બૃહત્પારાશરહોરાશાસ્ત્રમ્ · અધ્યાય 95

અથ ત્રીતરજન્મશાન્ત્યધ્યાયઃ

અથાઽન્યત્ સંપ્રવક્ષ્યામિ જન્મદોષપ્રદં દ્વિજ ।
સુતત્ર્યે સુતાજન્મ તત્ત્રયે સુતજન્મ ચેત્

તદાઽરિષ્ટભયં જ્ઞેયં પિતૃમાતૃકુલદ્વયે ।
તત્ર શાન્તિવિધિં કુર્યાદ્ વિત્તશાઠ્યવિવર્જિતઃ

સૂતકાન્તેઽથ વા શુદ્ધે સમયે ચ શુભે દિને ।
આચાર્યમૃત્વિજો વૃત્વા ગ્રહયજ્ઞપુરસ્સરમ્

બ્રહ્મવિષ્ણુ મહેશેન્દ્રપ્રતિમાઃ સ્વર્ણજાઃ શુભાઃ ।
પૂજયેદ્ ધાન્યરાશિસ્થકલશોપરિ ભક્તિતઃ

ચત્વારિ રુદ્રસૂક્તાનિ શાન્તિસૂક્તાનિ સર્વશઃ ।
વિપ્ર એકો જપેદ્ હોમકાલે ચ સુચિસંયતઃ

આચાર્યો જુહુયાત્તત્ર સમિદાજ્યતિલાંશ્ચરુમ્ ।
અષ્ટોત્તરં સહસ્રં વા શતં વાઽષ્ટૌ ચ વિંશતિમ્

બ્રહ્માદિસર્વદેવેભ્યઃ સ્વસ્વગૃહ્યોક્તમન્ત્રતઃ ।
તતઃ સ્વિષ્ટકૃતં હુત્વા બલિં પૂર્ણાહુતિં પુનઃ

અભિષેકં ચ જાતસ્ય સકુટુમ્બસ્ય કારયેત્ ।
ઋત્વિગ્ભ્યો દક્ષિણાં દદ્યાદ્ બ્રાહ્મણાંશ્ચાપિ ભોજયેત્

કાંસ્યાજ્યવીક્ષણં કૃત્વા દીનાનાથાંશ્ચ તર્પયેત્ ।
એવં શાન્ત્યા ચ મૈત્રેય સર્વારિષ્ટં વિલીયતે