દિવ્યાવદાન · અધ્યાય 35

491.020. ભૂતપૂર્વં ભિક્ષવો ઽન્યતરસ્મિન્ કર્વટકે ગૃહપતિઃ પ્રતિવસતિ।
491.020. તેન સદૃશાત્ કુલાત્ કલત્રમાનીતમ્।
491.021. સ તયા સહ ક્રીડતે રમતે પરિચારયતિ।
491.021. તસ્ય ક્રીડતો રમમાણસ્ય પરિચારયતઃ પુત્રો જાતઃ।
491.022. પુનરસ્ય ક્રીડતો રમમાણસ્ય પરિચારયતો દારિકા જાતા।
491.022. યાવદન્યતમઃ પ્રત્યેકબુદ્ધો જનપદચારિકાં ચરંસ્તં કર્વટકમનુપ્રાપ્તઃ।
491.023. યા જન્મિકા દારિકાઃ, તાસામ્ યાચનકા આગચ્છન્તિ।
491.024. તસ્યા ન કશ્ચિદાગચ્છતિ।
491.024. અસતિ બુદ્ધાનામુત્પાદે પ્રત્યેકબુદ્ધા લોકે ઉત્પદ્યન્તે હીનદીનાનુકમ્પકાઃ પ્રાન્તશયનસનભક્તા એકદક્ષિણીયા લોકસ્ય।
491.025. યાવદન્યતમઃ પ્રત્યેકબુદ્ધો જનપદચારિકાં ચરંસ્તં કર્વટકમનુપ્રાપ્તઃ।
491.026. યાવત્તયા દારિકયા ગૃહં સંમૃજ્ય વાટસ્યોપરિષ્ટાત્ સંકારશ્છોરિતઃ।
491.027. તસ્ય પ્રત્યેકબુદ્ધસ્ય પિણ્ડપાતમટતઃ શિરસિ પતિતઃ।
491.028. તયાસૌ દારિકયા પતન્ દૃષ્ટઃ।
491.028. ન ચાસ્ય વિપ્રતિસારચિત્તમુત્પન્નમ્।
491.028. નેઇવમ્।
491.029. તસ્યાસ્તમેવ દિવસમ્ યાચનક આગતઃ।
491.029. સા ભ્રાત્રા પૃષ્ટા--કિં ત્વયાદ્ય કૃતમ્ યેન તે યાચનકા નાગતા ઇતિ।
491.030. તયા સમાખ્યાતમ્--મયા તસ્યોપરિ સંસ્કારશછોરિતઃ।
491.030. તેન વિપુષ્પિતમ્।
491.031. તદા દારિકયા અન્યસ્યા દારિકાયા નિવેદિતમ્।
491.031. તયાપ્યસ્યા લોકસ્યેદં પાપકં દૃષ્ટિગતમુત્પન્નમ્।
491.032. યસ્યા યસ્યા યાચનકા આગચ્છન્તિ, સા સા તસ્ય પ્રત્યેકબુદ્ધસ્યોપરિ સંકારમ્ <492>છોરયત્વિતિ।
492.001. અસત્કારભીતવસ્તે મહાત્માનઃ સર્વે પ્રત્યેકબુદ્ધાઃ।
492.001. સ તસ્માત્ કર્વટકાત્પ્રક્રાન્તઃ।
492.002. પઞ્ચાભિજ્ઞામૃષીણામુપરિ ક્ષેપ્તુમારબ્ધાઃ।
492.002. તે ઽપિ પ્રક્રાન્તાઃ।
492.002. તતો માતાપિત્રોરુપરિ ક્ષેપ્તુમારબ્ધાઃ।
492.003. તસ્મિન્ કર્વટકે દ્વૌ ગૃહપતી સમકૌ પ્રતિવસતઃ।
492.003. સા આભ્યામુક્તા--ભવન્તઃ, અસદ્ધર્મો ઽયં વર્ધતે, વિરમતેતિ।
492.004. તાભ્યાં નિવારિતાઃ પ્રતિવિરતાઃ॥
492.005. કિં મન્યધ્વે ભિક્ષવો યાસૌ દારિકા યયા પ્રત્યેકબુદ્ધસ્યોપરિ સંકારશ્છોરિતઃ, એષ એવાસુ શિખણ્ડી।
492.006. યો ઽસૌ કર્વટકનિવાસી જનકાયઃ, એષ એવાસૌ રૌરુકનિવાસી જનકાયઃ।
492.007. યદેભિઃ પ્રત્યેકબુદ્ધાનામુપરિ પાપકં દૃષ્ટિગરમુત્પન્નં કૃતમ્, અસ્ય કર્મણો વિપાકેન પાંશુનાવષ્ટબ્ધાઃ।
492.008. યો ઽસૌ ગૃહપતી યાભ્યાં નિવારિતમ્, એતાવેતૌ હિરુભિરુકાવગ્રામાત્યૌ।
492.009. તસ્ય કર્મણો વિપાકેન નિષ્પલાયિતૌ।
492.009. યો ઽસૌ દારિકાયા ભ્રાતા યેન વિપુષ્પિતમ્, એષ એવાસૌ કાત્યાયનો ભિક્ષુઃ।
492.010. યદનેન બિપુષ્પિતં તસ્ય કર્મણો વિપાકેન પાંશુનાવષ્ટબ્ધઃ।
492.011. યદિ તેન ન વિપુષ્પિતમ્ (ચિત્તમ્) ન પાંશુનાવષ્ટબ્ધો ઽભવિષ્યદિતિ।
492.011. યદિ તસ્ય પાપકં દૃષ્ટિગતમુત્પન્નમભવિષ્યત્, કાત્યાયનો ઽપિ ભિક્ષુઃ પાંશુનાવષ્ટબ્ધો ઽનયેન વ્યસનમાપન્નો ઽભવિષ્યદિતિ।
492.013. ઇતિ હિ ભિક્ષવ એકાન્તકૃષ્ણાનાં કર્મણામેકાન્તકૃષ્ણો વિપાકઃ, એકાન્તશુક્લાનામેકાન્તશુક્લઃ, વ્યતિમિશ્રાણાં વ્યતિમિશ્રઃ।
492.014. તસ્માત્તર્હિ ભિક્ષવ એકાન્તકૃષ્ણાનિ કર્માણ્યપાસ્ય વ્યતિમિશ્રાણિ ચ, એકાન્તશુલેષ્વેવ કર્મસ્વાભોગઃ કરણીયઃ।
492.015. ઇત્યેવં વો ભિક્ષવઃ શિક્ષિતવ્યમિતિ।
492.016. ભિક્ષવો ભગવતો ભાષિતમભ્યનન્દન્નિતિ॥
492.017. ઇતિ શ્રીદિવ્યાવદાને રુદ્રાયણાવદાનં સમાપ્તમ્॥
********** અવદાન 38 **********
493.001. દિવ્38 મૈત્રકન્યકાવદાનમ્।
493.002. માતર્યપકારિણઃ પ્રાણિન ઇહૈવ વ્યસનપ્રપાતપાતાલાવલમ્બિનો ભવન્તીતિ સતતસમુપજાયમાનપ્રેમપ્રસાદબહુમાનમાનસૈઃ સત્પુરુષૈર્માતરઃ શુશ્રૂષણીયાઃ।
493.003. તદ્યથાનુશ્રૂયતે--વિકસિતસિતકુમુદેન્દુકુન્દકુસુમાવલીગુણગણવિભૂષિતઃ પૂર્વજન્માન્તરોપાત્તાપ્રમેયાનવદ્યવિપુલસકલસમ્ભારો ધનદસમાનરત્નાશ્રયઃ સ્વજનકૃપણવનીપકભુજ્યમાનોદારવિભવસારનિચયો મિત્રો નામ સાર્થવાહો બભૂવ।
493.007. પરોપકારૈકરસાભિરામા વિભૂતયઃ સ્ફીતતરા બભૂવુઃ।
493.009. તસ્યાર્યસત્ત્વસ્ય નભસ્યરાત્રે કરા નવેન્દોઃ કુમુદાવદાતાઃ

493.011. તૃષ્ણાનિલૈઃ શોકશિખાપ્રચણ્ડૈશ્ચિત્તાનિ દગ્ધાનિ બહુપ્રકારમ્।
493.013. આશાવતાં સપ્રણયાભિરામૈર્દાનામ્બુષેકૈઃ શમયામ્બભૂવ

493.015. દૃષ્ટ્વા લોકમિમં ધનક્ષયભયાત્ સંત્યક્તદાનોત્સવં લોકક્લેશપિશાચિકાવશતયા સંદૂષિતાધ્યાશયમ્।
493.017. કારુણ્યાત્ સ દદાવનાથકૃપણક્લીબાતુરેભ્યો ધનં મત્વા ચ પ્રહતાર્ણવોર્મિચપલં સ્વં જીવિતં ભૂયસા

493.019. યેષુ વ્યાસજ્જચેતા ભુજગવરવધૂભોગભીમેષુ લબ્ધા ગાહન્તે પાપગર્તં સ્ફુટદહનશિખાભીમપર્યન્તરન્ધ્રમ્।
493.021. વાતાઘાતપ્રનૃત્તપ્રવરનરવધૂનેત્રપક્ષ્માગ્રલોલાંસ્ તાનર્થાનર્થિદુઃખવ્યુપશમપટુભિઃ પ્રોત્સસર્જ પ્રદાનૈઃ

