છાંદોગ્યોપનિષદ (ટીકા સહિત) · અધ્યાય 7.16

છુપ્ભ્_7,15.4 તસ્માત્પ્રાણો હ્યેવૈતાનિ પિત્રાદીનિ સર્વાણિ ભવતિ ચલાનિ સ્થિરાણિ ચ ।
સ વા એષ પ્રાણવિદેવં યથોક્તપ્રકારેણ પશ્યન્ફલતો ઽનુભવન્નેવં મન્વાન ઉપપત્તિભિશ્ચિન્તયન્નેવં વિજાનન્નુપપત્તિભિઃ સંયોજ્યૈવમેવેતિ નિશ્ચયં કુર્વન્નિત્યર્થઃ ।
મનનવિજ્ઞાનાભ્યાં હિ સંભૂતઃ શાસ્રાર્થો નિશ્ચિતો દૃષ્ટો ભવેત્ ।
અત એવં પશ્યન્નતિવાદી ભવતિ નામાદ્યાશાન્તમતીત્ય વદનશીલો ભવતીત્યર્થઃ ।
તં ચેદ્બ્રૂયુસ્તં યદ્યેવમતિવાદિનં સર્વદા સર્વૈઃ શબ્દૈર્નામાદ્યાશાન્તમતીત્ય વર્તમાનં પ્રાણમેવં વદન્તમેવં પશ્યન્તમતિવદનશીલમતિવાદિનં બ્રહ્માદિસ્તમ્બપર્યન્તસ્ય હિ જગતઃ પ્રાણ આત્માહમિતિ બ્રુવાણં યદિ બ્રૂયુરતિવાદ્યસીતિ ।
બાઢમતિવાદ્યસ્મીતિ બ્રૂયાન્નાપહ્નુવીત ।
કસ્માદ્ધ્યસાવપહ્નુવીત ।
યત્પ્રાણં સર્વેશ્વરમયમહમસ્મીત્યાત્મત્વેનોપગતઃ ॥4॥
ઇતિ ચ્છાન્દોગ્યોપનિષદિ સપ્તમાધ્યાયસ્ય પઞ્ચદશઃ ખણ્ડઃ
સ્તર્ત્ છુપ્ 7,16.1
એષ તુ વા અતિવદતિ યઃ સત્યેનાતિવદતિ ।
સો ઽહં ભગવઃ સત્યેનાતિવદાનીતિ ।
સત્યં ત્વેવ વિજિજ્ઞાસિતવ્યમ્ ઇતિ ।
સત્યં ભગવો વિજિજ્ઞાસ ઇતિ