છાંદોગ્યોપનિષદ (ટીકા સહિત) · અધ્યાય 7.8

છુપ્ભ્_7,7.2 શૃણૂપાસનફલં વિજ્ઞાનવતો વિજ્ઞાનં યેષુ લોકેષુ તાન્વિજ્ઞાનવતો લોકાઞ્જ્ઞાનવતશ્ચાભિસિધ્યત્યભિપ્રાપ્નોતિ ।
વિજ્ઞાનં શાસ્રાર્થવિષયં જ્ઞાનમન્યવિષયં નૈપુણ્યં તદ્વદ્ભિર્યુક્તાંલ્લોકાન્નાપ્રાપ્નોતીત્યર્થઃ ।
યાવદ્વિજ્ઞાનસ્યેત્યાદિ પૂર્વવત્ ॥2॥
ઇતિ ચ્છાન્દોગ્યોપનિષદિ સપ્તમાધ્યાયસ્ય સપ્તમઃ ખણ્ડઃ
=======================================================================
સ્તર્ત્ છુપ્ 7,8.1-2
બલં વાવ વિજ્ઞાનાદ્ ભૂયઃ ।
અપિ હ શતં વિજ્ઞાનવતામ્ એકો બલવાન્ આકમ્પયતે ।
સ યદા બલી ભવત્ય્ અથોત્થાતા ભવતિ ।
ઉત્તિષ્ઠન્ પરિચરિતા ભવતિ ।
પરિચરન્ન્ ઉપસત્તા ભવતિ ।
ઉપસીદન્ દ્રષ્ટા ભવતિ શ્રોતા ભવતિ મન્તા ભવતિ બોદ્ધા ભવતિ કર્તા ભવતિ વિજ્ઞાતા ભવતિ ।
બલેન વૈ પૃથિવી તિષ્ઠતિ બલેનાન્તરિક્ષં બલેન દ્યૌર્ બલેન પર્વતા બલેન દેવમનુષ્યા બલેન પશવશ્ ચ વયાંસિ ચ તૃણવનસ્પતયઃ શ્વાપદાન્ય્ આકીટપતઙ્ગપિપીલકમ્ ।
બલેન લોકસ્ તિષ્ઠતિ ।
બલમ્ ઉપાસ્સ્વેતિ

સ યો બલમ્ ઉપાસ્તે ।
યાવદ્ બલસ્ય ગતં તત્રાસ્ય યથાકામચારો ભવતિ યો બલં બ્રહ્મેત્ય્ ઉપાસ્તે ।
અસ્તિ ભગવો બલાદ્ ભૂય ઇતિ ।
બલાદ્ વાવ ભૂયો ઽસ્તીતિ ।
તન્ મે ભગવાન્ બ્રવીત્વ્ ઇતિ