493.023. તસ્માત્ પુત્રધનત્વાત્ પુત્રાભિલાષિણો યદા મનોરથશતૈરસકૃદુન્મિષિતોન્મિષિતાઃ પુત્રશ્રિયઃ પ્રસહ્ય સ્ફીતતરવૈરભારેન્ધનવહ્નિનૈવ વિગતનિખિલપ્રતીકારદારુણપ્રભાવમહતા સુકૃતાન્તલયઈકપરાયણાઃ ક્રિયન્તે સ્મ, યદાસૌ લોકપ્રવાદમાત્રયાપિ પન્થાનં સમવતીર્ય ધનદવરુણકુબેરશંકરજનાર્દનપિતામહાદીન્ દેવતાવિશેષાન્ પુત્રાર્થમ્ યાચિતુમારેભે।
493.027. યસ્મિન્ યસ્મિંસ્તનયસરસિ સ્વચ્છપૂર્ણામ્બુપૂર્ણે વને(જાતે)વૃદ્ધિઃ સમુદિતમહાવંશલક્ષ્મ્યમ્બુજસ્ય।
493.029. તત્તત્તસ્ય પ્રબલવિરસમ્ યાતિ તીક્ષ્ણાંશુમાલૈઃ શોષં મન્યે રવિરિવ જલં ભાગધેયાર્કબિમ્બમ્

494.001. <494>રુદ્રં નૈકકપાલશેખરધરં ચક્રાયુધં વજ્રિણં સ્રષ્ટારં મકરધ્વજં ગિરિસુતાપુત્રં મયૂરાસનમ્।
494.003. ગઙ્ગાશઙ્ખદલાવદાતસલિલાંસ્તાંસ્તાંશ્ચ દેવાનસૌ પુત્રાર્થી શરણમ્ યયૌ બહુ પુનર્દાનં દ્વિજેભ્યો દદૌ

494.005. યદ્યજ્જનો મઙ્ગલદેશનાભિર્વ્રતોપવાસાધિગતૈશ્ચ દુઃખૈઃ।
494.007. પુત્રાર્થસંસિદ્ધિનિમગ્નબુદ્ધિર્વિક્ષિપ્ય ખેદં સ ચકાર તાંસ્તાન્

494.009. એવમનેકપ્રકારકાયચેતસોરાયાસકારિભિરપિ વ્રતોપવાસમઙ્ગલૈર્યદા નૈવ કદાચિત્ કાલે ઽસ્ય પુત્રા જીવિનો બભૂવુઃ, તદૈનમતિવિપુલે પ્રગાઢશોકાપગામ્ભસિ નિમજ્જન્તં કશ્ચિત્ સાધુપુરુષો ઽબ્રવીત્--
494.012. કર્માણ્યેવાવલમ્બન્તિ દેહિનાં સર્વસમ્પદઃ।
494.013. ભૂતાનાં તુઙ્ગશૃઙ્ગાદ્વા વિનિપાતો ન ભૂતયે

494.014. સંક્લેશં બહવઃ પ્રાપ્તાઃ પુત્રતૃષ્ણાર્તબુદ્ધિના।
494.015. ન ચ તે ઽદ્યાપિ જીવન્તિ તત્ર કિં પરિખિદ્યસે

494.016. કર્માણિ નિર્મુચ્ય કથં ભવેભ્યઃ સ્વર્ગૌકસસ્તુષ્ટિવશાદિહેયુઃ।
494.018. યે યૈર્વિના નાત્મભવં લભન્તે તે તૈર્વિના જન્મ કથં ભજેરન્

494.020. યે સાંસારિકનૈકદુઃખદહનજ્વાલાલતાલિઙ્ગિતાસ્તે વાઞ્છન્તિ નરામરોરગસુખં પ્રાયેણ દાનાદિભિઃ।
494.022. ત્વં કેનાપિ વિડમ્બસે જડમતિઃ પુત્રાશયોન્મત્તકો યસ્ત્વં દ્યામધિગન્તુમિચ્છસિ બૃહત્સોપાનમાલાશ્રયાત્

494.024. વિધિમપરમહં તે બોધયામિ પ્રસિદ્ધ્યૈ ત્વમપિ ચ કુરુ તાવત્ સંપ્રસિદ્ધ્યૈ કદાચિત્।
494.026. યદિ ભવતિ સુતસ્તે કન્યકાનામ તસ્ય સકલજનપદે ઽસ્મિન્ ખ્યાપયસ્વ પ્રસિદ્ધ્યા

494.028. અથ તસ્ય કાલાન્તરે ગગનતલમંશુમાલીવ સ્વકિરણનિકરૈર્વિરાજમાનં સ્વવંશલક્ષ્મીઃ પુત્રં જનયામ્બભૂવ।
494.029. સ ચ--
494.030. નિર્વાન્તામલહેમશૈલશિરસઃ પ્રચ્છેદગૌરદ્યુતિઃ સંપૂર્ણામલચન્દ્રમણ્ડલસમચ્છત્રોરુભાસ્વચ્છિરાઃ।
495.001. <495>મત્તૈરાવણચારુપુષ્કરકરવ્યાલમ્બબાહુદ્વયો ભિન્નેન્દીવરફુલ્લપત્રનિચયશ્યામારુણાન્તેક્ષણઃ

495.003. ભૂયઃ કલ્પસહસ્રસંચિતમહાપુણ્યપ્રભાવોદ્ભવૈઃ પ્રવ્યક્તસ્ફુરિતેન્દ્રચાપરુચિરૈઃ પ્રહ્લાદિભિર્લક્ષણૈઃ।
495.005. મૂર્તિસ્તસ્ય રરાજ ચારુશિખરાદ્ધેમમ્ યથા ભૂચ્યુતં પ્રોદ્ગીર્ણસ્વમયૂખજાલજટિલૈ રત્નાઙ્કુરૈર્વેષ્ટિતમ્

495.007. ભ્રમરચમરપઙ્ક્તિશ્યામકેશાભિરામં સમવિપુલલલાટં શ્રીમદુત્તુઙ્ગનાસમ્।
495.009. તનયમુદિતચેતા મૈત્રકન્યાભિધાનં દશદિવસપરેણ ખ્યાપયામાસ લોકે

495.011. શરીરિણાં વૃદ્ધિકરૈઃ સમૃદ્ધૈર્વિશેષયુક્તૈર્વિવિધાન્નપાનૈઃ।
495.013. સુધાવદાતૈઃ સ્ફુટચન્દ્રપાદૈઃ પયોધિવેલેવ યયૌ સમૃદ્ધિમ્

495.015. ધાત્રીભિઃ સ સમુન્નીતઃ ક્ષીરૈશ્ચ સર્પિમણ્ડકૈઃ।
495.016. પુપોષ સુન્દરં દેહં હ્રદસ્થમિવ પઙ્કજમ્

495.017. અથ તસ્ય પિતા મિત્રઃ સાર્થવાહો વણિગ્જનૈઃ।
495.018. દ્રવ્યૈર્વહનમારોપ્ય જગાહે ચોદધિં મુદા

495.019. તિમિંગિલક્ષોભવિવર્ધિતોર્મિપયોદધૌ મીનવિપન્નપાત્રે।
495.021. પિતર્યતીતે જનનીં જગાદ ચકાર કિં કર્મ પિતા મમેતિ

495.023. તતો ઽસ્ય જનની પતિવિયોગશોકગ્લપિતહૃદયા ચિન્તામાપેદે।
495.024. આશાપાશશતાકૃષ્ટો વારણસ્યેવ મૃત્યં ન પશ્યતિ।
495.025. વિષયાસ્વાદકૃપણો વારણસ્યેવ બન્ધનમ્

495.026. યદ્યપિ કથયિષ્યામિ પિતરમ્ યાનપાત્રિકમ્।
495.027. એષો ઽપિ મમ મન્દાયા નાશમેષ્યતિ તોયધૌ

495.028. યાવચ્ચાયં જનપદમિમં તસ્ય વૃત્તિં ન ભૂતાં પૃચ્છત્યસ્મૈ કથયતિ ન વા સર્વ એવૈષ લોકઃ।
495.030. તાવદ્યુક્તં મમ સુતમિમં મૃત્યુવક્ત્રાન્તરાલં નાનાદુઃખવ્યસનગહનં વ્યાધિષક્તં નિષેદ્ધુમ્

496.001. <496>પરો ઽપિ યઃ સાધુજનાનુજુષ્ટં વિહાય માર્ગં શ્રયતે વિમાર્ગમ્।
496.003. નિવારણીયઃ સ સ્વમતાજ્જનેન પ્રયત્નતઃ કિં પુનરેવ પુત્રઃ

496.005. તતો જનની કથયાંચક્રે--
496.006. પુત્ર ઔકરિકત્વેન પિતા તે મામપૂપુષત્।
496.007. યદ્યહં સુખિતા કાર્યા કાર્ષીરૌકારિભૂષણમ્

496.008. અથ મૈત્રકન્યકો બોધિસત્ત્વો માતુર્વચનં કુસુમમાલામિવ શિરસા સમભિવન્દ્ય અન્યસ્મિન્નહનિ ઔકરિકાપણં પ્રસસાર।
496.010. પુણ્યસમ્ભારમહતસ્તસ્ય સત્ત્વદયાવતઃ।
496.011. પ્રથમે ઽહનિ સંપન્નં ચતુઃકાર્ષાપણં ધનમ્

496.012. સ્વગર્ભસંધારણદુઃખિતાયૈ દદૌ સ તસ્યૈ મુદિતો જનન્યૈ।
496.014. દારિદ્ર્યદુઃખવ્યસનચ્છિદાયૈ ધનં મહાભોગફલપ્રસૂત્યૈ

