ધર્મસૂત્ર · અધ્યાય 19

ઉક્તો વર્ણધર્મશ્ ચાશ્રમધર્મશ્ ચ ।

અથ ખલ્વ્ અયં પુરુષો યાપ્યેન કર્મણા લિપ્યતે યથૈતદ્ અયાજ્યયાજનમ્ અભક્ષ્યભક્ષણમ્ અવદ્યવદનંશિષ્ટસ્યાક્રિયા પ્રતિષિદ્ધસેવનમ્ ઇતિ ।

તત્ર પ્રાયશ્ચિત્તં કુર્યાત્ ન કુર્યાદ્ ઇતિ મીમાંસન્તે ।

ન કુર્યાદ્ ઇત્ય્ આહુઃ ।

ન હિ કર્મ ક્ષીયત ઇતિ ।

કુર્યાદ્ ઇત્ય્ અપરમ્ ।

પુનઃસ્તોમેનેષ્ટ્વા પુનઃ સવનમ્ આયાન્તીતિ વિજ્ઞાયતે ।

વ્રાત્યસ્તોમૈશ્ ચેષ્ટ્વા ।

તરતિ સર્વં પાપ્માનં તરતિ બ્રહ્મહત્યાંયો,અશ્વમેધેન યજતે ।

અગ્નિષ્ટુતાભિશસ્યમાનં યાજયેદ્ ઇતિ ચ ।

તસ્ય નિષ્ક્રયણાનિ જપસ્ તપો હોમ ઉપવાસો દાનમ્ ।

ઉપનિષદો વેદાન્તઃ સર્વચ્છન્દઃસુ સંહિતા મધૂન્યઘમર્ષણમ્ અથર્વશિરો રુદ્રાઃ પુરુષસૂક્તં રાજતરૌહિને સામનીબૃહદ્રથન્તરે પુરુષગતિર્ મહાનામ્ન્યો મહાવૈરાજં મહાદિવાકીર્ત્યંજ્યેષ્ઠસામ્નામ્ અન્યતમદ્ બહિષ્પવમાનં કૂષ્માણ્ડાનિ પાવમાન્યઃસાવિત્રી ચેતિ પાવમાનાનિ ।

પયોવ્રતતા શાકભક્ષતા ફલભક્ષતાપ્રસૃતયાવકો હિરણ્યપ્રાશનં ઘૃતપ્રાશનં સોમપાનમ્ ઇતિમેધ્યાનિ ।

સર્વે શિલોચ્ચયાઃ સર્વાઃ સ્રવન્ત્યઃ પુણ્યા હ્રદાસ્તીર્થાન્ય્ ઋષિનિવાસા ગોષ્ઠપરિસ્કન્ધા ઇતિ દેશાઃ ।

બ્રહ્મચર્યં સત્યવચનં સવનેષૂદકોપસ્પર્શનમાર્દ્રવસ્ત્રતાધઃશાયિતાનાશક ઇતિ તપાંસિ(તપસ્) ।

હિરણ્યં ગૌર્ વાસો ઽશ્વો ભૂમિસ્ તિલા ઘૃતમ્ અન્નમ્ ઇતિદેયાનીતિ ।

સંવત્સરઃ ષણ્માસાશ્ ચત્વારસ્ ત્રયો વા દ્વૌવૈકશ્ ચતુર્વિંશત્યહો દ્વાદશાહઃ ષડહસ્ ત્ર્યહો ઽહોરાત્ર ઇતિકાલાઃ ।

એતાન્ય્ એવાનાદેશે વિકલ્પેન ક્રિયેરન્ ।

એનઃસુ(એનસ્) ગુરુષુ ગુરૂણિ લઘુષુ લઘૂનિ ।

કૃચ્છ્રાતિકૃચ્છ્રૌ ચાન્દ્રાયણમ્ ઇતિ સર્વપ્રાયશ્ચિત્તં ।