છાંદોગ્યોપનિષદ (ટીકા સહિત) · અધ્યાય 2.13

છુપ્ભ્_2,12.2 સ ય ઇત્યાદિ પૂર્વવત્ ।
બ્રહ્મવર્ચસી વૃત્તસ્વાધ્યાયનિમિત્તં તેજો બ્રહ્મવર્તસમ્ ।
તેજસ્તુ કેવલં ત્વિડ્ભાવઃ ।
અન્નાદો દીપ્તાગ્નિઃ ।
ન પ્રત્યઙ્ઙગ્નેરભિમુખો નાઽચામેન્ન ભક્ષયેત્કિઞ્ચિન્ન નિષ્ઠીવેચ્છ્લેષ્મનિરસનં ચ ન કુર્યાત્તદ્વ્રતમ્ ॥2॥
ઇતિ છાન્દોગ્યોપનિષદિ દ્વિતીયાધ્યાયસ્ય દ્વાદશઃ ખણ્ડઃ
=======================================================================
સ્તર્ત્ છુપ્ 2,13.1
ઉપમન્ત્રયતે સ હિઙ્કારઃ ।
જ્ઞપયતે સ પ્રસ્તાવઃ ।
સ્ત્રિયા સહ શેતે સ ઉદ્ગીથઃ ।
પ્રતિ સ્ત્રીં સહ શેતે સ પ્રતિહારઃ ।
કાલં ગચ્છતિ તન્ નિધનમ્ ।
પારં ગચ્છતિ તન્ નિધનમ્ ।
એતદ્ વામદેવ્યં મિથુને પ્રોતમ્

છુપ્ભ્_2,13.1 ઉપમન્ત્રયતે સઙ્કેતં કરોતિ પ્રાથમ્યાત્સ હિઙ્કારઃ ।
જ્ઞપયતે તોષયતિ સ પ્રસ્તાવઃ ।
સહશયનમેકપર્યઙ્કગમનં સ ઉદ્ગીથઃ શ્રૈષ્ઠ્યાત્ ।
પ્રતિ સ્રીં શયનં સ્રિયા અભિમુખીભાવઃ સ પ્રતિહારઃ ।
કાલં ગચ્છતિ મૈથુનેન પારં સમાપ્તિં ગચ્છતિ તન્નિધનમેતદ્વામદેવ્યં મિથુને પ્રોતમ્ ।
વાય્વમ્બુમિથુનસમ્બન્ધાત્ ॥1 ॥
સ્તર્ત્ છુપ્ 2,13.2
સ ય એવમ્ એતદ્ વામદેવ્યં મિથુને પ્રોતં વેદ ।
મિથુની ભવતિ ।
મિથુનાન્ મિથુનાત્ પ્રજાયતે ।
સર્વમ્ આયુર્ એતિ ।
જ્યોગ્ જીવતિ ।
મહાન્ પ્રજયા પશુભિર્ ભવતિ ।
મહાન્ કીર્ત્યા ।
ન કાંચન પરિહરેત્ ।
તદ્ વ્રતમ્