ધર્મસૂત્ર · અધ્યાય 21
બ્રહ્મહસુરાપગુરુતલ્પગમાતૃપિતૃયોનિસંબન્ધાગસ્તેનનાસ્તિકનિન્દિતકર્માભ્યાસિપતિતાત્યાગ્યપતિતત્યાગિનઃ પતિતાઃ ।
પાતકસંયોજકાશ્ ચ ।
તૈશ્ ચાબ્દં સમાચરન્ ।
દ્વિજાતિકર્મભ્યો હાનિઃ પતનમ્ ।
તથા પરત્ર ચાસિદ્ધિઃ ।
તમ્ એકે નરકમ્ ।
ત્રીણિ પ્રથમાન્ય્ અનિર્દેશ્યાન્ય્ અનુ ।
ન સ્ત્રીષ્વ્ અગુરુતલ્પં પતતીત્ય્ એકે ।
ભ્રૂણહનિ હીનવર્ણસેવાયાં ચ સ્ત્રીપતતિ ।
કૌટસાક્ષ્યં રાજગામિ પૈશુનમ્ ગુરોરનૃતાભિશંસનં મહાપાતકસમાનિ ।
અપઙ્ક્ત્યાનાં પ્રાગ્દુર્બાલાદ્ગોહન્તૃબ્રહ્મઘ્નતન્માત્રકૃદવકીર્ણિપતિતસાવિત્રીકેષૂપપાતકમ્ ।
અજ્ઞાનાદ્ અન્ધ્યાપનાદ્ ઋત્વિગાચાર્યૌપતનીયસેવાયાં ચ હેયૌ ।
અન્યત્ર હાનાત્ પતતિ ।
તસ્ય ચ પ્રતિગ્રહીતેત્ય્ એકે ।
ન કર્હિચિન્ માતાપિત્રોર્(માતૃપિતૃ) અવૃત્તિઃ ।
દાયં તુ ન ભજેરન્ ।
બ્રાહ્મનાભિશંસને દોષસ્ તાવાન્ ।
દ્વિર્ અનેનસિ ।
દુર્બલહિંસાયાં ચ વિમોચને શક્તશ્ ચેત્ ।
અભિક્રુદ્ધાવગોરણં બ્રાહ્મણસ્ય વર્ષશતમસ્વર્ગ્યમ્ ।
નિઘાતે સહસ્રમ્ ।
લોહિતદર્શને યાવતસ્ તત્પ્રસ્કન્દ્ય પાંસૂન્સંગૃહ્ણીયાત્ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0