ચિત્તવિશુદ્ધિપ્રકરણ · શ્લોક 81-100

અમણ્ડલપ્રવિષ્ટો વા સર્વાવરણવાનપિ ।
સ્વાધિદૈવતયોગાત્મા મન્દપુણ્યો ઽપિ સિધ્યતિ

અનેન સર્વસૌરિત્વં સર્વબુદ્ધત્વમેવ વા ।
જન્મનીહૈવ તત્ત્વજ્ઞઃ સમ્પ્રાપ્નોતિ ન સંશયઃ

યથા પ્રાકૃતલોકેન યોગિલોકો ન બાધ્યતે ।
બાધ્યન્તે ધીવિશેષેણ યોગિનો ઽપ્યુત્તરોત્તરૈઃ

મહાપ્રજ્ઞામહોપાયમહાકૃપાધિમોક્ષતઃ ।
મહાયાનસમુદ્દિષ્ટં મહાસત્ત્વસ્ય ગોચરમ્

યત્કલ્પાનામસંખ્યેયૈર્ન પ્રાપ્તં બહુભિર્મતમ્ ।
જન્મન્યત્રૈવ બુદ્ધત્વં પ્રાપ્યતે નાત્ર સંશયઃ

મહાયાનસ્ય માહાત્મ્યં પુણ્યજ્ઞાનેન સમ્ભૃતમ્ ।
સર્વજ્ઞત્વં પદં રમ્યં સદ્યો જન્મનિ લભ્યતે

આગમશ્રુતિચિન્તા તુ મહાયાને ન ગૃહ્યતે ।
આશયાનુશયાભેદાદ્ યાનાભેદઃ પ્રકાશ્યતે

અન્ય એવાધિમોક્ષો ઽયં તથાન્યા બોધિચારિકા ।
અન્યા ચિત્તવિશુદ્ધિશ્ચ ફલમન્ધદિહોચ્યતે

સમીપે નિર્મલાદર્શે રૂપં નિર્મલચક્ષુષઃ ।
યથા ભાતિ સુવિસ્પષ્ટં સ્વચ્છપ્રકૃતિનિર્મલમ્

વિધૂતકલ્પનાજાલવિષ્પ્રષ્ટશુદ્ધચેતસાં ।
યોગિનાઞ્ચ તથા જ્ઞાનં પ્રજ્ઞાનિર્મલદર્પણૈઃ

સૂર્યકાન્તિસમાશ્લિષ્ટસૂર્યકાન્તમણૌ યથા ।
સહસા પ્રજ્વલત્યગ્નિઃ સમથઃ સ્વાર્થસાધને

અપાસ્તકલ્પનાજાલં સૂર્યકાન્તનિભં મનઃ ।
પ્રજ્ઞાસૂર્યાં શુસંશ્લિષ્ટં તદ્વજ્જ્વલતિ યોગિનામ્

કાષ્ઠદ્વયનિઘર્ષેણ યથા જ્વલતિ પાવકઃ ।
આદિમધ્યાન્તસંશુદ્ધઃ સર્વવસ્તુપ્રકાશકઃ ।
પ્રજ્ઞોપાયસમાયોગાદ્યોગિજ્ઞાનં તથા વિદુઃ

યથૈવૈકઃ પ્રદીપો ઽયં વર્ત્ત્યન્તરસમાશ્રિતઃ ।
યથાસ્વાર્થં યથાસ્થાનં કરોત્યુચ્ચૈઃ પ્રકાશનમ્

સ્ફુરણાનન્તમૂર્તિસ્તુ પ્રજ્ઞોપાયવિભાવનૈઃ ।
નાનાધિમુક્તસત્ત્વાનાં યથાકૃત્યમનુષ્ઠયેત્

વિધિ જ્ઞોહિ યથા કશ્ચિત્ક્ષીરાદમૃતમુદ્ધરેત્ ।
નિર્દોષં શીતલં હૃદ્યં સર્વવ્યાધિવિનાશનમ્

પ્રજ્ઞાક્ષીરમહોપાયાદ્વિધિવન્મથનોત્થિતઃ ।
વિશુદ્ધધર્મધાતુઃ સ સુખાસુખવિનાશનઃ

યથા લતા સમુદ્ભૂતા ફલપુષ્પસમન્વિતા ।
તથૈકક્ષણસમ્બોધિઃ સમ્ભારદ્વયસંયુતા

[વશદ્વેષગતિસ્તમ્ભ] વર્ષણાકર્ષણાદિકમ્ ।
મદ્યમાંસરતો યોગી કુર્વન્નાપ્યુપલિપ્યતે

[હસ્તકઙ્કણબિમ્બાય કિ]માદર્શઃ સમીક્ષ્યતે ।
મહાયાને યતો ઽદ્યાપિ મન્ત્રસામર્થ્યદર્શનમ્