ધર્મસૂત્ર · અધ્યાય 5
ઋતાવ્(ઋતુ) ઉપેયાત્ ।
સર્વત્ર વા પ્રતિષિદ્ધવર્જમ્ ।
દેવપિતૃમનુષ્યભૂતર્ષિપૂજકઃ ।
નિત્યસ્વાધ્યાયઃ ।
પિતૃભ્યશ્ ચોદકદાનં ।
યથોત્સાહમ્ અન્યત્ ।
ભાર્યાદિર્ અગ્નિર્ દાયાદિર્ વા ।
તસ્મિન્ ગૃહ્યાણિ કર્માણિ ।
દેવપિતૃમનુષ્યયજ્ઞાઃ સ્વાધ્યાયશ્ ચ બલિકર્મ ।
અગ્નાવ્ અગ્નિર્ ધન્વન્તરિર્ વિશ્વે દેવાઃ પ્રજાપતિઃસ્વિષ્ટકૃદ્ ઇતિ હોમઃ ।
દિગ્દેવતાભ્યશ્ ચ યથાસ્વમ્ ।
દ્વાર્ષુ મહદ્ભ્યઃ ।
ગૃહદેવતાભ્યઃ પ્રવિશ્ય ।
બ્રહ્મણે મધ્યે ।
અદ્ભ્ય ઉદકુમ્ભે ।
આકાશાયેત્ય્ અન્તરિક્ષે
નક્તંચરેભ્યશ્ ચ સાયમ્ ।
સ્વસ્તિવાચ્ય ભિક્ષાદાનમ્ અપ્પૂર્વમ્ ।
દદાતિષુ ચૈવં ધર્મ્યેષુ ।
સમદ્વિગુણસાહસ્રાનન્ત્યાનિ ફલાન્યબ્રાહ્મણબ્રાહ્મણશ્રોત્રિયવેદપારગેભ્યઃ ।
ગુર્વર્થનિવેશૌષધાર્થવૃત્તિક્ષીણયક્ષ્યમાણાધ્યયનાધ્વસંયોગવૈશ્વજિતેષુ દ્રવ્યસંવિભાગો બહિર્વેદિ ।
ભિક્ષમાણેષુ કૃતાન્નમ્ ઇતરેષુ ।
પ્રતિશ્રુત્યાપ્ય્ અધર્મસંયુક્તાય ન દદ્યાત્ ।
ક્રુદ્ધહૃષ્ટભીતાર્તલુબ્ધબાલસ્થવિરમૂઢમત્તોન્મત્તવાક્યાન્યનૃતાન્યપાતકાનિ ।
ભોજયેત્ પૂર્વમતિથિકુમારવ્યાધિતગર્ભિણીસ્વવાસિનીસ્થવિરાઞ્ જઘન્યાંશ્ ।
આચાર્યપિતૃસખીનાં ચ નિવેદ્ય પચનક્રિયા ।
ઋત્વિગાચાર્યશ્વશુરપિતૃવ્યમાતુલાનામ્ ઉપસ્થાનેમધુપર્કઃ ।
સમ્વત્સરે પુનઃ ।
યજ્ઞવિવાહયોર્ અર્વાક્ ।
રાજ્ઞશ્ ચ શ્રોત્રિયસ્ય ।
અશ્રોત્રિયસ્યાસનોદકે ।
શ્રોત્રિયસ્ય તુ પાદ્યમ્ અર્ઘ્યમ્ અન્નવિશેષાંશ્ ચપ્રકારયેત્ ।
નિત્યં વા સંસ્કારવિશિષ્ટમ્ ।
મધ્યતો ઽન્નદાનમ્ અવૈદ્યે સાધુવૃત્તે ।
વિપરીતેષુતૃણોદકભૂમિ ।
સ્વાગતમ્ અન્તતઃ ।
પૂજાનત્યાશશ્ ચ ।
શય્યાસનાવસથાનુવ્રજ્યોપાસનાનિ સદૃક્શ્રેયસોઃસમાનાનિ ।
અલ્પશો ઽપિ હીને ।
અસમાનગ્રામો ઽતિથિરૈકરાત્રિકો ઽધિવૃક્ષસૂર્યોપસ્થાયી ।
કુશલાનામયારોગ્યાણામ્ અનુપ્રશ્નઃ ।
અન્ત્યં શૂદ્રસ્ય ।
બ્રાહ્મણસ્યાનતિથિર્ અબ્રાહ્મણઃ ।
યજ્ઞે સંવૃતશ્ ચેત્ ।
ભોજનં તુ ક્ષત્રિયસ્યોર્ધ્વં બ્રાહ્મનેભ્યઃ ।
અન્યાન્ ભૃત્યૈઃ સહાનૃશંસ્યાર્થમ્ આનૃશંસ્યાર્થમ્ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0