બૃહત્પારાશરહોરાશાસ્ત્રમ્ · અધ્યાય 41

અથ વિશેષધનયોગાઽધ્યાયઃ

અથાઽતઃ સંપ્રવક્ષ્યામિ ધનયોગં વિશેષતઃ ।
યસ્મિન્ યોગે સમુત્પન્નો નિશ્ચિતો ધનવાન્ ભવેત્

પણ્ચમે ભૃગુજક્ષેત્રે તસ્મિન્ શુક્રેણ સંયુતે ।
લાભે ભૌમેન સંયુક્તે બહુદ્રવ્યસ્ય નાયકઃ

પંચમે તુ બુધક્ષેત્રે તસ્મિન્ બુધયુતો સતિ ।
ચન્દ્રે ભૌમે ગુરૌ લાભે બહુદ્રવ્યસ્ય નાયકઃ

પણ્ચમે ચ રવિક્ષેત્રે તસ્મિન્ રવિયુતે સતિ ।
લાભે શનીન્દુજીવાઢ્યે બહુદ્રવ્યસ્ય નાયકઃ

પંચમે તુ શનિક્ષેત્રે તસ્મિન્ શનિયુતે સતિ ।
લાભે રવીન્દુસંયુક્તે બહુદ્રવ્યસ્ય નાયકઃ

પંચમે તુ ગુરુક્ષેત્રે તસ્મિન્ ગુરુયુતે સતિ ।
લાભે ચન્દ્રસુતે જાતો બહુદ્રવ્યસ્ય નાયકઃ

પંચમે તુ કુજક્ષેત્રે તસ્મિન્ કુજયુતે સતિ ।
લાભસ્થે ભૃગુપુત્રે તુ બહુદ્રવ્યસ્ય નાયકઃ

પંચમે તુ શશિક્ષેત્રે તસ્મિન્ શશિયુતે સતિ ।
શનૌ લાભસ્થિતે જાતો બહુદ્રવ્યસ્ય નાયકઃ

ભાનુક્ષેત્રગતે લગ્ને તસ્મિન્ ભાનુયુતે પુનઃ ।
ભૌમેન ગુરુણા યુક્તે દૃષ્ટે જાતો યુતો ધનૈઃ

ચન્દ્રક્ષેત્રગતે લગ્ને તસ્મિન્ ચન્દ્રયુતે સતિ ।
બુધેન ગુરુણા યુક્તે દૃષ્ટે જાતો ધની ભવેત્

ભૌમક્ષેત્રે ગતે લગ્ને તસ્મિન્ ભૌમેન સંયુતે ।
સૌમ્યશુક્રાર્કજૈર્યુક્તે દૃષ્ટે શ્રીમાન્નરો ભવેત્

બુધક્ષેત્રગતે લગ્ને તસ્મિન્ બુધયુતે સતિ ।
શનિજીવયુતે દૃષ્ટે જાતો ધનયુતો ભવેત્

ગુરુક્ષેત્રગતે લગ્ને તસ્મિન્ ગુરુયુતે સતિ ।
બુધભૌમયુતે દૃષ્ટે જાયતે ધનવાન્નરઃ

ભૃગુક્ષેત્રગતે લગ્ને તસ્મિન્ ભૃગુયુતે સતિ ।
શનિસૌમ્યયુતે દૃષ્ટે યો જાતઃ સ ધની ભવેત્

શનિક્ષેત્રગતે લગ્ને તસ્મિન્ શનિયુતે સતિ ।
ભૌમેન ગુરુણા યુક્તે દૃષ્ટે જાતો ધનૈર્યુતઃ

ધનદૌ ધર્મધીનાથૌ યે વા તાભ્યાં યુતા ગ્રહાઃ ।
તેઽપિ સ્વસ્વદશાકાલે ધનદા નાઽત્ર સંશયઃ

