છાંદોગ્યોપનિષદ (ટીકા સહિત) · અધ્યાય 7.10

છુપ્ભ્_7,9.2 ફલં ચાન્નવતઃ પ્રભૂતાન્નાન્વૈ સ લોકાન્પાનવતઃ પ્રભૂતોદકાંશ્ચાન્નપાનયોર્નિત્યસંબન્ધાલ્લોકાનભિસિ ધ્યતિ ।
સમાનમન્યત્ ॥2॥
ઇતિ ચ્છાન્દોગ્યોપનિષદિ સપ્તમાધ્યાયસ્ય નવમઃ ખણ્ડઃ
=======================================================================
સ્તર્ત્ છુપ્ 7,10.1
આપો વાવાન્નાદ્ ભૂયસ્યઃ ।
તસ્માદ્ યદા સુવૃષ્ટિર્ ન ભવતિ વ્યાધીયન્તે પ્રાણા અન્નં કનીયો ભવિષ્યતીતિ ।
અથ યદા સુવૃષ્ટિર્ ભવત્ય્ આનન્દિનઃ પ્રાણા ભવન્ત્ય્ અન્નં બહુ ભવિષ્યતીતિ ।
આપ એવેમા મૂર્તા યેયં પૃથિવી યદ્ અન્તરિક્ષં યદ્ દ્યૌર્ યત્ પર્વતા યદ્ દેવમનુષ્યા યત્ પશવશ્ ચ વયાંસિ ચ તૃણવનસ્પતયઃ શ્વાપદાન્ય્ આકીટપતઙ્ગપિપીલકમ્ ।
આપ એવેમા મૂર્તાઃ ।
અપ ઉપાસ્સ્વેતિ

છુપ્ભ્_7,10.1 આપો વાવાન્નાદ્ભૂયસ્યો ઽન્નકારણત્વાત્ ।
યસ્માદેવં તસ્માદ્યદા યસ્મિન્કાલે સુવૃષ્ટિઃ સસ્યહિતા શોભના વૃષ્ટિર્ન ભવતિ તદા વ્યાધીયન્તે પ્રાણા દુઃખિનો ભવન્તિ ।
કિંનિમિત્તમિત્યાહાન્નમસ્મિન્સંવત્સરે નઃ કનીયો ઽલ્પતરં ભવિષ્યતીતિ ।
અથ પુનર્યદા સુવૃષ્ટિર્ભવતિ તદાઽનન્દિનઃ સુખિનો હૃષ્ટાઃ પ્રાણાઃ પ્રાણિનો ભવન્ત્યન્તં બહુ પ્રભૂતં ભવિષ્યતીતિ ।
અપ્સંભવત્વાન્મૂર્તસ્યાન્નસ્યાઽપ એવેમા મૂર્તામૃર્તભેદાકારપરિણતા ઇતિ મૂર્તા યેયં પૃથિવી યદન્તરિક્ષમિત્યાદિ ।
આપ એવેમા મૂર્તા અતો ઽપ ઉપાઃસ્વેતિ ॥1 ॥
સ્તર્ત્ છુપ્ 7,10.2
સ યો ઽપો બ્રહ્મેત્ય્ ઉપાસ્તે ।
આપ્નોતિ સર્વાન્ કામાંસ્ તૃપ્તિમાન્ ભવતિ ।
યાવદ્ અપાં ગતં તત્રાસ્ય યથાકામચારો ભવતિ યો ઽપો બ્રહ્મેત્ય્ ઉપાસ્તે ।
અસ્તિ ભગવો ઽદ્ભ્યો ભૂય ઇતિ ।
અદ્ભ્યો વાવ ભૂયો ઽસ્તીતિ ।
તન્ મે ભગવાન્ બ્રવીત્વ્ ઇતિ