Dharmasamuccaya · અધ્યાય 18

॥ ઇતિ પ્રેતવર્ગઃ સપ્તદશઃ ॥
(18) તિર્યગ્વર્ગઃ
પરદ્રોહં કદાપિ ન કુર્યાત્
ભક્ષણં ભવદન્યોન્યવધબન્ધાવરોધનમ્ ।
તિર્યગ્યોનિં સમાસાદ્ય તસ્માદ્ દ્રોહં વિવર્જયેત્

મોહોપહતચિત્તાશ્ચ શીલદાનવિવર્જિતાઃ ।
તિર્યગ્યોનૌ વ જાયન્તે બાલાસ્તૃષ્ણાવિડમ્બિતાઃ

ગમ્યાગમ્યં ન વિન્દન્તિ ભક્ષ્યાભક્ષ્યં તથૈવ ચ ।
કાર્યાકાર્યબહિર્ભૂતા ધર્માધર્મતિરસ્કૃતાઃ

પઞ્ચેન્દ્રિયજરામૂઢાસ્તૃષ્ણાપાશવશાનુગાઃ ।
ક્રોધેર્ષ્યામતિસંગ્રસ્તાસ્તિર્યગ્યોન્યુપગા નરાઃ

પર્યેષ્ટ્યુપહતા મર્ત્યાઃ પ્રમાદોપહતાઃ સુરાઃ ।
ક્ષુત્તર્ષવ્યસનાઃ પ્રેતાઃ કારણાત્તે ચ નારકાઃ

કે તિર્યગ્યોનિપરાયણાઃ?
પરસ્પરબધાત્યુક્તાસ્તિર્યગ્યોનિપરાયણાઃ
એવં બહુવિધૈસ્તૈસ્તૈર્વ્યસનૈરાકુલં જગત્

માત્સર્યોપહતો દુષ્કૃત ન કુર્યાત્
ન કુર્યાદ દુષ્કૃતં કર્મ માત્સર્યોપહતઃ પરમ્ ।
માત્સર્યોપહતા યાન્તિ પ્રેતાસ્તિર્યક્ષુ જન્તવઃ

કેષાં સફલં જન્મ?
તેષાં હિ સફલં જન્મ તેષાં બુદ્ધિરવઞ્ચિતા ।
તે ચ પૂજ્યાઃ સદા સદ્ભિર્યેષાં ધર્મે સદા મતિઃ

જ્ઞાનરથાવરૂઢૈર્મુક્તિર્ભવતિ
એવં ત્રિદોષાકૃતકર્મસારં જગદ્ ભ્રમત્યેવ દુરાવગાધમ્ ।
કરોતિ યસ્તસ્ય ચ શુદ્ધસત્ત્વો ઽવમાનનાં જ્ઞાનરથાવરૂઢઃ