ગ્રહાણામુક્તયોગેષુ ક્રૂરસૌમ્યવિભાગતઃ ।
બલાબલવિવેકેન ફલમૂહ્યં વિચક્ષણૈઃ

કેન્દ્રેશઃ પારિજાતસ્થસ્તદા દાતા ભવેન્નરઃ ।
ઉત્તમે હ્યુત્તમો દાતા ગોપુરે પુરુષત્વયુક્

સિંહાસને ભવેન્માન્યઃ શૂરઃ પારાવતાંશકે ।
સભાધ્યક્ષો દેવલોકે બ્રહ્મલોકે મુનિર્મત ।
ઐરાવતાંશકે તૃષ્ટો દિગ્યોગો નૈવ જાયતે

પારિજાતે સુતાધીશે વિદ્યા ચૈવ કુલોચિતા ।
ઉત્તમે ચોત્તમા જ્ઞેયા ગોપુરે ભુવનાંકિતા

સિંહાસને તથા વાચ્યા સાચિવ્યેન સમન્વિતા ।
પારાવતે ચ વિજ્ઞેયા બ્રહ્મવિદ્યા દ્વિજોત્તમ

સુતેશે દેવલોકસ્થે કર્મયોગશ્ચ જાયતે ।
ઉપાસના બ્રહ્મલોકે ભક્તિસ્ત્વરાવતાંશકે

ધર્મેશે પારિજાતસ્થે તીર્થકૃત્ત્વત્ર જન્મનિ ।
પૂર્વજન્મન્યપિ જ્ઞેયસ્તીર્થકૃચ્ચોત્તમાંશકે

ગૌપુરે મખકર્તા ચ પરે ચૈવાઽત્ર જન્મનિ ।
સિંહાસને ભવેદ્વીરઃ સત્યવાદી જિતેન્દ્રિયઃ

સર્વધર્માન્ પરિત્યજ્ય બ્રહ્મૈકપદમાશ્રિતઃ ।
પારવતે ચ પરમો હંઅશ્ચૈવાત્ર જન્મનિ

લગુડી વા ત્રિદણ્ડી સ્યાદ્દેવલોકે ન સંશયઃ ।
બ્રહ્મલોકે શક્રતદં યાતિ કૃત્વાઽશ્વમેધકમ્

ઐરાવતે તુ ધર્માત્મા સ્વયં ધર્મો ભવિષ્યતિ ।
શ્રીરામઃ કુન્તિપુત્રાદ્યો યથા જાતો દ્વિજોત્તમ

વિષ્ણુસ્થાનં ચ કેન્દ્રં સ્યાલ્લક્ષ્મીસ્થાનં ત્રિકોણકમ્ ।
તદીશયોશ્ચ સમ્બન્ધાદ્રાજયોગઃ પુરોદિતઃ

પારિજાતે સ્થિતૌ તૌ ચેન્નૃપો લોકાનુરક્ષકઃ ।
ઉત્તમે ચોત્તમો ભૂપો ગજવાજિરથાદિમાન્

ગોપુરે નૃપશાર્દૂલઃ પૂજિતાંધ્રિર્નૃપૈર્ભવેત્ ।
સિંહાસને ચક્રવર્તી સર્વભૂમિપ્રપાલકઃ

અસ્મિન્ યોગે હરિશ્ચન્દ્રો મનુશ્ચૈવોત્તમસ્તથા ।
બલિર્વૈશ્વાનરો જાતસ્તથાન્યે ચક્રવર્તિનઃ

વર્તમાનયુગે જાતસ્તથા રાજા યુધિષ્ઠિરઃ ।
ભવિતા શાલિવાહાદ્યસ્તથૈવ દ્વિજસત્તમ

પારાવતાંશકેઽપ્યેવં જાતા મન્વાદયસ્તથા ।
વિષ્ણોઃ સર્વેઽવતારાશ્ચ જાયન્તે દેવલોકકે

બ્રહ્મલોકકે તુ બ્રહ્માદ્યા જાયન્તે વિશ્વપાલકાઃ ।
ઐરાવતાંશકે જાતઃ પૂર્વ સ્વાયંભુવો મનુઃ