ધર્મસૂત્ર · અધ્યાય 16
શ્રાવણાદિ વાર્ષિકં પ્રોષ્ઠપદીંવોપાકૃત્યાધીયીત ચ્છન્દાંસિ ।
અર્ધપઞ્ચમાન્ માસાન્ પઞ્ચ દક્ષિણાયનં વા ।
બ્રહ્મચાર્ય્ ઉત્સૃષ્ટલોમા ન માંસં ભુઞ્જીત ।
દ્વૈમાસ્યો વા નિયમઃ ।
નાધીયીત વાયૌ દિવા પાંસુહરે ।
કર્ણશ્રાવિણિ નક્તમ્ ।
વાણભેરીમૃદઙ્ગગર્તાર્તશબ્દેષુ ।
શ્વશૃગાલગર્દભસંહ્રાદે ।
રોહિતેન્દ્રધનુર્નીહારેષુ ।
અભ્રદર્શને ચાપર્તૌ(ઋતુ) ।
મૂત્રિત ઉચ્ચારિતે ।
નિશાયાં સંધ્યોદકેષુ ।
વર્ષતિ ચ ।
એકે વલીકસંતાનામ્ ।
આચાર્યપરિવેષણે ।
જ્યોતિષોશ્ ચ ।
ભીતો યાનસ્થઃ શયાનઃ પ્રૌઢપાદઃ ।
શ્મશાનગ્રામાન્તમહાપથાશૌચેષુ ।
પૂતિગન્ધાન્તઃશવદિવાકીર્ત્ય(ચાણ્ડાલ)શૂદ્રસંનિધાને ।
ભુક્તકે ચોદ્ગારે ।
ઋગ્યજુષં ચ સામશબ્દો યાવત્ ।
આકાલિકા નિર્ઘાતભૂમિકમ્પરાહુદર્શનોલ્કાઃ ।
સ્તનયિત્નુવર્ષવિદ્યુતશ્ ચ પ્રાદુષ્કૃતાગ્નિષુ ।
અહર્ ઋતૌ(ઋતુ) ।
વિદ્યુતિ નક્તં ચાપરરાત્રાત્ ।
ત્રિભાગાદિપ્રવૃત્તૌ સર્વમ્ ।
ઉલ્કા વિદ્યુત્સમેત્ય્ એકેષામ્ ।
સ્તનયિત્નુર્ અપરાહ્ણે ।
અપિ પ્રદોષે ।
સર્વં નક્તમ્ આર્ધરાત્રાત્ ।
અહશ્ ચેત્ સજ્યોતિઃ ।
વિષયસ્થે ચ રાજ્ઞિ(રાજન્) પ્રેતે ।
વિપ્રોષ્ય ચાન્યોન્યેન સહ ।
સંકુલોપાહિતવેદસમાપ્તિચ્છર્દિશ્રાદ્ધમનુષ્યયજ્ઞભોજનેષ્વહોરાત્રમ્ ।
અમાવાસ્યાયાં ચ ।
દ્વ્યહં વા ।
કાર્તિકી ફાલ્ગુનીય્ષાઢી પૌર્ણમાસી ।
તિસ્રો ઽષ્ટકાસ્ ત્રિરાત્રમ્ ।
અન્ત્યામ્ એકે ।
અભિતો વાર્ષિકમ્ ।
સર્વે વર્ષાવિદ્યુત્સ્તનયિત્નુસંનિપાતે ।
પ્રસ્યન્દિનિ ।
ઊર્ધ્વં ભોજનાદ્ ઉત્સવે ।
પ્રાધીતસ્ય ચ નિશાયાં ચતુર્મુહૂર્તમ્ ।
નિત્યમ્ એકે નગરે ।
માનસમ્ અપ્ય્ અશુચિઃ ।
શ્રાદ્ધિનામ્(શ્રાદ્ધ) આકાલિકમ્ ।
અકૃતાન્નશ્રાદ્ધિકસંયોગે ઽપિ ।
પ્રતિવિદ્યં ચ યાન્ સ્મરન્તિ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0