ચિત્તવિશુદ્ધિપ્રકરણ · શ્લોક 121-134

સુપ્રસિદ્ધાનિ ભૂતાનિક્ષિત્યગ્નિજલવાયવઃ ।
ક્રિયન્તે હ્યન્યથાવિજ્ઞૈર્મન્ત્રસામર્થ્યયોગતઃ

સર્વવાદં પરિત્યજ્યમન્ત્રવાદં સમાચરેત્ ।
યસ્ય મન્ત્રસ્યસામર્થ્યાત્સૌખ્યભાવો ઽપિ સિધ્યતિ

ત્રિરત્નં ન પરિત્યાજ્યંબોધિચિત્તં તથા ગુરુઃ ।
ન વધ્યાઃ પ્રાણિનઃ કે ઽપિસમયાન્યપ્યધિષ્ઠયેત્

મધુ રક્તં સકર્પૂરંરક્તચન્દનયોજિતમ્ ।
મુનિવજ્રોદકં ચૈવપઞ્ચૈતાન્યપ્યધિષ્ઠયેત્

અન્યૈશ્ચસમયૈર્દિવ્યૈશ્ચિત્તસ્યોત્કર્ષકારકૈઃ ।
મારુતક્ષોભશાન્ત્યર્થંપ્રીણયેચ્ચિત્તવજ્રકમ્

[નાશુચિભાવઆશઙ્ક્યો ઽવિકલ્પ્યયોગલીલયા ।
સમાયુક્તેન ચિત્તેન મન્ત્રીસર્વં સમાચરેત્]

મક્ષિકાપદમાત્રેણવિષેણાપ્યભિભૂયતે ।
અણુમાત્રા ઘૃણા શઙ્કામૃત્યુકષ્ટેન સંયુતા

સુયુદ્ધં વાચરેદ્વિજ્ઞઃસુપલાયનમેવ વા ।
આન્તરાલિકભાવસ્તુ વ્યર્થોવૈ પતનં ભવેત્

ગુરોરાજ્ઞાઞ્ચ મુદ્રાઞ્ચછાયામપિ ન લઙ્ઘયેત્ ।
ગુણાસ્તસ્ય પરં ગ્રાહ્યા દોષાનૈવ કદાચન

આચાર્યઃ પરમો દેવઃપૂજનીયઃ પ્રયત્નતઃ ।
સ્વયં વજ્રધરો રાજાસાક્ષાદ્રૂપેણ સંસ્થિતઃ

યથોદકમણિઃ શુદ્ધઃકલુષોદકશોધકઃ ।
શ્રદ્ધામણિસ્તથાપ્રોક્તશ્ચિત્તરત્નવિશોધકઃ

શ્રદ્ધાવાન્મુહ્યતે કો ઽપિપ્રજ્ઞાચક્ષુર્વિવર્જિતઃ ।
ઉત્પાદયેદતઃપ્રજ્ઞામાગમાધિગમાત્મિકામ્

શ્રાદ્ધો બહુશ્રુતઃ પ્રાજ્ઞઃપ્રકૃત્યા કરુણાત્મકઃ ।
જગદ્દુઃખવિનાશાયસુખોપાયં સ વિન્દતિ

ચિત્તવિશુદ્ધિમાધાયયન્મયોપાર્જિતં સુખમ્ ।
ચિત્તવિશુદ્ધિમાધાય તેનાસ્તુસુખિતો જનઃ