ધર્મસૂત્ર · અધ્યાય 18
અસ્વતન્ત્રા ધર્મે સ્ત્રી ।
નાતિચરેદ્ ભર્તારમ્(ભર્તૃ) ।
વાક્ચક્ષુઃકર્મસંયતા ।
અપતિર્ અપત્યલિપ્સુર્ દેવરાત્ ।
ગુરુપ્રસૂતા નર્તુમ્(ઋતુ) અતીયાત્ ।
પિણ્ડગોત્રર્ષિસંબન્ધેભ્યો યોનિમાત્રાદ્ વા ।
નાદેવરાદ્ ઇત્ય્ એકે ।
નાતિદ્વિતીયમ્ ।
જનયિતુર્ અપત્યમ્ ।
સમયાદ્ અન્યસ્ય ।
જીવતશ્ ચ ક્ષેત્રે ।
પરસ્માત્ તસ્ય ।
દ્વયોર્ વા ।
રક્ષણાત્ તુ ભર્તુર્(ભર્તૃ) એવ ।
શ્રૂયમાણે ઽભિગમનમ્ ।
પ્રવ્રજિતે તુ નિવૃત્તિઃ પ્રસઙ્ગાત્ ।
દ્વાદશ વર્ષાણિ બ્રાહ્મણસ્ય વિદ્યાસંબન્ધે ।
ભ્રાતરિ(ભ્રાતૃ) ચૈવમ્ જ્યાયસિ યવીયાન્કન્યાગ્ન્યુપયમેષુ ।
ષડ્ ઇત્ય્ એકે ।
ત્રીન્ કુમાર્ય્ ઋતૂન્ અતીત્ય સ્વયંયુજ્યેતાનિન્દિતેનોત્સૃજ્ય પિત્ર્યાન્ અલંકારાન્ ।
પ્રદાનં પ્રાગ્ ઋતોઃ(ઋતુ) ।
અપ્રયચ્છન્ દોષી ।
પ્રાગ્ વાસસઃ પ્રતિપત્તેર્ ઇત્ય્ એકે ।
દ્રવ્યાદાનં વિવાહસિદ્ધ્યર્થં ધર્મતન્ત્રસંયોગેચ શૂદ્રાત્ ।
અન્યત્રાપિ શૂદ્રાદ્ બહુપશોર્ હીનકર્મણઃ ।
શતગોર્ અનાહિતાગ્નેઃ ।
સહસ્રગોશ્ ચાસોમપાત્ ।
સપ્તમીં ચાભુક્ત્વાઅનિચયાય ।
અપ્ય્ અહીનકર્મભ્યઃ ।
આચક્ષીત રાજ્ઞા પૃષ્ટઃ ।
તેન હિ ભર્તવ્યઃ શ્રુતશીલસંપન્નશ્ ચેત્ ।
ધર્મતન્ત્રપીડાયામ્ તસ્યાકરણે દોષો ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0