Dharmasamuccaya · અધ્યાય 25

॥ ઇતિ ક્ષાન્તિવર્ગશ્ચતુર્વિંશઃ ॥
(25) વીર્યવર્ગઃ
દેશક્રિયાયુક્તાનિ કાર્યાણિ સિદ્ધયન્તિ
દેશકાલોપપન્નસ્ય ક્રિયાતિથ્યોચિતસ્ય ચ ।
ન્યાયેનારભ્યમાણસ્ય વીર્યસ્ય સકલં ફલમ્

ન્યાયદેશક્રિયાહીના અધર્મેણ વિવર્જિતાઃ ।
સીદન્તિ કાર્યનિકરા વીર્યેણ પરિવર્જિતાઃ

આરબ્ધવીર્યા મોક્ષં પ્રાપ્નુવન્તિ
ધ્યાનેનારબ્ધવીર્યેણ મોક્ષં ગચ્છન્તિ પણ્ડિતાઃ ।
ભવક્ષિપ્ત ઇવાકારો દેવલોકે પ્રયાન્તિ ચ

યાન્યારબ્ધાનિ કાર્યાણિ વીર્યવદ્ બલિના નૃણા ।
તાનિ તાનિ પ્રસિદ્ધાનિ વિપુલાનિ ભવન્તિ ચ

યે ઽર્થા લોકોત્તરે સિદ્ધા યે ચ લોકેષુ સમ્મતાઃ ।
તે વીર્યેણ પ્રસાધ્યન્તે વીર્યહીના ન જાતુ વૈ

મન્દવીર્ય ચિરોત્સાહં સદ્ધર્મેણ વિવર્જિતમ્ ।
નરો વિશતિ લોકં (ચ) શશાઙ્કમિવ કલ્મષમ્

વીર્યવત્તા પરમાં ગતિં પ્રદદાતિ
આર્યાષ્ટાઙ્ગેન માર્ગેણ ન જ્ઞાનપરિપાલિતઃ ।
વીર્યવત્તામહોત્સાહો પ્રયાતિ પરમાં ગતિમ્

બોધિઃ વીર્યેણાવાપ્યતે
વીર્યણાવાપ્યતે બોધિઃ સ્વવીર્યેણ તથા મહી ।
અર્હત્ત્વં વીર્યવદ્ભિશ્ચ તસ્માન્નાગ્નિસમા ગતિઃ

ઉત્તમસ્થાનપ્રાપ્ત્યર્થ વીર્યારમ્ભે મતિઃ કાર્યા
તસ્માદ્ દેવાન્ ગુણાન્ મત્વા વીર્યવાન્ નિયતેન્દ્રિયઃ ।
વીર્યારમ્ભે મતિં કુર્યાર્ન્નાસ્તિ વીર્યસમર્થનમ્

વીર્યાર્થી સ્મૃતિમાન્ યશ્ચ નરો જ્ઞાનપરાયણઃ ।
પ્રયાત્યનુત્તમં સ્થાનં જરામરણવર્જિતમ્