496.016. અથ યે તસ્મિન્ પુરવરે ચિરંતના ઔકરિકાઃ, તે તસ્ય તામભિવર્ધમાનાં ક્રિયવિક્રયલોકમવિષમવ્યવહારનીત્યા પ્રકૃતિપ્રેમપેશલતયા ચાવર્જિતમનસસ્તસ્મિન્ મહાસત્ત્વે વ્યવહારાર્થમાપતન્તમવલોક્ય તં તસ્માત્કર્મણો વિનિવર્તનાર્થમાહુહ્--
496.019. ગાન્ધિકાપણિકઃ શ્રેષ્ઠી પિતૈતસ્મિન્ પુરે પુરા।
496.020. સ ત્વં તાં વૃત્તિમુજ્ઝત્વા શ્રયસે ઽન્યાં કયા ધિયા

496.021. અથ બોધિસત્ત્વસ્તામાપિ જીવિકામપહાય ગાન્ધિકાપણં ચકાર--
496.022. યસ્મિન્નેવ દિને ચક્રે સ સાધુર્ગાન્ધિકાપણમ્।
496.023. કાર્ષાપણાષ્ટકં તસ્ય તસ્મિન્નેવોપપદ્યતે

496.024. તમપિ માત્રે પ્રતિપાદિતવાન્।
496.024. અથ ગાન્ધિકાપણિકાઃ પુરુષાઃ સમેત્યાગત્ય ચ તં મહાસત્ત્વં વિચ્છન્દયામાસુહ્--
496.026. ગાન્ધાપણં ક્લીબજનાભિપન્નં પિતા ન વૈ માદ્ય પુરે(?) ચકાર।
496.028. તત્રૈવ હૈરણ્યિકતાં સ કૃત્વા ધનાનિ ભૂયાંસિ સમાપ સાધો

496.030. અથ મૈત્રકન્યકો બોધિસત્ત્વસ્તામપિ જીવિકામપહાય હૈરણ્યિકાપણં ચક્રાર।
496.031. તયાપિ તસ્મિન્ વ્યવહારનીત્યા હૈરણ્યિકાંસ્તાનભિભૂય સર્વાન્।
497.001. <497>લેભે દિને સ પ્રથમે મહાર્હઃ કાર્ષાપણાન્ ષોડશ તાન્ દદૌ ચ

497.003. દિને દ્વિતીયે દ્વાત્રિંશત્ કાર્ષાપણમુપાર્જ્ય સઃ।
497.004. દક્ષિણીયવિશેષાયૈ માત્રે તાનપિ દત્તવાન્

497.005. અથ હૈરણ્યિકાપણિકાઃ પુરુષા સમેત્યાગત્ય ચ તં તસ્માત્કર્મણો વિનિવર્તનાર્થમાહુહ્--
497.006. શરચ્ચન્દ્રાંશુધવલે લબ્ધ્વા જન્મ કુલે કથમ્।
497.007. કૃપણાં જીવિકાહેતોર્વૃત્તિમાશ્રયતે ભવાન્

497.008. પ્રભઞ્જનોદ્ધૂતશિખાકરાલે હુતાશને વિસ્ફુરિતસ્ફુલિઙ્ગે।
497.010. વિવર્તિતં શ્લાઘ્યમતીવ પુંસાં ન તુ સ્વવૃત્તેશ્ચ્યવનં પ્રવૃત્તમ્

497.012. મહોરગાશ્વાસવિઘૂર્ણિતોગ્રૈસ્તરંગભઙ્ગૈર્વિષમં પયોધિમ્।
497.014. અગાધપાતાલવિલગ્નમૂલં પિતા વિગાહ્યાર્જિતવાન્ ધનં તે

497.016. યદાશ્રિતં કર્મ જનાનુવર્જિના ત્વયા વિદગ્ધેન ધનેપ્સુનાધુના।
497.018. કથં ન સંપ્રાપ્સ્યસિ ભાગ્યસમ્પદં પિતુર્વ્યતીતે ઽપિ વિશાલિનીં શ્રિયમ્

497.020. વિત્તેશ્વરો ઽપ્યર્થવિભૂતિવિસ્તરૈર્ નાશાં સદર્થાં વિબભાર યસ્ય।
497.022. તસ્યા મહેન્દ્રામલતુલ્યકીર્તેઃ સૂનુઃ કથં ત્વં ન બિભર્ષિ લજ્જામ્

497.024. યે મૃત્યું ગણયન્તિ નૈવ વિપદિ ગ્રાસં ભજન્તે ઽનઘ ગેહે બન્ધુષુ સૂનુષુ વ્યપગતસ્નેહાત્મનોદ્યોગિનઃ।
497.026. યે નીત્વા જલધીનગાધસલિલાનાવર્તભીમાન્ બુધાઃ પ્રાપ્યાર્થાન્ ગજદન્તભઙ્ગસિતયાસિન્વન્ત કીર્ત્યા જગત્

497.028. અથ મૈત્રકન્યકો બોધિસત્ત્વસ્તેભ્યો ઽપિ તથાનુગુણિનીં કથામવધાર્ય સમુદ્રાવતરણકૃતવ્યવસાયો માતરમુપસૃત્યોવાચ--અમ્બ, સાર્થવાહઃ કિલાસ્માકં પિતા પુરા।
497.029. તદનુજ્ઞાં પ્રયચ્છ, યદહમપિ મહાસમુદ્રમવતરિષ્યામીતિ।
497.030. સા પૂર્વમેવ ભર્તૃમરણદુઃખેન વિગતજીવિતાશા સ્વસ્ય તનયસ્ય તેનાસમ્લક્ષિતદારુણેન વિયોગશોકશસ્ત્રેણ ભૃશતરં પ્રવિદાર્યમાણહૃદયેવ સ્વતનયમાહ--
497.032. વત્સ કેન તવાખ્યાતં વિનાકારણશત્રુના।
497.033. જીવિતં કસ્ય તે ઽનિષ્ટં ત્વયા ક્રીડાં કરોતિ કઃ

498.001. <498>દૈવાત્ કથંચિત્સમ્પ્રાપ્તં ચક્ષુરેકં ત્વમદ્ય મે।
498.002. પુત્રક્લેશાભાગિન્યા મૃત્યુના હ્રિયસે ઽધુના

498.003. ન યાવદેવં મમ દુઃખશલ્યં પ્રયાતિ નાશં પ્રવિદાર્ય શોકમ્।
498.005. કથં નુ તસ્યોપરિ મે દ્વિતીયં નિપાત્યતે પાપમયૈરમિત્રૈઃ

498.007. યેષાં ચેતો વિવિધવિરસાયાસદુઃખાપ્રકમ્પ્યમ્ યૈઃ સંત્યક્તં કૃપણહૃદયૈર્જીવિતં ભોગલુબ્ધૈઃ।
498.009. તે સંત્યક્ત્વા નયનગલિતાશ્રુપ્રવાહાર્દ્રવક્ત્રાન્ બન્ધૂનજ્ઞા મકરનિલયે મૃત્યવે યાન્તિ નાશમ્

498.011. તન્મામનાથાં પ્રતિપાલનીયાં ત્વજ્જીવિતાશૈકનિબન્ધજીવામ્।
498.013. સંત્યજ્ય યાતું કથમુદ્યમસ્તે મા સા કથા મા નુ વચો મદીયમ્(?)

498.015. સ્વપ્રાણસંદેહકરીમવસ્થાં પ્રવિશ્ય નૈકાન્તસુખં પ્રસાધ્યમ્।
498.017. સંપત્તયો યેન વણિગ્જનસ્ય તતો ઽહમેવં સુત વારયામિ

498.019. સ તસ્યા હિતાર્થં મધુરાણ્યપિ વચનકુસુમાનિ તૃણમિવાવધૂય સપ્રગલ્ભતયા સમવલમ્બિતવિકત્થાશોભં કિંચિદીદૃશં પ્રત્યાહ--
498.021. વરં નૈવ તુ જાયેરન્ યે જાતા નિર્ધના જનાઃ।
498.022. જાતસ્ય યદિ દુઃખાનિ વરં મૃત્યુર્ ન જીવિતમ્

498.023. આશયા ગૃહમાગત્ય દીનદીનાસ્તપસ્વિનઃ।
498.024. અર્થિનો મમ પાપસ્ય યાન્તિ નિઃશ્વસ્ય દુર્મનાઃ

498.025. યે શક્તિહીના વિભવાર્જનાદૌ તે દેહિનો દુઃખશતં સહન્તે।
498.027. લોકં પુનર્દુઃખશતોપતપ્તં દ્રષ્ટં ન શક્નોમિ ચિરાયમાણઃ

498.029. તસ્માદ્વિલઙ્ઘામિ વચસ્ત્વદીયમ્ યાસ્યામિ તં ત્વં પ્રજહીહિ શોકમ્।
498.031. તત્રૈવ યાયાં નિધનં સમુદ્રે છિન્નં મયા વા વ્યસનં જનસ્ય

499.001. <499>અથ મૈત્રકન્યકો બોધિસત્ત્વો માતરમપ્રમાણીકૃત્ય નિર્ગત્ય ગૃહાદ્વારાણસ્યાં પુર્યામાત્માનં સાર્થવાહમિત્યુદ્ધોષયામાસ।
499.003. અસ્યામેવ પુરા પુરંદરપુરીપ્રતિસ્પર્ધિપુર્યાં વણિક્ મિત્રો નામ બભૂવ યત્સુરનરપ્રખ્યાતકીર્તિધ્વજઃ।
499.005. પુત્રસ્તસ્ય મહાસમુદ્રમચિરાદ્યાસ્યત્યમુષ્મિન્દિને યાતુમ્ યે વણિજઃ કૃતોપકરણાસ્તે સન્તુ સજ્જા ઇતિ

