ધર્મસૂત્ર · અધ્યાય 13
વિપ્રતિપત્તૌ સાક્ષિનિમિત્તા સત્યવ્યવસ્થા ।
બહવઃ સ્યુર્ અનિન્દિતાઃ સ્વકર્મસુ પ્રાત્યયિકા રાજ્ઞાંનિષ્પ્રીત્યનભિતાપાશ્ ચાન્યતરસ્મિન્ ।
અપિ શૂદ્રાઃ ।
બ્રાહ્મણસ્ ત્વ્ અબ્રાહ્મણવચનાદ્ અનવરોધ્યો ઽનિબદ્ધશ્ચેત્ ।
નાસમવેતાપૃષ્ટાઃ પ્રબ્રૂયુઃ ।
અવચને ઽન્યથાવચને ચ દોષિણઃ(દોષ-) સ્યુઃ ।
સ્વર્ગઃ સત્યવચને વિપર્યયે નરકઃ ।
અનિબદ્ધૈર્ અપિ વક્તવ્યમ્ ।
ન પીડાકૃતે નિબન્ધઃ ।
પ્રમત્તોક્તે ચ ।
સાક્ષિસભ્યરાજકર્તૃષુ દોષો ધર્મતન્ત્રપીડાયામ્ ।
શપથેનૈકે સત્યકર્મ ।
તદ્દેવરાજબ્રાહ્મણસંસદિ સ્યાદ્ અબ્રાહ્મણાનામ્ ।
ક્ષુદ્રપશ્વનૃતે સાક્ષી દશ હન્તિ ।
ગોશ્વપુરુષભૂમિષુ દશગુણોત્તરાન્ ।
સર્વં વા ભૂમૌ ।
હરણે નરકઃ ।
ભૂમિવદ્ અપ્સુ ।
મૈથુનસંયોગે ચ ।
પશુવન્ મધુસર્પિષોઃ ।
ગોવદ્ વસ્ત્રહિરણ્યધાન્યબ્રહ્મસુ ।
યાનેષુ અશ્વવત્ ।
મિથ્યાવચને યાપ્યો દણ્ડ્યશ્ ચ સાક્ષી ।
નાનૃતવચને દોષો જીવનં ચેત્ તદધીનમ્ ।
ન તુ પાપીયસો જીવનમ્ ।
રાજા પ્રાડ્વિવાકો બ્રાહ્મણો વા શાસ્ત્રવિત્ ।
પ્રાડ્વિવાકમ્ અધ્યાભવેત્ ।
સંવત્સરં પ્રતીક્ષેતાપ્રતિભાયામ્ ।
ધેન્વનડુત્સ્ત્રીપ્રજનનસંયુંક્તે ચશીઘ્રમ્ ।
આત્યયિકે ચ ।
સર્વધર્મેભ્યો ગરીયઃ પ્રાડ્વિવાકે સત્યવચનંસત્યવચનમ્ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0