બૃહત્પારાશરહોરાશાસ્ત્રમ્ · અધ્યાય 87

અથ કૃષ્ણચતુર્દશીજન્મ શાન્ત્યધ્યાયઃ

કૃષ્ણપક્ષચતુર્દશ્યાઃ ષડ્ભાગેષુ ફલં ક્રમાત્ ।
જન્મ ચેત્ પ્રથમે ભાગે તદા જ્ઞેયં શુભં દ્વિજ

દ્વિતીયે પિતરં હન્તિ માતરં ચ તૃતીયકે ।
ચતુર્થે માતુલં ચૈવ પઞ્ચમે વંશનાશનમ્

ષષ્ઠે તુ ધનનાશઃ સ્યાદાત્મનો નાશ એવ વા ।
તદ્દોષપરિહારાર્થં શાન્તિં કુર્યાદ્ પ્રયત્નતઃ

શિવસ્ય પ્રતિમાં કુર્યાત્ સૌવર્ણીં કર્ષસમ્મિતામ્ ।
તદર્ધાર્ધમિતાં વાઽપિ યથાવિત્તં મનોહરામ્

બાલચન્દ્રકિરીટાઞ્ચ શ્વેતમાલ્યામ્બરાન્વિતામ્ ।
ત્રિનેત્રાં ચ વૃષાસીનાં વરાભયકરામથ

ત્રયમ્બકં ચેતિ મન્ત્રેણ પૂજાં કુર્યાદતન્દ્રિતઃ ।
આવાહ્ય વારુણૈર્મન્ત્રૈરાચાર્યો મન્ત્રતત્ત્વવિત્

ઇમં મે વરુણે ત્યેવં તત્ત્વા યામી ત્યૃચા પુનઃ ।
ત્ત્વન્ન અગ્ને ઇત્યનયા સત્વં નો ઇત્યૃચાપિ ચ

આગ્નેયં કુમ્ભમારભ્ય પૂજયેદ્ ભક્તિતઃ ક્રમાત્ ।
આ નોભદ્રેતિ સૂક્તં ચ ભદ્રા અગ્નેશ્ચ સૂક્તકમ્

જપ્ત્વા પુરુષસૂક્તં ચ કન્દ્રુદ્રેતિ તથા જપેત્ ।
શઙ્કરસ્યાઽભિષેકં ચ ગ્રહપૂજાં ચ કારયેત્

સમિદાજ્યચરૂંશ્ચૈવ તિલમાષાંશ્ચ સર્પપાન્ ।
અશ્વસ્થલ્પક્ષપાલાસખાદિરાઃ સમિધઃ શુભાઃ

અષ્ટોત્તરશતં વહ્નૌ જુહુયાદ્ વિધિપૂર્વકમ્ ।
અષ્ટવિંશતિસંખ્યા વા હોમં કુર્યાત્ પૃથક્ પૃથક્

મન્ત્રેણ ત્ર્યમ્બકેનાથ તિલાન્ વ્યાહૃતિભિસ્તથા ।
ગ્રહહોમં ચ વિધિવત્ કુર્યાદ્ ક્ષેમં તતો ભવેત્

અભિષેકં ચ જાતસ્ય તત્પિત્રોશ્ચાપિ મન્ત્રવિત્ ।
કુર્યાત્ તતો યથાશક્તિ બ્રાહ્મણાન્ ભોજયેત્ સુધીઃ