499.007. અથ મૈત્રકન્યકો બોધિસત્ત્વો વિવિધોપકરણસમ્ભારસાધનાનાં સમાગૃહીતપુણ્યાહપ્રસ્થાનભદ્રાણામુપહૃતમઙ્ગલવિવિધાનાં વણિજાં પઞ્ચભિઃ શતૈઃ કૃતપરિવારઃ પ્રસસાર।
499.008. માતા ચૈનં ગચ્છતીતિ શ્રુત્વાહ--મમૈકપુત્રક, ક્વ યાસ્યસીતિ કરુણકરુણાક્રન્દિતમાત્રપરાયાણા કોમલવિમલકમલદલવિલાસાલસાભ્યાં પાણિકમલાભ્યાં રુચિરકનકઘટિતઘટવિકટપયોધરવરોરુભાસુરમુરઃ પ્રગાઢમભિતાડયતિ।
499.011. બાષ્પસલિલધારાપરમ્પરોદ્ભવોપરુધ્યમાનકણ્ઠી અનિલબલાકુલિતગલિતસજલજલદપટલાવલીમલિનકેશપાશા સત્વરત્વરમભિગમ્ય મૈત્રકન્યકસ્ય બોધિસત્ત્વસ્ય પાદયોઃ પરિષ્વજ્યૈવમાહ--મા માં પુત્રક પરિત્યજય યાસીતિ।
499.014. અનર્થરાગગ્રહમૂઢબુદ્ધયો નરા હિ પશ્યન્તિ ન કેવલં હિતમ્।
499.016. સતાં હિતાધાનવિધાનચેતસાં ગિરો ઽપિ શૃણ્વન્તિ ન ભૂતવાદિનામ્

499.018. મૈત્રકન્યકો ઽપિ ધરણિ{તલ}નિંનાં માતરં શોકવશ્યાં શિરસિ કુપિતચિત્તઃ પાદવજ્રેણ હત્વા।
499.021. મુહુરુપચિતશોકઃ કર્મણા પ્રેર્યમાણસ્ ત્વરિતમતિરભૂત્ સંપ્રયાતું વણિગ્ભિઃ

499.023. તતઃ સા માતા સમુત્થાયાહ--પુત્રક,
499.024. મયિ ગમનનિવૃત્તિં કર્તુમત્યુદ્યતાયામ્ યદુપચિતમપુણ્યં મચ્છિરસ્તાડનાત્તે।
499.026. વ્યસનફલમનન્તં મા તુ ભૂત્ કર્મણો ઽસ્ય પુનરપિ ગુરુવાક્યં માતિગાઃ સ્વપ્નતો ઽપિ

499.028. અથ મૈત્રકન્યકો બોધિસત્ત્વો વિવિધવિહારાયતનપર્વતોપવનગહ્વરસરિત્તડાગારામરમણીયતરાનનેકનગરનિગમર્કટગ્રામાદીનનુવિચરન્ ક્રમેણ સમુદ્રતીરં સંપ્રાપ્ય સજ્જીકૃતયાનપાત્રો ભુજગપતિવદનવિસૃતશ્વસનચપલબલવિલુલિતવિપુલવિમલસલિલમરુણતરુણકિરણનિકરરુચિરપદ્મરાગપુઞ્જપ્રભારાગરઞ્જિતોર્મિમાલાજલમસુરસ્વરસમસુરપરસુરેશ્વરકરોદરસ્ફુરિતહુતવહશિખાવલીકરાલવજ્રપતનભયનિલીનધરણીધરશિખરપરાહતજલોદ્ધતોત્તુઙ્ગતરંગભઙ્ગરૌદ્રં સમુદ્રમવતતાર।
500.001. <500>મહાઅનિલોત્ક્ષિપ્તતરંગભઙ્ગૈઃ સમુલ્લસદ્ભિઃ ખમિવોત્પતન્તમ્।
500.003. સરિત્સહસ્રામ્બુરયપ્રવાહૈર્ભુજૈર્વિલાસૈરિવ ગૃહ્યમાણમ્

500.005. પ્રક્ષુબ્ધશીર્ષોરગભીમભોગવ્યાવર્તિતોદ્વર્તિતતોયરાશિમ્।
500.007. તન્મૂર્ધ્નિ રત્નોદ્ગતરશ્મિપુઞ્જં જ્વાલાકલાપોચ્છ્રુરિતોર્મિચક્રમ્

500.009. અહિપતિવદનાદ્વિમુક્તતીવ્રજ્વલિતવિષાનલદાહભીમશઙ્ખમ્।
500.011. તિમિનખકુલિશાગ્રદારિતાદ્રિં તદચલપાદહતામ્બુમીનવૃન્દમ્

500.013. તુઙ્ગતરંગસમુદ્ગતતીરં તીરનિલીનકલસ્વનહંસમ્।
500.015. હંસનખક્ષતદારુણમીનં મીનવિવર્તિતકમ્પિતવેલમ્

500.017. રત્નલતાવૃતભાસુરશઙ્ખં શઙ્ખસિતેન્દુગભસ્તિવિવૃદ્ધમ્।
500.019. વૃદ્ધભુજંગમહાભવરૌદ્રં રૌદ્રમહામકરાહતચક્રમ્

500.021. ખગપતિસવિલાસપાણિવજ્રં પ્રહતવિપાટિતદૃષ્ટિમૂલરન્ધ્રમ્।
500.023. પ્રમુદિતજલદન્તિદન્તકોટિપ્રમથિતનૈકવિલાસકલ્પવૃક્ષમ્

500.025. તદેવ સ સંલક્ષ્ય તીરપર્યન્તરેખં પ્રકટવિકટાર્તગર્તોદરભ્રમદ્ભ્રમિતઝષભુજગકુલમણ્ડલં નૈકવિચિત્રાદ્ભુતાશ્ચર્યમતિશયમમ્ભસામાલયમતિક્રામતસ્તસ્ય ધરણીધરશિખરવિપુલાત્મભાવસ્ય મકરકરિપતેર્વિવર્તમાનસ્ય સમુત્થિતૈરુર્વીધરાકારદારુણૈઃ પ્રમુક્તકલકલારાવરૌદ્રૈર્મહદ્ભિઃ સલિલનિવહૈરુત્પીડ્યમાનં તદ્યાનપાત્રં મરણભયવિષાદભ્રશ્યમાનગાત્રૈર્દીનરુદિતાક્રન્દિતમાત્રપરાયણૈઃ સમ્યાનપાત્રકૈઃ સહ સહૈવ સલિલનિધેરધઃ પ્રવેષ્ટુમારબ્ધમ્।
500.030. ઉર્વીધરાકારતરંગતુઙ્ગૈરુગ્રૈર્યુગાન્તાનિલચણ્ડવેગૈઃ।
500.032. તદ્યાનપાત્રં જલધેર્જલૌઘૈરાસ્ફાલ્યમાનં વિદદાર મધ્યે

501.001. <501>દંષ્ટ્રાકરાલે ઝષવવક્ત્રરન્ધ્રે કશ્ચિન્મમારાર્તરવસ્તપસ્વી।
501.003. કેચિજ્જલોદ્ગારનિરુદ્ધકણ્ઠા જગ્મુર્ નિરુચ્છ્વાસગિરા વ્યસુત્વમ્

501.005. ગત્વાપિ કેચિત્ફલકૈર્મહદ્ભિરમ્ભોનિધેસ્તીરમવેક્ષમાણાઃ।
501.007. દૂરામ્બુસંતાનપરિશ્રમાર્તાસ્ત્રાસાકુલા નેદુરુદીર્ણનાદાઃ

501.009. અથ મૈત્રકન્યકો બોધિસત્ત્વસ્તેન મહતા વ્યસનોપનિપાતેનાપ્યનાપતિતભયવિષાદદૈન્યાયાસમનાઃ સમવલમ્બ્ય મહદ્ધૈર્યપરાક્રમં સસમ્ભ્રમં ફલકમાદાય પ્રસસાર।
501.010. તતો ઽસૌ સમપવનગમનજવજનિતસવિલાસગતિભિઃ સલિલપ્લવૈરિતસ્તતઃ સમાક્ષિપ્યમાણો નિરાહારતયા ચ પરિમ્લાયમાનનયનવદનકમલશ્ચાન્યૈર્બહુભિરહોરાત્રૈર્યથાકથંચિત્તસ્ય દુર્વગાહસલિલસ્ય મહાર્ણવસ્ય દક્ષિણં તીરદેશમાસસાદ।
501.014. તીર્ત્વા તમમ્ભોનિધિમપ્રગાધમાસાદ્ય તીરં ફલકં મુમોચ।
501.016. સંસ્મૃત્ય માતુર્વચનં સ પાણા વ્યાસજ્ય મૂર્ધાનમિદં જગાદ

501.018. શૃણ્વન્તિ યે નાત્મહિતં ગુરૂણાં વાક્યં હિતાર્થોદયકાર્યભદ્રમ્।
501.020. તેષામિમાનિ વ્યસનાનિ પુંસામાવાહયન્તિ પ્રભવન્તિ મૂર્ધ્નિ

501.022. તૈરેવ નૈકવ્યસનપ્રદસ્ય તોયેન્દુબિમ્બસ્થિતભઙ્ગુરસ્ય।
501.024. પ્રાપ્તં ફલં જન્મતરોઃ સુધીભિર્યે માનયન્તીહ ગિરો ગુરૂણામ્

