ધર્મસૂત્ર · અધ્યાય 4
ગૃહસ્થઃ સદૃશીં ભાર્યાં વિન્દેતાનન્યપૂર્વાંયવીયસીમ્ ।
અસમાનપ્રવરૈર્ વિવાહઃ ।
ઊર્ધ્વં સપ્તમાત્ પિતૃબન્ધુભ્યો ।
બીજિનશ્ ચ ।
માતૃબન્ધુભ્યઃ પઞ્ચમાત્ ।
બ્રાહ્મો વિદ્યાચારિત્રબન્ધુશીલસંપન્નાય દદ્યાદાચ્છાદ્યાલંકૃતામ્ ।
સંયોગમન્ત્રઃ પ્રાજાપત્યે સહ ધર્મશ્ ચર્યતામ્ ઇતિ ।
આર્ષે ગોમિથુનં કન્યાવતે દદ્યાત્ ।
અન્તર્વેદ્યૃત્વિજે દાનં દૈવો ઽલંકૃત્ય ।
ઇચ્છન્ત્યાઃ સ્વયં સંયોગો ગાન્ધર્વઃ ।
વિત્તેનાનતિઃ સ્ત્રીમતામ્ આસુરઃ ।
પ્રસહ્યાદાનાદ્ રાક્ષસઃ ।
અસંવિજ્ઞાતોપસંગમાત્ પૈશાચઃ ।
ચત્વારો ધર્મ્યાઃ પ્રથમાઃ ।
ષડ્ ઇત્ય્ એકે ।
અનુલોમાનન્તરૈકાન્તરદ્વ્યન્તરાસુ જ્ઞાતાઃસવર્ણામ્બષ્ઠોગ્રનિષાદદૌષ્મન્તપારશવાઃ ।
પ્રતિલોમાસ્ તુ સૂતમાગધાયોગવકૃતવૈદેહકચણ્ડાલાઃ ।
બ્રાહ્મણ્ય્ અજીજનત્ પુત્રાન્ વર્ણેભ્ય આનુપૂર્વ્યાદ્બ્રાહ્મણસૂતમાગધચણ્ડાલાન્ ।
તેભ્ય એવ ક્ષત્રિયામૂર્ધાવસિક્થક્ષત્રિયધીવરપુલ્કસાંસ્ ।
તેભ્ય એવ વૈશ્યાભૃજ્જકણ્ઠમાહિષ્યવૈશ્યવૈદેહાન્ ।
પારશવયવનકરણશૂદ્રાઞ્ શૂદ્રેત્ય્ એકે ।
વર્ણાન્તરગમનમ્ ઉત્કર્ષાપકર્ષાભ્યાંસપ્તમે
પઞ્ચમે વાચાર્યાઃ ।
સૃષ્ટ્યન્તરજાતાનાં ચ ।
પ્રતિલોમાસ્ તુ ધર્મહીનાઃ ।
શૂદ્રાયાં ચ ।
અસમાનાયાં તુ શૂદ્રાત્ પતિતવૃત્તિઃ ।
અન્ત્યઃ પાપિષ્ઠઃ ।
પુનન્તિ સાધવઃ પુત્રાઃ ।
ત્રિપુરુષમ્ આર્ષાત્ ।
દશ દૈવાદ્ ।
દશૈવ પ્રાજાપત્યાત્ ।
દશ પૂર્વાન્ દશ પરાન્ આત્માનં ચબ્રાહ્મીપુત્રો બ્રાહ્મીપુત્રઃ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0