્વા કામભોગવિરાગિણઃ ।
સુધીરચિત્તમ્ આધાય ધ્યાતવ્યં ત્રિજગદ્ધિતમ્

તતો ઽમિત્રસંરાગં ત્યક્ત્વા સંબોધિરાગિણા ।
પ્રજ્ઞાબ્ધૌ બોધિસદ્રત્નં સાધનીયં જગચ્છુભે

એતાઃ પારમિતાઃ ષડ્ઢા ઃ પૂરયિત્વા યથાક્રમમ્ ।
સર્વાન્ મારગણાઞ્ જિત્વા સંબોધિજ્ઞાનમ્ આપ્સ્યતે

તત એવં મહાભિજ્ઞઃ શ્રીસંપદ્વીર્યસદ્ગુણૈઃ ।
સર્વસત્ત્વહિતં કૃત્વા સંબુદ્ધપદમ્ આપ્સ્યતે

એવં યૂયં પરિજ્ઞાય સંબુદ્ધત્વં યદીચ્છથ ।
એવં પારમિતાઃ સર્વાઃ પૂરયેધ્વં યથાક્રમમ્

સંબોધિપ્રણિધિં ધૃત્વા ચતુર્બ્રહ્મવિહારિણઃ ।
ત્રિરત્નભજનં કૃત્વા સંચરધ્વં જગદ્ધિતે

એતત્પુણ્યાનુભાવેન સર્વે યૂયં જિતેન્દ્રિયાઃ ।
અર્હન્તઃ પ્રાપ્ય સંબોધિં સંબુદ્ધપદમ્ આપ્સ્યથ

ઇત્ય્ આદિષ્ટં મુનીન્દ્રેણ શ્રુત્વા સર્વે ઽપિ ભિક્ષવઃ ।
એવમ્ અસ્ત્ય્ ઇતિ પ્રાભાષ્ય પ્રાભ્યનન્દન્ પ્રબોધિતાઃ

સભા સર્વાવતી સા ઽપિ શ્રુત્વૈતત્ સંપ્રસાદિતાઃ ।
તથેતિ પ્રતિવન્દિત્વા પ્રાભ્યનન્દત્ પ્રબોધિતાઃ