છાંદોગ્યોપનિષદ (ટીકા સહિત) · અધ્યાય 2.11

છુપ્ભ્_2,10.6 ઉક્તસ્યૈવ પિણ્ડિતાર્થમાહ-એકવિંશતિસંખ્યયાઽદિત્યસ્ય જયમાપ્નોતિ પરો હાસ્યૈવંવિદ આદિત્યજયાન્મૃત્યુગોચરાત્પરો જયો ભવતિ દ્વાવિંશત્યક્ષરસંખ્યયેત્યર્થઃ ।
ય એતદેવં દ્વાનિતિક્યાદ્યુક્તાર્થમ્ ।
તસ્યૈતદ્યથોક્તં ફલમિતિ દ્વિરભ્યાસઃ સાપ્તવિધ્યસમાપ્ત્યર્થઃ ॥6॥
ઇતિ છાન્દોગ્યોપનિષદિ દ્વિતીયાધ્યાયસ્ય દશમઃ ખણ્ડઃ
=======================================================================
સ્તર્ત્ છુપ્ 2,11.1
મનો હિઙ્કારઃ ।
વાક્ પ્રસ્તાવઃ ।
ચક્ષુર્ ઉદ્ગીથઃ ।
શ્રોત્રં પ્રતિહારઃ ।
પ્રાણો નિધનમ્ ।
એતદ્ ગાયત્રં પ્રાણેષુ પ્રોતમ્

છુપ્ભ્_2,11.1 વિના નામગ્રહણં પઞ્ચવિધસ્ય સપ્તવિધસ્ય ચ સામ્ન ઉપાસનમુક્તમ્ ।
અથેદાનીં ગાયત્રાદિનામગ્રહણપૂર્વકં વિશિષ્ટફલાનિ સામોપાસનાન્તરાણ્યુચ્યન્તે યથાક્રમં ગાયત્રાદીનાં કર્મણિ પ્રયોગસ્તથૈવ ।
મનો હિઙ્કારો મનસઃ સર્વકરણપ્રવૃત્તીનાં પ્રાથમ્યાત્ ।
તદાનન્તર્યાદ્વાક્પ્રસ્તાવશ્ચક્ષુરુદ્ગીથઃ શ્રૈષ્ઠ્યાત્ ।
શ્રોત્રં પ્રતિહારઃ પ્રતિહૃતત્વાત્ ।
પ્રાણો નિધનં યથોક્તાનાં પ્રાણે નિધનાત્સ્વાપકાલે ।
એતદ્ગાયત્રં સામ પ્રાણેષુ પ્રોતમ્ ।
ગાયત્ર્યાઃ પ્રાણસંસ્તુતત્વાત્ ॥1 ॥
સ્તર્ત્ છુપ્ 2,11.2
સ ય એવમ્ એતદ્ ગાયત્રં પ્રાણેષુ પ્રોતં વેદ ।
પ્રાણી ભવતિ ।
સર્વમ્ આયુર્ એતિ ।
જ્યોગ્ જીવતિ ।
મહાન્ પ્રજયા પશુભિર્ ભવતિ ।
મહાન્ કીર્ત્યા ।
મહામનાઃ સ્યાત્ ।
તદ્ વ્રતમ્