ધર્મસૂત્ર · અધ્યાય 17
પ્રશસ્તાનાં સ્વકર્મસુ દ્વિજાતીનાં બ્રાહ્મણો ભુઞ્જીત ।
પ્રતિગૃહ્ણીયાચ્ ચ ।
એધોદકયવસમૂલફલમધ્વભયાભ્યુદ્યતશય્યાસનાવસથયાનપયોદધિધાનાશફરીપ્રિયઙ્ગુસ્રગ્માર્ગશાકાન્ય્ અપ્રણોદ્યાનિ સર્વેષામ્ ।
પિતૃદેવગુરુભૃત્યભરણે ઽપ્ય્ અન્યત્ ।
વૃત્તિશ્ ચેન્ નાન્તરેણ શૂદ્રાત્ ।
પશુપાલક્ષેત્રકર્ષકકુલસંગતકારયિતૃપરિચારકાઃભોજ્યાન્નાઃ ।
વણિક્ ચાશિલ્પી ।
નિત્યમ્ અભોજ્યમ્ ।
કેશકીટાવપન્નમ્ ।
રજસ્વલાકૃષ્ણશકુનિપદોપહતમ્ ।
ભ્રૂણઘ્નાવેક્ષિતમ્ ।
ભાવદુષ્ટમ્ ।
ગવોપઘ્રાતમ્ ।
શુક્તં કેવલમ્ અદધિ ।
પુનઃ સિદ્ધમ્ ।
પર્યુષિતમ્ અશાકભક્ષસ્નેહમાંસમધૂનિ ।
ઉત્સૃષ્ટપુંશ્ચલ્યભિશસ્તાનપદેશ્યદણ્ડિકતક્ષકદર્યબન્ધનિકચિકિત્સકમૃગય્વનિષુચાર્યુચ્છિષ્ટભોજિગણવિદ્વિષાણાનામ્ ।
અપઙ્ક્ત્યાનાં પ્રાગ્દુર્વાલાત્ ।
વૃથાન્નાચમનોત્થાનવ્યપેતાનિ ।
સમાસમાભ્યાં વિષમસમે પૂજાતઃ ।
અનર્ચિતં ચ ।
ગોશ્ ચ ક્ષીરમ્ અનિર્દશાયાઃ સૂતકે ।
અજામહિષ્યોશ્ ચ ।
નિત્યમ્ આવિકમ્ અપેયમ્ ઔષ્ટ્રમ્ ઐકશફં ચ ।
સ્યન્દિનીયમસૂસંધિનીનાં ચ ।
વિવત્સાયાશ્ ચ ।
પઞ્ચનખાશ્ ચાશલ્યકશશશ્વાવિદ્ગોધાખડ્ગકચ્છપાઃ ।
ઉભયતોદત્કેશ્યલોમૈકશફકલવિઙ્કપ્લવચક્રવાકહંસાઃ ।
કાકકઙ્કગૃધ્રશ્યેના જલજા રક્તપાદતુણ્ડાગ્રામ્યકુક્કુટસૂકરાઃ ।
ધેન્વનડુહૌ ચ ।
અપન્નદન્નવસન્નવૃથામાંસાનિ ।
કિસલયક્યાકુલશુનનિર્યાસાઃ ।
લોહિતા વ્રશ્ચનાઃ ।
નિચુદારુબકબલાકાશુકમદ્ગુટિટ્ટિભમાન્ધાલનક્તચરાઅભક્ષ્યાઃ ।
ભક્ષ્યાઃ પ્રતુદવિષ્કિરજાલપાદાઃ ।
મત્સ્યાશ્ ચાવિકૃતાઃ ।
વધ્યાશ્ ચ ધર્માર્થે ।
વ્યાલહતાદૃષ્ટદોષવાક્પ્રશસ્તાનભ્યુક્ષ્યોપયુઞ્જીતોપયુઞ્જીત ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0