501.026. માતુર્હિતાયૈવ સદોદ્યતાયાઃ પ્રોલ્લઙ્ઘ્ય વાક્યં મમ દુષ્કૃતસ્ય।
501.028. પુષ્પમ્ યદીદૃગ્ભરપાપદારુણં પ્રાન્તં ગમિષ્યામિ કદા ફલસ્ય

501.030. હુતવહહતલેખાત્યન્તપર્યન્તરૌદ્રં ગમનપતિતમુગ્રં વિસ્મયાત્યન્તવજ્રમ્।
501.032. ગુરુશિરસિ દધાનઃ પાદવજ્રં ખલો ઽહં કથમવનિવિદાર્યશ્વભ્રરન્ધ્રે ન લગ્નઃ

502.001. <502>યે સન્તો હિતવાદિનાં સ્ફુટધિયાં સંપાદયન્તે ગિરિઃ શ્રેયસ્તે સમવાપ્નુવન્તિ નિયતં ક્રવ્યાદપુર્યામ્ યથા।
502.003. યે તૂત્સૃજ્ય મહાર્થસારદયિતાં વાચં શ્રયન્તે ઽન્યથા દુસ્તારે વ્યસનોદધૌ નિપતિન્તાઃ શોચન્તિ તે ઽહમ્ યથા

502.005. તતો ઽસૌ ક્રમેણ ખદિરવરસરલનિચુલબકુલતમાલતાલનાલિકેરદ્રુમવનગહનં પ્રવરવારણવરાહચમરશરભશમ્બરમહિષવિષાણકર્ષણપતિતમથિતવિવિધમાલુલતાજાલદુઃસંચરં ક્વચિત્ક્ષુભિતકેસરિનિનાદભયચકિતવનચરકુલાકીર્ણચરણં કથંચિદપિ શબરમનુજજનચરણાક્ષુણ્ણપર્યન્તમનુચરન્ ક્વચિત્ સ્થિત્વૈવમાહ--
502.009. એતે દાડિમપુષ્પલોહિતમુખાઃ પ્રોન્મુક્તકોલાહલા હાસાદર્શિતદન્તપઙ્ક્તિવિરસાઃ શાખામૃગા નિર્ભયાઃ।
502.011. સર્પાન્ ભીમવિષાનલસ્ફુરદુરુજ્વાલાકરાલસ્ફુટાન્ હત્વા પાણિતલૈઃ પ્રયાન્તિ વિવશાઃ ફૂત્કારભીતા નુનઃ

502.013. રમ્યે કુઙ્કુમશાખિનામવિરલચ્છાયાકુથાશીતલે મૂલે કોમલનીલશાદ્વલવતિ પ્રવ્યક્તપુષ્પોત્કરે।
502.015. વંશૈસ્તાલરવૈઃ સગીતમધુરૈઃ પ્રચ્છેદસમ્પાદિભિઃ સંગીતાહિતચતસઃ પ્રમુદિતા ગાયન્ત્યમી કિન્નરાઃ

502.017. તતો નાતિદૂરમતિસૃત્ય મહીધરવરાકારં પર્વતં દદર્શ।
502.018. ક્વચિદુગ્રતરચારુમણિપ્રભયા સુરભીકૃતભીમગુહાવિચરમ્।
502.020. ક્વચિદુદ્ધતકિન્નરગીતરવં પ્રતિબુદ્ધસસમ્ભ્રમનાગકુલમ્

502.022. ચપલાનિલવેલ્લિતપુષ્પતરું તતુમન્દિરમૂર્ધ્નિ ચલદ્ભ્રમરમ્।
502.024. ભ્રમરધ્વનિપૂર્ણગુહાકુહરં કુહરસ્થિતરૌદ્રભુજંગકુલમ્

502.026. પક્ષિવિરાજિતપર્વતશૃઙ્ગં શૃઙ્ગશિલાતલસંસ્થિતસિદ્ધમ્।
502.028. સિદ્ધવધૂજનરમ્યનિકુઞ્જં કુઞ્જનિસેવિતમત્તશકુન્તમ્

502.030. મત્તશિખણ્ડિકલસ્વરરમ્યં રમ્યગુહામુખનિર્ગતસિંહ।
502.032. સિંહનિનાદભયાકુલનાગં નાગમદામ્બુસુગન્ધિસમીરમ્

503.001. <503>ક્વચિદુપચિતવારણદન્તશિખાશનિદારિતશિખરતતં પ્રવિરૂઢવિલાસશિખાગરુવૃક્ષવનમ્।
503.002. ક્વચિદુપરિપયોધરભારતરલધ્વનિરઞ્જિતશિખિકુલાવિષ્કૃતપિચ્છકલાપવિચિત્રિતચારુતટમ્।
503.003. ક્વચિદનિલવિકમ્પિતપુષ્પતરું સ્ખલિતોજ્જ્વલસુરભિબલં કુસુમપ્રબલપ્રતિવાસિતસાનુશિખમ્

503.004. તથાપરં દદર્શ--
503.005. લિખન્તં કરાલૈર્ નભઃ શૃઙ્ગજાલૈઃ ક્ષિપન્તં મયૂખૈસ્તમઃ સાગરાણામ્।
503.007. વહન્તં સમભ્રામ્બરામદ્રિગુર્વીં ક્ષરન્તં ક્વચિત્ કાઞ્ચનામ્ભઃપ્રવાહમ્

503.009. ફલિતામલકાસનકલ્પતરું તરુખણ્ડવિરાજિતસાનુશિખમ્।
503.011. શિખરસ્થિતદેવવધૂમિથુનં મિથુનૈર્દહતાં વયસા મધુરમ્

503.013. ક્વચિદર્કમહારથચક્રનિપાતવિખણ્ડિતમયૂખકલાપકરાલિતનૈકમહામણિપલ્લવસંચયં મૌલિભરાવનતોન્નતભાસુરવજ્રધરમ્।
503.015. ક્વચિદિન્દ્રકરીન્દ્રવિમર્દતરંગનયભ્રમિતપ્રચલત્કલહંસકુલાવલિહારનભસ્સરિદમ્બુવિધૌતશિલમ્।
503.017. ક્વચિદણ્ડજરાજવિલાસસમુચ્છ્રિતયક્ષમહાભુજવજ્રવિપાટિતસાગરવારિતલોદ્ધૃતપન્નગભોગધરમ્।
503.019. ક્વચિદેવ સુરાસુરસમ્યુગશસ્ત્રવિપન્નમહાસુરવિદ્રુતશોણિતરઙ્ગમહાવલયમ્

503.021. દૃષ્ટ્વૈવમાહ--
503.022. એતે પર્વતશૃઙ્ગવન્દનતરુચ્છાયાસ્થલં સંસૃતાઃ કર્ણપ્રાવરણં નવારુણકરચ્છાયાસમાનશ્રિયઃ।
503.024. પ્રેક્ષન્તે મદવારિલોલમધુલિટ્પ્રોલ્લીઢગણ્ડસ્થલં દર્પાત્ કેસરિણો બલેન મહતા પ્રોન્મથ્યમાના ગજમ્

503.026. ઇત્યેવમસાવતિકાન્તારદુર્ગં સલિલફલાહારમાત્રપરાયણઃ પરિભ્રન્નજ્ઞાનતમઃપટલાવગુણ્ઠિતમિવ જગત્ સંસારપઙ્કે ત્રિભુવનસ્વામીવોદયદ્ રમણકં નામ નગરં દદર્શ।
503.028. સમુચ્છ્રિતોત્તુઙ્ગચલત્પતાકૈઃ પતત્પતત્રિસ્વનવાવદૂકૈઃ।
503.030. સુવર્ણસાલૈર્મણિહેમશૃઙ્ગૈર્મહીધરાકારગૃહૈઃ સુગુપ્તૈઃ

503.031. નિલીનપદ્માલિકુલાલિપદ્મૈઃ સમુન્મિષત્પદ્મરજઃપિશઙ્ગૈઃ।
504.001. <504>કલપ્રલાપાણ્ડજરાવરમ્યૈર્મન્દાનિલૈરાવસ્થીકૃતં સદા

504.003. સુરકરિકરજધ્નકલ્પવૃક્ષૈર્મરકતરત્નતૃણૈઃ શુકાંશુનીલૈઃ।
504.005. મણિકનકલતાનિબદ્ધશાખૈઃ ક્વચિદુરુભિસ્તરુભિઃ પ્રકામહારિ

504.007. વિકસિતનવકર્ણિકારગૌરૈઃ કનકગૃહૈર્બહુરત્નશૃઙ્ગચિત્રૈઃ।
504.009. સ્વકિરણરુચિરોરુરત્નસાનોરચલપતેઃ સકલશ્રિયં દધાનમ્

504.011. ક્વચિદમરવિલાસિનીકરાગ્રપ્રહતમહામુરજસ્વનાભિરામમ્।
504.013. ક્વચિદુપરિપયોદતૂર્યનાદપ્રમુદિતમત્તશિખણ્ડિવૃન્દકીર્ણમ્

