ધર્મસૂત્ર · અધ્યાય 3
તસ્યાશ્રમવિકલ્પમ્ એકે બ્રુવતે ।
બ્રહ્મચારી ગૃહસ્થો ભિક્ષુર્ વૈખાનસઃ ।
તેષાં ગૃહસ્થો યોનિર્ અપ્રજનત્વાદ્ ઇતેરેષામ્ ।
તત્રોક્તં બ્રહ્મચારિણઃ ।
આચાર્યાધીનત્વમ્ આન્તમ્ ।
ગુરોઃ કર્મશેષેણ જપેત્ ।
ગુર્વભાવે તદપત્યવૃત્તિસ્ ।
તદભાવે વૃદ્ધે સબ્રહ્મચારિણ્ય્ અગ્નૌ વા ।
એવંવૃત્તો બ્રહ્મલોકમ્ આપ્નોતિ જિતેન્દ્રિયઃ ।
ઉત્તરેષાં ચૈતદવિરોધિ ।
અનિચયો ભિક્ષુઃ ।
ઊર્ધ્વરેતાઃ ।
ધ્રુવશીલો વર્ષાસુ ।
ભિક્ષાર્થી ગ્રામમ્ ઇયાત્ ।
જઘન્યમ્ અનિવૃત્તં ચરેત્ ।
નિવૃત્તાશીઃ ।
વાક્ચક્ષુઃકર્મસંયતઃ ।
કૌપીનાચ્છાદનાર્થે વાસો બિભૃયાત્ ।
પ્રહીણમ્ એકે નિર્ણિજ્ય ।
નાવિપ્રયુક્તમ્ ઓષધિવનસ્પતીનામ્ અઙ્ગમ્ ઉપાદદીત ।
ન દ્વિતીયામ્ અપર્તુ રાત્રિં ગ્રામે વસેત્ ।
મુણ્ડઃ શિખી વા ।
વર્જેયેદ્ બીજવધમ્ ।
સમો ભૂતેષુ હિંસાનુગ્રહયોઃ ।
અનારમ્ભી ।
વૈખાનસો વને મૂલફલાશી તપઃશીલઃ ।
શ્રાવણકેનાગ્નિમ્ આધાય ।
અગ્રામ્યભોજી ।
દેવપિતૃમનુષ્યભૂતર્ષિપૂજકઃ ।
સર્વાતિથિઃ પ્રતિષિદ્ધવર્જમ્ ।
વૈષ્કમ્ અપ્ય્ ઉપયુઞ્જીત ।
ન ફાલકૃષ્ટમ્ અધિતિષ્ઠેત્ ।
ગ્રામં ચ ન પ્રવિશેત્ ।
જટિલશ્ ચીરાજિનવાસાઃ ।
નાતિસંવત્સરં ભુઞ્જીત ।
એકાશ્રમ્યં ત્વ્ આચાર્યાઃ પ્રત્યક્ષવિધાનાદ્ગાર્હસ્થસ્ય ગાર્હસ્થસ્ય ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0