છાંદોગ્યોપનિષદ (ટીકા સહિત) · અધ્યાય 7.17

છુપ્ભ્_7,16.1 સ એષ નારદઃ સર્વાતિશયં પ્રાણં સ્વમાત્માનં સર્વાત્માનં શ્રુત્વા નાતઃ પરમસ્તીત્યુપરરામ ।
ન પૂર્વવત્કિમસ્તિ ભગવઃ પ્રાણાદ્ભૂય ઇતિ પપ્રચ્છ ।
યતસ્તમેવં વિકારાનૃતબ્રહ્મવિજ્ઞાનેન પરિતુષ્ટમકૃતાર્થં પરમાર્થસત્યાતિવાદિનમાત્માનં મન્યમાનં યોગ્યં શિષ્યં મિથ્યાગ્રહવિશેષાદ્વિપ્રચ્યાવયન્નાહ ભગવાન્સનત્કુમારઃ ।
એષ તુ વા અતિવદતિ યમહં વક્ષ્યામિ ન પ્રાણવિદતિવાદી પરમાર્થતઃ ।
નામાદ્યપેક્ષં તુ તસ્યાતિવાદિત્વમ્ ।
યસ્તુ ભૂમાખ્યં સર્વાતિક્રાન્તં તત્ત્વં પરમાર્થસત્યં વેદ સો ઽતિવાદીત્યત આહ-એષ તુ વા અતિવદતિ યઃ સતેયન પરમાર્થસત્યવિજ્ઞાનવત્તયાતિવદતિ ।
સો ઽહં ત્વાં પ્રપન્નો ભગવન્સત્યેનાતિવદાનિ તથામાં નિયુનક્તુ ભગવાન્યથાહં સત્યેનાતિવદાનીત્યભિપ્રાયઃ ।
યદ્યેવં સત્યેનાતિવદિતુમિચ્છસિ સત્યમેવ તુ તાવદ્વિજિજ્ઞાસિતવ્યમિત્યુક્ત આહ નારદઃ ।
તથાસ્તુ તર્હિ સત્ય ભગવો વિજિજ્ઞાસે વિશેષેણ જ્ઞાતુમિચ્છેયં ત્વત્તો ઽહમિતિ ॥1॥
ઇતિ ચ્છાન્દોગ્યોપનિષદિ સપ્તમાધ્યાયસ્ય ષોડશઃ ખણ્ડઃ
સ્તર્ત્ છુપ્ 7,17.1
યદા વૈ વિજાનાત્ય્ અથ સત્યં વદતિ ।
નાવિજાનન્ સત્યં વદતિ ।
વિજાનન્ન્ એવ સત્યં વદતિ ।
વિજ્ઞાનં ત્વ્ એવ વિજિજ્ઞાસિતવ્યમ્ ઇતિ ।
વિજ્ઞાનં ભગવો વિજિજ્ઞાસ ઇતિ