ધર્મસૂત્ર · અધ્યાય 27

અથાતશ્ ચાન્દ્રાયણમ્ ।

તસ્યોક્તો વિધિઃ કૃચ્છ્રે ।

વપનં વ્રતં ચરેત્ ।

શ્વોભૂતાં પૌર્ણમાસીમ્ ઉપવસેત્ ।

આપ્યાયસ્વ (ર્વ્ 1,91.17) સં તે પયાંસિ (ર્વ્ 1,91.18) નવોનવ (ર્વ્ 10,85.19) ઇતિ ચૈતાભિસ્ તર્પણમ્ આજ્યહોમો હવિષશ્ ચાનુમન્ત્રણમુપસ્થાનં ચન્દ્રમસઃ ।

યદ્ દેવા દેવહેડનમ્ ઇતિ ચતસૃભિર્જુહુયાત્ ।

દેવકૃતસ્યેતિ ચાન્તે સમિદ્ભિઃ ।

ઓં ભૂર્ ભુવઃ સ્વસ્ તપઃ સત્યં યશઃ શ્રીર્ ઊર્ગિડૌજસ્ તેજો વર્ચઃ પુરુષો ધર્મઃ શિવ ઇત્ય્ એતૈર્ ગ્રાસાનુમન્ત્રણંપ્રતિમન્ત્રં મનસા ।

નમઃ સ્વાહેતિ વા સર્વાન્ ।

ગ્રાસપ્રમાણમ્ આસ્યાવિકારેણ ।

ચરુભૈક્ષસક્તુકણયાવકશાકપયોદધિઘૃતમૂલફલોદકાનિહવીંસ્યુત્તરોત્તરં પ્રશસ્તાનિ ।

પૌર્ણમાસ્યાં પઞ્ચદશ ગ્રાસાન્ ભુક્ત્વાએકાપચયેનાપરપક્ષમ્ અશ્નીયાત્ ।

અમાવાસ્યાયામ્ ઉપોષ્યૈકોપચયેનપૂર્વપક્ષમ્ ।

વિપરીતમ્ એકેષામ્ ।

એવં ચાન્દ્રાયણો માસઃ ।

એવમ્ આપ્ત્વા વિપાપો વિપાપ્મા સર્વમ્ એનો(એનસ્)હન્તિ ।

દ્વિતીયમ્ આપ્ત્વા દશ પૂર્વાન્ દશ પરાન્ આત્માનંચૈકવિંશં પઙ્ક્તિં ચ પુનાતિ ।

સંવત્સરં ચાપ્ત્વા ચન્દ્રમસઃ સલોકતામ્ આપ્નોતિસલોકતામ્ આપ્નોતિ ।