504.015. તતસ્તદ્દર્શનાત્ સમુત્પન્નજીવિતાશો ઽસૌ રમણં નગરમુપસસર્પ।
504.015. તસ્માન્નગરાદ્વિનિઃસૃત્ય ચતસ્રો ઽપ્સરસો દ્રવિતનવકનકરસરાગાવદાતમૂર્તયઃ પ્રવિકસિતામ્બુજકુસુમરુચકરુચિનયનયુગલોત્પલવિલાસાઃ ક્વણદ્રુચિરવિવિધમણિમેખલાપભા(પ્રાગ્ભા)રમન્દવિલાસગતયઃ કનકકલશાકારપૃથુતરપઓધરભરાવનમિતતનુમધ્યા દિવસકરકરસ્પર્શવિબોધિતામ્લાનકમલપલાશભાસુરાધરકિસલયા વિવિધવિભૂષણશતા નિરામયદર્શનાઃ શિરસિ વિરચિતોભયકમલાઞ્જલયો મૈત્રકન્યસ્ય બોધિસત્ત્વસ્ય પાદયોર્વિન્યસિતશિરસઃ પ્રાહુહ્--
504.021. સુસ્વાગતં ચન્દ્રસમાનનાય નારીજનપ્રીતિવિવર્ધનાય।
504.023. કૃપામૃતાહ્લાદિતમાનસાય બોધૌ ચિરાબદ્ધવિનિશ્ચ્યયાય

504.025. અદ્યૈવ દુઃખાનિ શમં ગતાનિ અદ્યૈવ નો જીવિતમાત્તસારમ્।
504.027. નિરત્યયપ્રેમવિશેષભદ્રાણ્યદ્યૈવ સૌખ્યાનિ પુરઃ સ્થિતાનિ

504.029. ઇમાનિ દુઃખાઙ્કુશખણ્ડિતાનિ મનાંસિ નઃ શોકપરિક્ષતાનિ।
504.031. ભવન્તમાસાદ્ય વસન્તકાલે વનાન્તરાણીવ વિજૃમ્ભિતાનિ

505.001. <505>યાન્યર્જિતાન્યન્યભવાન્તરેષુ કર્માણિ શુક્લાનિ શુભોદયાનિ।
505.003. તેષાં ફલં વીક્ષણમેવ તે ઽલં સઙ્ગસ્ત્વયા કિં પુનરેવ દીઘ્યમ્ (ર્ઘ?)

505.005. અદ્યૈવ મા બન્ધુસુહૃદ્વિયોગશોકંકથાઃ કસ્ય ન સન્ત્યપાયાઃ।
505.007. દાસ્યો વયં તે ઽપ્સરસશ્ચતસ્રહ્ છાયા ન તે લઙ્ઘયિતું સમર્થાઃ

505.009. રત્નાનિ વાસાંસિ સમુજ્જ્વલાનિ શય્યાશ્રયાશ્ચારુતરા વયં ચ।
505.011. સંત્યભર્તાઃ સુરરાજયોગ્યા શક્તિર્વિધેનેહ(?) સુખં ભજસ્વ

505.013. અપિ ચ।
505.014. દુઃખે મહત્યપ્રતિકારઘોરે યે વર્તમાનાશ્ચિરમુદ્વહન્તિ।
505.016. તે દુઃખભારોપનિપાતમૂઢાસ્તત્રૈવ શીઘ્રં નિધનં પ્રયાન્તિ

505.018. નિત્યે વિયોગે મરણાત્ પુરઃસ્થિતે શોચન્તિ તે દેશકૃતે વિયોગે।
505.020. સંસ્મૃત્ય રોગોપનિપાતમૂઢાઃ કામપ્રહારાદ્વિષમં પ્રપન્નાઃ

505.022. શબ્દાયમાનવરનૂપુરમેખલાભિરાદિશ્યમાનભવનં પ્રવરાપ્સરોભિઃ।
505.024. હૈમાદ્રિશૃઙ્ગમિવ તત્પુરમાવિશન્તં નેમુઃ કૃતાઞ્જલિપુટા બહવો ઽપિ તત્ર

505.026. અન્યૈશ્ચ પુનહ્--
505.027. કિં દીપ્તરશ્મિર્વિનિગૂઢરશ્મિઃ કિં પુષ્પકેતુઃ સહસાવતીર્ણઃ।
505.029. હા કિં વિનિક્ષિપ્ય ખરાગ્રવજ્રો નાથઃ સુરાણામિતિ તર્કિતો ઽભૂત્

505.031. તિમિરનિકરલેખ્યાઃ શ્યામલોપક્ષ્મલેખ્યાહ્(?) સ્ફુટિતકનકહારા ન્યસ્તરત્નોજ્વલાઙ્ગાઃ।
506.001. <506>વિપુલભવનમાલાજાલવાતાયનસ્થાઃ પ્રમુદિતમનસો ઽન્યાશ્ચિક્ષિપુઃ સ્રસ્તકાઞ્ચયઃ

506.003. રત્નપ્રદીપપ્રહતાન્ધકારં મુક્તાફલપ્રરુચિરોરુહર્મ્યમ્।
506.005. ચલત્પતાકાગ્રવિભિન્નમેઘં ગેહં વિવેશાપ્સરસાં હિ તાસામ્

506.007. તાસાં વિલાસૈર્ગમનૈઃ સલીલૈર્હાસૈઃ કટાક્ષૈર્મધુરૈઃ પ્રલાપૈઃ।
506.009. ક્રીડન્ સ કાલં ન વિવેદ યાતં સર્વાત્મના રાગપરીતચેતાઃ

506.011. પ્રત્યહં ચ દક્ષિણેન ગમનં વારયન્તિ સ્મ।
506.011. સો ઽપિ યથા યથા નિવાર્યતે, તથા તથા તયા દિશા ગમનાયૌત્સુક્યમના બભૂવ।
506.013. યત્રાયં વાર્યતે લોકો જનેન હિતબુદ્ધિના।
506.014. વિપર્યસ્તમતિસ્તત્ર જનઃ સ પરિધાવતિ

506.015. યદિ કુર્યાદયં લોકે સુહૃદાં વચનં હિતમ્।
506.016. પરૈતિ સ્વર્ગં પાતાલે શ્વભ્રે વા સ્વપ્નતો ઽપિ ન

506.017. અથ મૈત્રકન્યકો બોધિસત્ત્વસ્તાસામપ્સરસામપરિજ્ઞાતગમનપ્રયોજનો દક્ષિણસ્યાં દિશિ પદવીમારુહ્ય વ્રજન્ સદામત્તકં નામ નગરં દદર્શ।
506.018. તસ્માદપિ નગરાદષ્ટાપ્સરસઃ સસમ્ભ્રમં નિઃસૃત્ય તં મહાસત્ત્વં પ્રવેશયામાસુઃ।
506.019. તત્રાપ્યતિચિરં રતિમનુભૂય પ્રતિષિદ્ધમાનગમનક્રિયસ્તેનૈવ દક્ષિણેન પથા ગચ્છન્નન્દનં નામ નગરં દદર્શ।
506.020. તસ્માદપિ ષોડશાપ્સરોભિરભિગમ્ય સત્કૃત્ય પ્રવેશયામાસે।
506.021. તત્રાપિ ચિરં ક્રીડાં સેવિત્વા તસ્માદપિ બ્રહ્મોત્તરં નામ નગરં પ્રયયૌ।
506.021. તત્રાપિ દ્વાત્રિંશતાપ્સરોભિઃ પ્રભૂતસત્કારં વિષયસુખં ભુક્ત્વા તાઃ પ્રાહ--
506.023. ઇચ્છામિ ગન્તું તદહં ભવન્ત્યો મા મત્કૃતે શોકહ્રદે શયીધ્વમ્।
506.025. સંપાતભદ્રાણિ હિ કસ્ય નામ વિશ્લેષદુઃખાનિ ન સન્તિ લોકે

506.027. સ્થિત્વાપિ યેનૈવ ચિરં વિયોગઃ શત્રોઃ કૃતાન્તાદ્ભવિતાન્તકાલે।
506.029. તેનૈવ નેત્રાશ્રુજલાર્દ્રગણ્ડાન્ યુષ્માન્ વિહાયાદ્ય યિયાસુરસ્મિ

506.031. વાતાહતામ્ભોધિતરંગલોલે યે જીવલોકે બહુદુઃખભીમે।
507.001. <507>વિશ્લેષદુઃખાય રતિં પ્રયાન્તિ તેષાં પરો નાસ્તિ વિમૂઢચેતાઃ

507.003. અથાપ્સરસસ્તાઃ સમસ્તાસ્તદ્ગમનવિયોગશોકરોપિતહૃદયાઃ સસમ્ભ્રમાઃ કમલકુવલયકુન્મલવિલાસા નલિન્ય ઇવ શિરસિ વિરચિતોભયકમલાઞ્જલયઃ પ્રાહુહ્--
507.005. અસ્માસુ તે કર્તુમનિષ્ટમિષ્ટં કથં હિ ભક્તિપ્રણયાર્પિતાસુ।
507.007. સો ઽન્યેન એકગ્રહણીયરૂપઃ શરીરદાનેન વયો ઽગ્રહીત્તે

507.009. ગત્વા તન્નગરત્રયમ્ યદપિ હે સ્વામિન્નિહાપ્યાગતઃ સંપ્રાપ્તા વિષયોપભોગમધુરાઃ સંપત્તયસ્તે ચિરમ્।
507.011. ગન્તવ્યં ન પુનસ્ત્વયા સુબહુના પ્રોક્તેન કિમ્ યાસિ ચેત્ સંસ્મર્તાસિ વિપત્સમુદ્રપતિતો વાક્યં હિ નો દુઃખિતઃ

507.013. બોધિસત્ત્વઃ પ્રાહ--
507.014. યદભ્યાસવશાન્નૃર્ણામુદયઃ સંપદસ્થિરા।
507.015. કથં તેષુ નિવાર્યેરન્નિવર્તેરન્ કથં નુ વા

