બૃહત્પારાશરહોરાશાસ્ત્રમ્ · અધ્યાય 72

અથ સમુદાયાષ્ટકવર્ગાધ્યાયઃ

દ્વાદશારં લિખેચ્ચકં જન્મલગ્નાદિભૈર્યુતમ્ ।
સર્વાષ્ટકફલાન્યત્ર સંયોજ્ય પ્રતિભં ન્યસેત્

સમુદાયાભિધાનોઽયમષ્ટવર્ગઃ પ્રકથ્યતે ।
અતઃ ફલાનિ જાતાનાં વિજ્ઞેયાનિ દ્વિજોત્તમ

ત્રિંશાધિકફલા યે સ્યૂ રાશયસ્તે શુભપ્રદાઃ ।
પઞ્ચવિંશાદિત્રિંશાન્તફલા મધ્યફલા સ્મૃતાઃ

અતઃ ક્ષીણફલા યે તે રાશયઃ કષ્ટદુઃખદા ।
શુભે શ્રેષ્ઠફલાન્ રાશીન્ યોજયેન્મતિમાન્નરઃ

કષ્ટરાશીન્ સુકાર્યેષુ વર્જયેદ્ દ્વિજસત્તમ ।
શ્રેષ્ઠરાશિગતઃ ખેટઃ શુભોઽન્યત્રાઽશુભપ્રદઃ

તન્વાદિવ્યયપર્યન્તં દૃષ્ટ્વા ભાવ્ફલાનિ વૈ ।
અધિકે શોભનં જ્ઞેયં હીને હાનિં વિનિર્દિશેત્

મધ્યે મધ્યફલં બ્રૂયાદ્ તત્તદ્ભાવસમુદ્ભવમ્ ।
મધ્યાત્ ફલાધિકે લાભો લાભાત્ ક્ષીણગતોવ્યયઃ

લગ્નં ફલાધિકં યસ્ય ભોગવાનર્થવાન્ હિ સઃ ।
વિપરીતેન દારિદ્ર્યં ભવત્યેવ ન સંશયઃ

દશાવદિહ ભાવાનાં કૃત્વા ખંડત્રયં બુધઃ ।
પશ્યેત્ પાપસમારૂઢં ખંડે કષ્ટકરં વદેત્

સૌમ્યૈર્યુક્તં શુભં બ્રૂયાન્મિશ્રૈર્મિશ્રફલં યથા ।
ક્રમાદ્ બાલ્યાદ્યવસ્થાસુ ખંડત્રયફલં વદેત્

રેખાભિઃ સપ્તભિર્યુક્તે માસેમૃત્યુભયં નૃણામ્ ।
સુવર્ણં વિંશતિપલં દદ્યાત્ દ્વૌ તિલપર્વતૌ

રેખાભિરષ્ટભિર્યુક્તે માસે મૃત્યુબશો નરઃ ।
અસત્ફલવિનાશાય દદ્યાત્ કર્પૂરજાં તુલામ્

રેખાભિર્મવભિયુક્તે માસે સર્પભયં વદેત્ ।
અશ્વૈશ્ચતુર્ભિઃ સંયુક્તં રથં દદ્યાચ્છુભાપ્તયે

રેખાભિર્દશભિર્યુક્તે માસે શસ્ત્રભયં તથા ।
દદ્યાચ્છુભફલાવાપ્ત્યૈ કવચં વજ્રસંયુતમ્

અભિશાપભયં યત્ર રેખા રુદ્રસમા દ્વિજ ।
દિક્પલસ્વર્ણઘટિતાં પ્રદદ્યાત્ પ્રતિમાં વિધોઃ

યુક્તે દ્વાદશરેખાભિર્જલે મૃત્યુભયં વદેત્ ।
સશસ્યભૂમિઃ વિપ્રાય દત્વા શુભફલં ભવેત્

વિશ્વપ્રમિતરેખાભિર્વ્યાઘ્રાન્મૃત્યુભયં તથા ।
વિષ્ણોર્હિરણ્યગર્ભસ્ય દાનં કુર્યાચ્ચુભાપ્તયે

શત્રપ્રમિતરેખાભિર્યુક્તે માસે મૃતેર્ભયમ્ ।
વરાહપ્રતિમાં દદ્યાત્ કનકેન વિનિર્મિતામ્

તિથિતિશ્ચ નૃપાદ્ ભીતિર્દદ્યાત્ તત્ર ગજં દ્વિજ ।
રિષ્ટં ષોડશભિર્દદ્યાત્ મૂર્તિં કલ્પતરોસ્તથા

સપ્તેન્દુભિર્વ્યાધિભયં દદ્યાત્ ધેનું ગુડં તથા ।
કલહોઽષ્ટેન્દુભિર્દદ્યાદ્ રત્નગોભૂરિરણ્યકમ્

અઙ્કેન્દુભિઃ પ્રવાસઃ સ્યાચ્છાન્તિં કુર્યાદ્ વિધાનતઃ ।
વિંશત્યા બુદ્ધિનાશઃ સ્યાદ્ ગણેશં તત્ર પૂજયેત્

રોગપીડૈકવિંશત્યા દદ્યાદ્ ધાન્યસ્ય પર્વતમ્ ।
યમાશ્વિભિર્બન્ધુપીડા દદ્યાદાદર્શકં દ્વિજ

ત્રયોવિંશત્રિસંયુક્તે માસે ક્લેશમવાપ્નુયાત્ ।
સૌવર્ણીં પ્રતિમાં દદ્યાદ્રવેઃ સપ્તપલૈર્બુધઃ

વેદાશ્વિભિર્બન્ધુહીનો દદ્યાદ્ ગિદશકં નૃપઃ ।
સર્વરોગવિનાશાર્થં જપહોમાદિકં ચરેત્

ધીહાનિઃ પઞ્ચવિંશત્યા પૂજ્યા વાગીશ્વરી તદા ।
ષડ્વિંશત્યાઽર્થહાનિઃ સ્યાત્ સ્વર્ણં દદ્યાદ્વિચક્ષણઃ

તથા ચ સપ્તવિંશત્યા શ્રીસુક્તં તત્ર સંજપેત્ ।
અષ્ટવિંશતિસંયુક્તે માસે માસે હાનિશ્ચ સર્વથા

સૂર્યહોમશ્ચ વિધિના કર્ત્તવ્યઃ શુભકાંક્ષિભિઃ ।
એકોનત્રિંશતા ચાપિ ચિન્તવ્યાકુલિતો ભવેત્

ઘૃતવસ્ત્રસુવર્ણાનિ તત્ર દદ્યાત્ વિચક્ષણઃ ।
ત્રિંશતા પૂર્ણધાન્યાપ્તિરિતિ જાતકનિર્ણયઃ

ત્રિંશાધિકામી રેખાભિર્ધનપુત્રસુખાપ્તયઃ ।
ચત્વારિંશાધિકાભિશ્ચ પુણ્યશ્રીરુપચીયતે

અષ્ટવર્ગેણ યે શુદ્ધાસ્તે શુદ્ધાઃ સર્વકર્મસુ ।
અતોઽષ્ટવર્ગસંશુદ્ધિરનેષ્યા સર્વકર્મસુ

તાવદ્ગોચરમન્વેષ્યં યાવન્ન પ્રાપ્યતેઽષ્ટકમ્ ।
અષ્ટવર્ગે તુ સમ્પ્રાપ્તે ગોચરં વિફલં ભવેત્