ધર્મસૂત્ર · અધ્યાય 14
શાવમ્ આશૌચં દશરાત્રમ્ અનૃત્વિગ્(ઋત્વિજ્)દીક્ષિતબ્રહ્મચારિણાં સપિણ્ડાનામ્ ।
એકાદશરાત્રં ક્ષત્રિયસ્ય ।
દ્વાદશરાત્રં વૈશ્યસ્ય ।
અર્ધમાસમ્ એકે ।
માસમ્ શૂદ્રસ્ય ।
તચ્ ચેદ્ અન્તઃ પુનર્ આપતેચ્ છેષેણ શુધ્યેરન્ ।
રાત્રિશેષે દ્વાભ્યામ્ ।
પ્રભાતે તિસૃભિઃ ।
ગોબ્રાહ્મણહતાનામ્ અન્વક્ષમ્ ।
રાજક્રોધાચ્ ચ ।
યુદ્ધે ।
પ્રાયાનાશકશસ્ત્રાગ્નિવિષોદકોદ્બન્ધનપ્રપતનૈશ્ ચેચ્છતામ્ ।
પિણ્ડનિવૃત્તિઃ સપ્તમે પઞ્ચમે વા ।
જનને ઽપ્ય્ એવમ્ ।
માતાપિત્રોસ્(પિતૃ) તત્ ।
માતુર્ વા ।
ગર્ભમાસસમારાત્રીઃ સ્રંસને ગર્ભસ્ય ।
ત્ર્યહં વા ।
શ્રુત્વા ચોર્ધ્વં દશમ્યાઃ પક્ષિણીમ્ ।
અસપિણ્ડે યોનિસંબન્ધે સહાધ્યાયિનિ ચ ।
સબ્રહ્મચારિણ્ય્ એકાહમ્ ।
શ્રોત્રિયે ચોપસંપન્ને ।
પ્રેતોપસ્પર્શને દશરાત્રમ્ આશૌચમ્ અભિસંધાય ચેત્ ।
ઉક્તં વૈશ્યશૂદ્રયોઃ ।
આર્તવીર્ વા ।
પૂર્વયોશ્ ચ ।
ત્ર્યહં વા ।
આચાર્યતત્પુત્રસ્ત્રીયાજ્યશિષ્યેષુ ચૈવમ્ ।
અવરશ્ ચેદ્ વર્ણઃ પૂર્વવર્ણમ્ ઉપસ્પૃશેત્ પૂર્વોવાવરં તત્ર શવોક્તમ્ આશૌચમ્ ।
પતિતચણ્ડાલસૂતિકોદક્યાશવસ્પૃષ્ટિતત્સ્પૃષ્ટ્યુપસ્પર્શનેસચૈલોદકોપસ્પર્શનાચ્ છુધ્યેત્ ।
શવાનુગમને ચ ।
શુનશ્ ચ ।
યદ્ ઉપહન્યાદ્ ઇત્ય્ એકે ।
ઉદકદાનં સપિણ્ડૈઃ કૃતચૂડસ્ય ।
તત્સ્ત્રીણાં ચ ।
એકે પ્રત્તાનામ્ ।
અધઃશય્યાસનિનો બ્રહ્મચારિણઃ સર્વે ।
ન માર્જયીરન્ ।
ન માંસં ભક્ષયેયુર્ આ પ્રદાનાત્ ।
પ્રથમતૃતીયસપ્તમનવમેષૂદકક્રિયા ।
વાસસાં ચ ત્યાગઃ ।
અન્તે ત્વ્ અન્ત્યાનામ્ ।
દન્તજન્માદિ માતાપિતૃભ્યામ્ ।
બાલદેશાન્તરિતપ્રવ્રજિતાસપિણ્ડાનાં સદ્યઃ શૌચમ્ ।
રાજ્ઞાં ચ કાર્યવિરોધાત્ ।
બ્રાહ્મણસ્ય ચ સ્વાધ્યાયનિવૃત્ત્યર્થમ્સ્વાધ્યાયનિવૃત્ત્યર્થમ્ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0