507.016. નિયોજનીયાઃ સુહૃદો ઽસુહૃદ્ભિર્ યસ્મિન્ હિતે કર્મણિ નિત્યકાલમ્।
507.018. નિવારણં તત્ર તુ યે પ્રકુર્વતે તે શત્રવો મિત્રતયા ભવન્તિ

507.020. દિવ્યં પ્રાપ્ય સુખં પુરે રમણકે સંચોદિતઃ કર્મણા આયાતો ઽસ્મિ નિષેવણાય પરં સૌખ્યં સદામત્તકમ્।
507.022. સંપ્રાપ્તો ઽસ્મિ તતઃ સ્વકર્મકુશલેનેષ્ટં પુરં નન્દનં તસ્માદાગતકસ્ય યૂયમધુના પ્રોન્મૂલિતા ભૂમયઃ

507.024. તસ્માદતો મે ગમનં ભવન્ત્યો મા વારયધ્વં ન હિ નો ઽસ્ત્યપાયઃ।
507.026. અસ્માદ્વિશેષાણિ સુખાનિ મન્યે લપ્સ્યે ઽહમિત્યુચ્ચલિતો ઽહમદ્ય

ઇતિ।
507.028. અથ મૈત્રકન્યકો બોધિસત્ત્વસ્તાસામપ્સરસાં હિતમપિ વાક્યમહિતમિવાવજ્ઞયા તિરસ્કૃત્ય તેનૈવ દક્ષિણેન પથા ગચ્છન્ દદર્શ મહાર્ગલપ્રઘટિતપ્રકટપુટચતુર્દ્વારદારુણં સુરેશ્વરેણાપ્યભેદ્યોત્તુઙ્ગાયસવિશાલપ્રાકારપરિવેષ્ટિતમન્તર્ભ્રમચ્ચક્રમણ્ડલાલોકપ્રમુક્તદમદમાશબ્દગમ્ભીરભૈરવમાયસં નગરમ્।
507.031. તસ્ય ચ દ્વારદેશમુપચક્રામ।
508.001. <508>સમ્પ્રાપ્તમાત્રસ્ય તુ તત્ક્ષણેન દ્વારં ચ પુસ્ફોટ કપાટભારમ્।
508.003. વજ્રાગ્રધારોપરિભિન્નસાનોર્વિન્ધ્યાચલસ્યેવ નિતમ્બકુક્ષિઃ

508.005. તતો મૈત્રકન્યકો બોધિસત્ત્વો ઽત્ર વિવેશ।
508.006. પ્રવિષ્ટમાત્રસ્ય તુ તત્ક્ષણેન દ્વારં પરિક્ષિપ્તકપાટયન્ત્રમ્।
508.008. તત્કર્મવાયુપ્રભવૈર્મહદ્ભિઃ ક્ષણાદ્ભુજાગ્રૈરિવ સંજઘાટ

508.010. અશ્રૌષીચ્ચ પ્રગાઢવેદનાવિક્લવહૃદયપુરુષસ્યાન્તઃપ્રાકારાન્તરતિરસ્કૃતપરમભીષણનિર્નાદં સકલજનોત્ત્રાસનમુચ્ચરન્તમ્।
508.011. શ્રુત્વા ચ દ્વારદેશં ત્વરિતમતિર્લલઙ્ઘ।
508.012. પ્રવિષ્ટમાત્રસ્ય તતો દ્વિતીયમાસ્ફાલિતં દ્વારમિવાપરુદ્ધમ્।
508.014. પર્યન્તકાલાનિલવેગવિદ્ધં દ્વારં સુરાણામિવ વજ્રકલ્પમ્

508.016. તતો મૈત્રકન્યકો બોધિસત્ત્વઃ પ્રવિવેશ।
508.017. પ્રવિષ્ટમાત્રસ્ય પુનસ્તૃતીયં દ્વારં પરિક્ષિપ્તકપાટયન્ત્રમ્।
508.019. ક્ષણાદભૂત્તન્નગરં ચ સર્વં ભ્રાન્તં ચ કૃત્સ્નં સ દદર્શ ભીતઃ

508.021. તતો મૈત્રકન્યકો બોધિસત્ત્વઃ પશ્યતિ સ્મ તમતિદારુણાકારપ્રમાણં ક્રૂરાજ્વલનમાલાલિઙ્ગિતમુદારેણ પટુપવનવિકીર્યમાણધૂમપટલાન્ધકારદુર્દિનેન સ્ફુરત્ક્ફુલિઙ્ગાવલિકરાલદર્શનેનાયસેન મહતા ભ્રમતા ચક્રેણ દાર્વિવ પ્રવિદાર્યમાણમૂર્ધાનં સ્વશિરઃપ્રવિગલિતશોણિતવસારસાહારમાત્રવિધૃતપ્રાણશેષમ્।
508.024. સમીપં ચોપગમ્યૈનં પર્યપૃચ્છત્--
508.025. કિં નાગો ઽસિ સુરો ઽસિ કિન્નરવરો યક્ષો ઽસિ કિં માનુષઃ કિં વિદ્યાધરસૈનિકઃ કિમસિ વા દૈત્યઃ પિશાચો ઽસિ વા।
508.027. કિં વાકારિ ભવાન્તરેષુ ભવતા કર્માતિરૌદ્રં સ્વયમ્ યાસ્યામિ વ્યસનં દુરુત્તરમિદં ભુજ્યં ફલં ક્રન્દયત્

508.029. પુરુષઃ પ્રાહ--
508.030. નાહં નાગો નૈવ યક્ષો ન દેવો દૈત્યો નાહં નાપિ ગન્ધર્વરાજઃ।
509.001. <509>રક્ષો નાહં નાપિ વિદ્યાધરો ઽપિ જાતિસ્તુલ્યા સંપ્રતીહિ ત્વયા નઃ

509.003. બોધિસત્ત્વઃ પ્રાહ--
509.004. કિં કર્મ ભ્રમતા ત્વયા કુમતિના સંસારદુર્ગે કૃતમ્ યેનેદં જ્વલિતાનલં શિરસિ ચક્રં ભ્રમત્યાયસમ્।
509.006. પુરુષઃ પ્રાહ--
509.007. નાનાદુષ્કરકારિકા ભગવતી સંસારસંદર્શિકા તત્ર શ્રેયઃસુખોપપાદનપરા મત્સ્નેહબદ્ધાશયા

509.009. યાં લોકે પ્રવદન્તિ સાધુમતયઃ ક્ષેત્રં પરં પ્રાણિનાં દૈવાવેશવશાદકાર્યગુરુકસ્તસ્યા જનન્યા મહત્।
509.011. સાધો પ્રાસ્ખલયં શિરઃપ્રહરણં પાદેન પાપાશયસ્ તેનેદં જ્વલિતાનલં શિરસિ મે ચક્રં ભ્રમત્યાયસમ્

509.013. અથ બોધિસત્ત્વસ્તસ્ય પુરુષસ્ય પ્રવચનપ્રતોદેન સંચોદિતહૃદયસ્તાં પરજુગુપ્સામાત્મન્યનુપશ્યન્નાહ--
509.015. અન્યં જુગુપ્સામ્યહમલ્પબુદ્ધિરાત્માનમેવાદ્ય નિનિન્દ અજ્ઞઃ।
509.017. યેષુ સ્વયં દોષગુણેષુ મગ્નસ્ તૈરેવ લોકં કથમઙ્કયામિ

509.019. મયાપિ યન્માતરિ દક્ષિણીયૈહ્ (ણાયામ્?) કૃતો ઽપરાધઃ પુરુષાધમેન।
509.021. તસ્યૈવ પાપસ્ય ફલાનિ ભોક્તુમુલ્લઙ્ઘ્ય તોયાવલિમાગતો ઽસ્મિ

509.023. અથ તસ્ય વચનાનન્તરમેવ પ્રભિન્નનવકુવલયદલનિર્મલાન્નભસ્તલાત્ સજલજલદનિનાદગમ્ભીરધીરો ધ્વનિરુચ્ચચાર--
509.025. કિં ન પશ્યતિ કર્માણિ બલવન્તિ શરીરિણામ્।
509.026. લોકાલોકાન્તરસ્થાયી પાશેનેવ વિકૃષ્યતે

509.027. યે બદ્ધા વિષયેણ દુઃખનિગડેનાયાસકર્મોત્કટે યે ત્યક્ત્વા ગુરુવાક્યમન્ધમતયઃ પાપાશ્રયં કુર્વતે।
509.029. મુક્તાઃ કર્મભિરેવ દુઃખનિગડપ્રચ્છેદશૂરૈઃ શુભૈર્ માનુષ્યમ્ યદવાપ્ય મૂઢમતયો દૂરે સ્થિતા જર્મિણહ્ (જન્મિનહ્?)

