ધર્મસૂત્ર · અધ્યાય 15

અથ શ્રાદ્ધમ્ ।

અમાવાસ્યાયાં પિતૃભ્યો દદ્યાત્ ।

પઞ્ચમીપ્રભૃતિષુ વાપરપક્ષસ્ય ।

યથાશ્રદ્ધં સર્વસ્મિન્ વા ।

દ્રવ્યદેશબ્રાહ્મણસંનિધાને વા કાલનિયમઃ ।

શક્તિતઃ પ્રકર્ષેદ્ ગુણસંસ્કારવિધિર્ અન્નસ્ય ।

નવાવરાન્ ભોજયેદ્ અયુજઃ ।

યથોત્સાહં વા ।

શ્રોત્રિયાન્ વાગ્રૂપવયઃશીલસંપન્નાન્ ।

યુવભ્યો દાનં પ્રથમમ્ ।

એકે પિતૃવત્ ।

ન ચ તેન મિત્રકર્મ કુર્યાત્ ।

પુત્રાભાવે સપિણ્ડા માતૃસપિણ્ડાઃ શિષ્યાશ્ ચ દદ્યુઃ ।

તદભાવ ઋત્વિગાચાર્યૌ ।

તિલમાષવ્રીહિયવોદકદાનૈર્ માસં પિતરઃપ્રીણન્તિ । મત્સ્યહરિણરુરુશશકૂર્મવરાહમેષમાંસૈઃસંવત્સરાણિ।ગવ્યપયઃપાયસૈર્ દ્વાદશ વર્ષાણિ।વાર્ધ્રીણસેનમાંસેન કાલશાકચ્છાગલોહખડ્ગમાંસૈર્ મધુમિશ્રૈશ્ ચાનન્ત્યમ્ ।

ન ભોજયેત્ સ્તેનક્લીબપતિતનાસ્તિકતદ્વૃત્તિવીરહાગ્રેદિધિષુપતિસ્ત્રીગ્રામયાજકાજાપાલોત્સૃષ્ટાગ્નિમદ્યપકુચરકૂટસાક્ષિપ્રાતિહારિકાન્ ।

ઉપપતિઃ ।

યસ્ય ચ સઃ ।

કુણ્ડાશિસોમવિક્રય્યગારદાહિગરદાવકીર્ણિગણપ્રેષ્યાગમ્યાગામિહિંસ્રપરિવિત્તિપરિવેત્તૃપર્યાહિતપર્યાધાતૃત્યક્તાત્મદુર્બાલકુનખિશ્યાવદન્તશ્વિત્રિપૌનર્ભવકિતવાજપરાજપ્રેષ્યપ્રાતિરૂપિકશૂદ્રાપતિનિરાકૃતિકિલાસિકુસીદિવણિક્શિલ્પોપજીવિજ્યાવાદિત્રતાલનૃત્યગીતશીલાન્ ।

પિત્રા(પિતૃ) વાકામેન વિભક્તાન્ ।

શિષ્યાંશ્ ચૈકે સગોત્રાંશ્ ચ ।

ભોજયેદ્ ઊર્ધ્વં ત્રિભ્યઃ ।

ગુણવન્તમ્ ।

સદ્યઃ શ્રાદ્ધી શૂદ્રાતલ્પગસ્ તત્પુરીષે માસંનયતિ પિતૃઋન્ ।

તસ્માત્ તદહમ્ બ્રહ્મચારી ચ સ્યાત્ ।

શ્વચાણ્ડાલપતિતાવેક્ષણે દુષ્ટમ્ ।

તસ્માત્ પરિશ્રિતે દદ્યાત્ ।

તિલૈર્ વા વિકિરેત્ ।

પઙ્ક્તિપાવનો વા શમયેત્ ।

પઙ્ક્તિપાવનઃ ષડઙ્ગવિજ્ જ્યેષ્ઠસામિકસ્ ત્રિણાચિકેતસ્ત્રિમધુસ્ ત્રિસુપર્ણઃ પઞ્ચાગ્નિઃ સ્નાતકો મન્ત્રબ્રાહ્મણવિદ્ ધર્મજ્ઞોબ્રહ્મદેયાનુસંતાન ઇતિ ।

હવિઃષુ ચૈવમ્ ।

દુર્બાલાદીન્ શ્રાદ્ધ એકૈકે ।