છાંદોગ્યોપનિષદ (ટીકા સહિત) · અધ્યાય 2.12

છુપ્ભ્_2,11.2 સ ય એવમેતદ્ગાયત્રં પ્રાણેષુ પ્રોતં વેદ પ્રાણી ભવતિ ।
અવિકલકરણો ભવતીત્યેતત્ ।
સર્વમાયુરેતિ ।
શતં વર્ષણિ સર્વમાયુઃ પુરુષસ્યેતિ શ્રુતેઃ ।
જ્યોગુજ્જ્વલં જીવતિ ।
મહાન્ભવતિ પ્રજાદિભિર્મહાંશ્ચ કીર્ત્યા ।
ગાયત્રોપાસકસ્યૈતદ્વ્રતં ભવતિ યન્મહામનાસ્ત્વક્ષુદ્રચિત્તઃ સ્યાદિત્યર્થઃ ॥2॥
ઇતિ છાન્દોગ્યોપનિષદિ દ્વિતીયાધ્યાયસ્યૈકાદશઃ ખણ્ડઃ
=======================================================================
સ્તર્ત્ છુપ્ 2,12.1
અભિમન્થતિ સ હિઙ્કારઃ ।
ધૂમો જાયતે સ પ્રસ્તાવઃ ।
જ્વલતિ સ ઉદ્ગીથઃ ।
અઙ્ગારા ભવન્તિ સ પ્રતિહારઃ ।
ઉપશામ્યતિ તન્ નિધનમ્ ।
સંશામ્યતિ તન્ નિધનમ્ ।
એતદ્ રથંતરમ્ અગ્નૌ પ્રોતમ્

છુપ્ભ્_2,12.1 અભિમન્થતિ સ હિઙ્કારઃ પ્રાથમ્યાત્ ।
અગ્નેર્ધૂમો જાયતે સ પ્રસ્તાવ આનન્તર્યાત્ ।
જ્વલતિ સ ઉદ્ગીથો હવિઃ સમ્બન્ધાચ્છ્રૈષ્ઠ્યં જ્વલનસ્ય ।
અઙ્ગારા ભવન્તિ સ પ્રતિહારો ઽઙ્ગારાણાં પ્રતિહૃતત્વાત્ ।
ઉપશમઃ સાવશેષત્વાદગ્નેઃ ।
સંશમો નિઃશેષોપશમઃ સમાપ્તિસામાન્યાન્નિધનમેતદ્રથન્તર મગ્નૌ પ્રોતમ્ ।
મન્થને હ્યગ્નેર્ગીયતે ॥1 ॥
સ્તર્ત્ છુપ્ 2,12.2
સ ય એવમ્ એતદ્ રથંતરમ્ અગ્નૌ પ્રોતં વેદ ।
બ્રહ્મવર્ચસ્ય્: અન્નાદો ભવતિ ।
સર્વમ્ આયુર્ એતિ ।
જ્યોગ્ જીવતિ ।
મહાન્ પ્રજયા પશુભિર્ ભવતિ ।
મહાન્ કીર્ત્યા ।
ન પ્રત્યઙ્ઙ્ અગ્નિમ્ આચામેન્ ન નિષ્ઠીવેત્ ।
તદ્ વ્રતમ્