509.031. અથ તસ્ય વચનાનન્તરમેવ કર્માનિલાવેગોત્ક્ષિપ્તમિવ તચ્ચક્રં ચિટિચિટાયમાનદહનકણચયોદ્ગારરૌદ્રં તસ્ય મૂર્ધ્નઃ સમભ્યુદ્ગમ્ય મૈત્રકન્યકસ્ય બોધિસત્ત્વસ્ય શિરઃ પ્રવિદારયદ્ ભ્રમિતુમારબ્ધમ્।
509.034. ક્ષણાત્સ રેજે રુધિરપ્રવાહૈર્મૂર્ધ્ના ચ્યુતૈઃ સ્નાતસમસ્તમૂર્તિઃ।
510.001. <510>પ્રભિન્નચક્રાગ્રવિભિન્નમૂર્ધ્ના ઐરાવણસ્યેવ તનુઃ પતન્તી

510.003. તતઃ સ પુરુષો હા હેતિ મૂર્ધ્ના પ્રવિદાહજેન તીવ્રેણ દુઃખેન સમાક્રમ્યમાણશરીરકં મૈત્રકન્યકં બોધિસત્ત્વમાહ--
510.005. દિવ્યાઙ્ગનાગીતમનોહરાણિ ચિત્તપ્રમોદોદયસાધનાનિ।
510.007. સંત્યજ્ય કર્માદ પરાણિ તાનિ પ્રાપ્તસ્ત્વિદં સ્થાનમનન્તદુઃખમ્

510.009. દેવાલયં દિવ્યસુખોપભોગં કો નામ સંપ્રાપ્ય શુભૈરતુલ્યૈઃ।
510.011. નિત્યં જ્વલદ્વહ્નિશિખાકરેણ સંપ્રાર્થયેદ્ભીમમપાયગર્તમ્

510.013. બોધિસત્ત્વઃ પ્રાહ--
510.014. સત્તાલિકોલાહલસંકુલાનિ વનાનિ પુષ્પોજ્જ્વલમસ્તકાનિ।
510.016. સંત્યજ્ય નાગા વ્યસનં સહન્તે યયા તયેચ્છાલતયા ગતો ઽહમ્

510.018. રાજ્યાનિ વિસ્તીર્ણધનોજ્જ્વલાનિ વિહાય નારીમુખપઙ્કજાનિ।
510.020. યુદ્ધે મ્રિયન્તે બહવો નરેન્દ્રા યયા તયેચ્છાલતયા ગતો ઽહમ્

510.022. સમુત્પતત્તુઙ્ગતરંગરોદ્રૌ ભ્રમજ્જલાવર્તવિમુક્તનાદે।
510.024. મહોદધૌ યાન્તિ નરાઃ પ્રણાશમ્ યયા તયેચ્છાલતયા ગતો ઽહમ્

510.026. નિરત્યયાત્યન્તિકસૌખ્યસાધનં નરામરશ્રીસુખસિદ્ધિમાર્ગમ્।
510.028. મુનીશ્વરાણાં વ્રતમુત્સૃજન્તિ યયા તયેચ્છાલતયા ગતો ઽહમ્

510.030. તેષાં મુનીનાં વિગતવ્યથાનાં દેયં કથં પાદરજેન મૂર્ધ્નિ।
510.032. યૈર્લઙ્ઘિતાસ્તીવ્રવિષપ્રચણ્ડા આશાપ્રપાતા બહુદુઃખભીમાઃ

511.001. <511>કિં તદ્ભવેદ્દુઃખમતીવ તીવ્રં કા વા વિપત્તિર્બહુદુઃખયોનિઃ।
511.003. તૃષ્ણાવિષાગ્નિક્ષતચિત્તવૃત્તેર્યા દૂરતઃ સંપરિવર્તિની સ્યાત્

511.005. અપિ ચ હે સાધો,
511.006. કર્મણા પરિકૃષ્ટો ઽસ્મિ વર્તમાનો ઽપિ દૂરતઃ।
511.007. કર્ષતિ પ્રાણિનસ્તત્ર ફલમ્ યત્ર પ્રયચ્છતિ

511.008. અપિ ચ--
511.009. કતિ વર્ષસહસ્રાણિ કતિ વર્ષશતાનિ ચ।
511.010. પ્રદીપ્તમાયસં ચક્રં મમ મૂર્ધ્નિ ભ્રમિષ્યતિ

511.011. પુરુષઃ પ્રાહ--
511.012. ષષ્ટિવર્ષસહસ્રાણિ ષષ્ટિવર્ષશતાનિ ચ।
511.013. પ્રદીપ્તમાયસં ચક્રં તવ મૂર્ધ્નિ ભ્રમિષ્યતિ

511.014. બોધિસત્ત્વઃ પ્રાહ--
511.015. એતદ્ભાસુરવહ્નિપિઙ્ગલશિખાજ્વાલાકલાપોજ્જ્વલં કો ઽન્યો ઽવભ્રમિતં પ્રયાસ્યતિ સમં છિત્ત્વા પરશ્ચૈષ્યતિ।
511.017. પુરુષઃ પ્રાહ--
511.018. યો માતર્યપકારકર્તુમનસઃ કૃત્વા સમાયાસ્યતિ તસ્યેદં શિરસિ ભ્રમિષ્યતિ પુનર્મૂર્ધ્ના તવ પ્રચ્યુતમ્

511.020. અથ બોધિસત્ત્વસ્તેન મૂર્ધ્ના પ્રવિદાહજેન તીવ્રેણ દુઃખેન સમાકુલહૃદયો ઽપિ સત્ત્વેષ્વનન્તેષુ સમુત્પાદિતતીવ્રકારુણ્યાશયસ્તં પુરુષમાબભાષે--
511.022. ક્ષપિતસકલરાગક્લેશજાલાન્ધકારા ગગનતલનિલીના યોગિનો યે નમસ્યાઃ।
511.024. સ્ફુરિતકટકહારાઃ પ્રજ્વલન્મૌલયો યે પુનરમરસમૂહાસ્તે ઽપિ શેણ્વન્તુ સન્તઃ

511.026. કૃત્વા દુશ્ચરિતં સ્વમાતરિ જગત્કૃત્સ્નમ્ યદિ પ્રોદ્વહેદેતત્પ્રજ્વલિતાગ્નિરાગકપિલં ચક્રં બૃહન્મૂર્ધનિ।
511.028. કલ્પં કલ્પસમૈરહોભિરયુતાન્ વોઢું ચિરાયોત્સહે સત્ત્વાર્થં પ્રતિપદ્યમાનમસ્ય હિ મે ચિત્તં ન સંખિદ્યતે

511.030. અથ તસ્ય સર્વસત્ત્વપ્રિયસ્ય મૈત્રકન્યકસ્ય બોધિસત્ત્વસ્ય વચનાનન્તરમેવ મૂર્ધ્ના સમુત્પાટ્યોત્ક્ષિપ્તમિવ તચ્ચક્રં સપ્તતાલોચ્છ્રયાચ્ચક્રં નભસ્તલં સમુત્પત્યાવતસ્થે।
511.032. રેજે તચ્ચપલાનિલાહતચલજ્જ્વાલાકલાપોજ્જ્વલં ચક્રં ખે પરિવર્તમાનમસકૃત્પ્રોન્મુક્તભીમસ્વનમ્।
511.034. ઉદ્યદ્બિમ્બમિવારુણસ્ય સકલપ્રોન્મુક્તરશ્મ્યુત્કરં રત્નાદ્યૈઃ પ્રવિલમ્બમાનમમલૈર્વૈડૂર્યભિત્ત્યાશ્રયૈઃ

512.001. <512>તતઃ સ્રવન્નિર્ઝરવારિચારિણઃ સમીરણોલ્લાસિતપુષ્પશાખિનઃ।
512.003. નભો વિચુમ્બ્યાયતશૃઙ્ગબાહવશ્ચકમ્પિરે ભૂમિભૃતો હતા ઇવ

512.005. ભુજંગવિક્ષોભસમુદ્ગતોર્મયઃ પયોધરધ્વાનગભીરનાદિનઃ।
512.007. જલાલયા રત્નશિખાનિવાસિનસ્તદાતિવેલાસલિલૈર્લલઙ્ઘિરે

512.009. પ્રમુક્તનિઃશેષમયૂખભાસુરં રરાજ ખે મણ્ડલમંશુમાલિનઃ।
512.011. રવેર્મયૂખાઙ્કુરદન્તુરાન્તરાદ્દિશઃ સમન્તાદ્દદૃશુઃ સ્ફુટશ્રિયઃ

512.013. સ્ફુરત્તડિદ્દામવિરાજિતોરસઃ સુરેન્દ્રચાપપ્રતિબદ્ધકઙ્કણાઃ।
512.015. પયોમુચઃ કિંચિદવાસ્રુતામ્ભસો વિતાનવદ્વ્યોમનિ તે વિરેજિરે

512.017. સ્રજો વિચિત્રા વિનિપેતુરમ્બરાત્ વિતુષ્ટુવુર્હૃષ્ટતરા દિવૌકસઃ।
512.019. ચિરપ્રગાઢવ્યસના હતાર્તયઃ ક્ષણાદભૂવન્ બહવો નિરામયાઃ

512.021. જ્વલતિ વિષમચક્રે પ્રાન્તદીર્ણોર્ધ્વકાયો ગલિતરુધિરધારાસિક્તસર્વાઙ્ગકાયઃ।
512.023. ભગવતિ ગુણરાશૌ સંપ્રસાદ્ય સ્વચિત્તં સ્વગૃહમિવ સ સાધુર્દ્યામયાત્તત્ક્ષણેન

512.025. દાનોદકમહત્તીર્થે શીલશૌચસુનિર્મલે।
512.026. ક્ષમાસુરભિશીતાચ્છે વીર્યાગાધપ્રવાહકે

512.027. ધ્યાનસ્તિમિતગમ્ભીરે પ્રજ્ઞાપદ્મપ્રબોધકે।
512.028. તસ્મિન્ બોધિમહાતીર્થે સ્થિત્વા બોધિપુરોત્સુકઃ

512.029. પ્રક્ષાલયેચ્છેષપાપં તુષિતે ઽસૌ યયૌ મુદા।
512.030. તત્રસ્થો ઽપ્યચિરં રેમે દૃષ્ટ્વા લોકં કૃપાન્વિતઃ