ધર્મસૂત્ર · અધ્યાય 26

અથાતઃ કૃચ્છ્રાન્ વ્યાખ્યાસ્યામઃ ।

હવિષ્યાન્ પ્રાતર્ આશાન્ ભુક્ત્વા તિસ્રો રાત્રીર્નાશ્નીયાત્ ।

અથાપરં ત્ર્ય્ અહં નક્તં ભુઞ્જીત ।

અથાપરં ત્ર્ય્ અહં ન કંચન યાચેત ।

અથાપરં ત્ર્ય્ અહમ્ ઉપવસેત્ ।

તિષ્ઠેદ્(સ્થા) અહનિ રાત્રાવ્ આસીત ક્ષિપ્રકામઃ ।

સત્યં વદેત્ ।

અનાર્યૈર્ ન સંભાષેત ।

રૌરવયૌધાજપે નિત્યં પ્રયુઞ્જીત(પ્રયુજ્) ।

અનુસવનમ્ ઉદકોપસ્પર્શનમ્ આપો હિ ષ્ઠેતિતિસૃભિઃ પવિત્રવતીભિર્ માર્જયીત(મૃજ્) હિરણ્યવર્ણાઃ શુચયઃ(શુચિ)પાવકા ઇત્ય્ અષ્ટાભિઃ ।

અથોદકતર્પણમ્ ।

નમો ઽહમાય મોહમાય મંહમાય ધન્વતે તાપસાયપુનર્વસવે નમઃ । નમો મૌઞ્જ્યાયોર્વ્યાય વસુવિન્દાય સાર્વવિન્દાયનમઃ । નમઃ પારાય સુપારાય મહાપારાય વારયિષ્ણવે નમઃ । નમોરુદ્રાય પશુપતયે મહતે દેવાય ત્ર્યમ્બકાયૈકચરાયાધિપતયેહરાય(હરિ) શર્વાયેશાનાયોગ્રાય વજ્રિણે ઘૃણિને કપર્દિને નમઃ । નમઃ સૂર્યાયાદિત્યાય નમઃ । નમો નીલગ્રીવાય શિતિકણ્ઠાય નમઃ । નમઃ કૃષ્ણાય પિઙ્ગલાય નમઃ । નમો જ્યેષ્ઠાય વૃદ્ધાયેન્દ્રાયહરિકેશાયોર્ધ્વરેતસે નમઃ । નમઃ સત્યાય પાવકાય પાવકવર્ણાયકામાય કામરૂપિણે નમઃ । નમો દીપ્તાય દીપ્તરૂપિણે નમઃ । નમસ્તીક્ષ્ણાય તીક્ષ્ણરૂપિણે નમઃ । નમઃ સોભ્યાય સુપુરુષાયમહાપુરુષાય મધ્યમપુરુષાયોત્તમપુરુષાય બ્રહ્મચારિણે નમઃ । નમશ્ચન્દ્રલલાટાય કૃત્તિવાસસે નમઃ ।

એતદ્ એવાદિત્યોપસ્થાનમ્ ।

એતા એવાજ્યાહુતયઃ ।

દ્વાદશરાત્રસ્યાન્તે ચરું શ્રપયિત્વા(શ્રા) એતાભ્યોદેવતાભ્યો જુહુયાત્ ।

અગ્નયે(અગ્નિ) સ્વાહા સોમાય સ્વાહાગ્નિષોમાભ્યામિન્દ્રાગ્નિભ્યામ્ ઇન્દ્રાય વિશ્વેભ્યો દેવેભ્યો બ્રહ્મણે પ્રજાપતયે ઽગ્નયેસ્વિષ્ટકૃત ઇતિ ।

તતો બ્રાહ્મણતર્પણમ્ ।

એતેનૈવાતિકૃચ્છ્રો વ્યાખ્યાતઃ ।

યાવત્ સકૃદ્ આદદીત(આદા) તાવદ્ અશ્નીયાત્ ।

અબ્ભક્ષસ્ તૃતીયઃ સ કૃચ્છ્રાતિકૃચ્છ્રઃ ।

પ્રથમં ચરિત્વા શુચિઃ પૂતઃ કર્મણ્યો ભવતિ ।

દ્વિતીયં ચરિત્વા યત્કિંચિદ્ અન્યન્ મહાપાતકેભ્યઃપાપં કુરુતે તસ્માત્ પ્રમુચ્યતે ।

તૃતીયં ચરિત્વા સર્વસ્માદ્ એનસો મુચ્યતે ।

અથૈતાંસ્ ત્રીન્ કૃચ્છ્રાંશ્ ચરિત્વા સર્વેષુ વેદેષુસ્નાતો ભવતિ સર્વૈર્ દેવૈર્ જ્ઞાતો ભવતિ ।

યશ્ ચૈવં વેદ ।