ચિત્તવિશુદ્ધિપ્રકરણ · શ્લોક 101-120

માતૃદુહિતૃસમ્બન્ધ[સ્તત્ત્વતો ઽત્ર ન કલ્પ્યતે ।
ભગ્નાયોધૂપવર્ત્તીવ] જગદાહ તથાગતઃ

પઞ્ચભૂતાત્મકં શુક્રં શોણિતઞ્ચાપિ તાદૃશમ્ ।
તન્મયઃ ખલુ પિણ્ડો ઽયં કો વિપ્રઃ કશ્ચ વાન્ત્યજઃ

[પઞ્ચસ્કન્ધાત્મકં સર્વં]શરીરં ખલુ ભિક્ષવઃ ।
અનિત્યં દુઃખશૂન્યઞ્ચ ન જાતિર્ન ચ જાતિમાન્

કૈવર્ત્તીગર્ભમ્ભૂતઃ કશ્ચિઞ્ચા[ણ્ડાલજાતિમાન્ ।
તપસા બ્રાહ્મણો જાતસ્તસ્માજ્જાતિરકારણમ્

સ્વસારં માતરં શ્વશ્રૂં સ્વપુત્રીં ભાગિનેયિકામ્ ।
બ્રાહ્મણીં ક્ષત્રિયાં વૈશ્યાં વિધિજ્ઞાનેન શૂદ્રિકામ્]

એકાઙ્ગવિકલાં હીનાં ગર્હીતામન્ત્યજામપિ ।
યોષિતં પૂજયેન્નિત્યં જ્ઞાનવજ્રપ્રભાવનૈઃ

[સર્વદા સ્મિતવક્રેણ મન્ત્રવિસ્તૃતચક્ષુષા ।
સમ્બોધૌ ચિત્તમુત્પાદ્યસ્વાધિદૈવતભાવતઃ

પશ્યેદ્દૃશ્યં ક્ષણંકિઞ્ચિચ્છોતવ્યં શૃણુયાત્તથા ।
સત્યાસત્યવિયુક્તં તુવદેદ્વાક્યમતન્દ્રિતઃ]

સ્નાનાભ્યઞ્જનવસ્ત્રાદિખાનપાનાદિયન્તતઃ ।
સ્વાધિદૈવતયોગેનચિન્તયેત્પૂજનાવિધિમ્

[ગીતંવાદ્યં તથા નૃત્યં સોપાયેન વ્રતી ભજેત્ ।
અકુર્વન્નિહ ભાવેષુસર્વેષ્વભિનિવેશનમ્

સ્વાત્મભાવપ્રહાણેનતાપયેન્ન તપસ્યયા] ।
સુખાદ્યથા સુખંધ્યાયેત્સમ્બુદ્ધો ઽયમનાગતઃ

સર્વકામોપભોગૈસ્તુ રમથમુક્તિતો ઽભયાત્ ।
મા ભૈષ્ટ નાસ્તિ વઃ પાપંસમયો દુરતિક્રમઃ

મન્ત્રસંસ્કૃતકાષ્ઠાદિદેવત્વમધિગચ્છતિ ।
કિં પુનઃ જ્ઞાનવાન્ કાયઃકષ્ટં મોહવિચેષ્ટિતમ્

પ્રાકૃતત્વમહઙ્કારંપરિત્યજ્ય સમાહિતઃ ।
પ્રજ્ઞોપાયવિધાનેનક્રિયામિમાં સમાચરેત્

પઙ્કજાતં યથા પદ્મંપઙ્કદોષૈર્ન લિપ્યતે ।
વિકલ્પવાસનાદોષૈસ્તથાયોગી ન લિપ્યતે

[વિકલ્પોવિમ્બસઙ્કાશો દૃષ્ટિદોષૈર્ન લિપ્યતે ।
અન્ભસા લિપ્યતે નૈવયદ્વદુદકચન્દ્રમાઃ]

અનાદિવાસનાપઙ્કૈર્વિલિપ્તંચિત્તરત્નકમ્ ।
પ્રજ્ઞોપાયજલેનૈવ[ક્ષાલિતંસમ્પ્રકાશતે]

સ્વાધિદેવતયોગસ્યસ્થિરચિત્તસ્ય ધીમતઃ ।
મુક્તઃ કુદૃષ્ટિમેઘૈશ્ચભાસતે ચિત્તભાસ્કરઃ

[પ્રજ્ઞાલક્ષ્મપરિચ્છેદેભૂતાર્થસ્ય વિનિશ્ચયાત્ ।
ધર્મધાતુરુપાદેયો ઽવિદ્યાવ્યત્યયવર્જનાત્

પ્રજ્ઞામુદ્ગરવિધ્વસ્તે]સહસા કલ્પનાઘટે ।
પ્રકૃત્યા નિર્મલઃ સ્વચ્છોજ્ઞાનદીપઃ પ્રકાશતે