ધર્મસૂત્ર · અધ્યાય 22
પ્રાયશ્ચિત્તમ્ ।
અગ્નૌ સક્તિર્ બ્રહ્મઘ્નસ્ ત્રિર્ અવચ્છાતસ્ય ।
લક્ષ્યં વા સ્યાત્ જન્યે શસ્ત્રભૃતામ્ ।
ખટ્વાઙ્ગકપાલપાણિર્ વા દ્વાદશ સંવત્સરાન્બ્રહ્મચારી ભૈક્ષાય ગ્રામં પ્રવિશેત્ કર્માચક્ષાણઃ ।
પથો ઽપક્રામેત્ સંદર્શનાદ્ આર્યસ્ય ।
સ્થાનાસનાભ્યાં વિહરન્ સવનેષૂદકોપસ્પર્શીશુધ્યેત્ ।
પ્રાણલાભે વા તન્નિમિત્તે બ્રાહ્મણસ્ય ।
દ્રવ્યાપચયે ત્ર્યવરં પ્રતિરાદ્ધઃ ।
અશ્વમેધાવભૃથે વા ।
અન્યયજ્ઞે ઽપ્ય્ અગ્નિષ્ટુદન્તશ્ ચેત્ ।
સૃષ્ટશ્ ચેદ્ બ્રાહ્મણવધે ઽહત્વાપિ ।
આત્રેય્યાશ્ ચૈવમ્ ।
ગર્ભે ચાવિજ્ઞાતે ।
રાજન્યવધે ષડ્વાર્ષિકં પ્રાકૃતં બ્રહ્મચર્યમૃષભૈકસહસ્રાશ્ ચ ગા દદ્યાત્ ।
વૈશ્યે તુ ત્રૈવાર્ષિકમ્ ઋષભૈકશતાશ્ ચ ગાદદ્યાદ્ ।
શૂદ્રે સંવત્સરમ્ ઋષભૈકાદશાશ્ ચ ગા દદ્યાત્ ।
અનાત્રેય્યાં ચૈવમ્ ।
ગાં ચ વૈશ્યવત્ ।
મણ્ડૂકનકુલકાકબિમ્બદહરમૂષકશ્વહિંસાસુચ ।
અસ્થન્વતામ્ સહસ્રં હત્વા ।
અનસ્થિમતામ્ અનડુદ્ભારે(અનડુહ્) ચ ।
અપિ વાસ્થન્વતામ્ એકૈકસ્મિન્ કિંચિદ્ દદ્યાત્ ।
ષણ્ઢે પલાલભારઃ સીસમાષશ્ ચ ।
વરાહે ઘૃતધટઃ ।
સર્પે લોહદણ્ડઃ ।
બ્રહ્મબન્ધ્વાં ચલનાયાં નીલઃ ।
વૈશિકેન કિંચિત્ ।
તલ્પાન્નધનલાભવધેષુ પૃથગ્વર્ષાણિ ।
દ્વે પરદારે ।
ત્રીણિ શ્રોત્રિયસ્ય ।
દ્રવ્યલાભે ચોત્સર્ગઃ ।
યથાસ્થાનં વા ગમયેત્ ।
પ્રતિષિદ્ધમન્ત્રયોગે સહસ્રવાકશ્ ચેત્ ।
અગ્ન્યુત્સાદિનિરાકૃત્યુપપાતકેષુ ચૈવમ્ ।
સ્ત્રી યાતિચારિણી ગુપ્તા પિણ્ડં તુ લભેત ।
અમાનુષીષુ ગોવર્જં સ્ત્રીકૃતે કૂષ્માણ્ડૈર્ ઘૃતહોમોઘૃતહોમઃ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0