બૃહદારણ્યકોપનિષદ (ટીકા સહિત) · અધ્યાય 5.12

બ્ર્હુપ્ભ્_5,11.1 એતદ્વૈ પરમં તપઃ ।
કિં તત્ ।
યદ્યાહિતો વ્યાધિતો જ્વરાદિપરિગૃહીતઃ સન્યત્તપ્યતે તદેતત્પરમં તપ ઇત્યેવં ચિન્તયેત્ ।
દુઃખસામાન્યાત્ ।
તસ્યૈવં ચિન્તયતો વિદુષઃ કર્મક્ષયહેતુસ્તદેવ તપો ભવત્યનિન્દતો ઽવિષીદતઃ ।
સ એવ ચ તેન વિજ્ઞાનતપસા દગ્ધકિલ્બષઃ પરમં હૈવ લોકં જયતિ ય એવં વેદ ।
તથૈતદ્વૈ પરમં તપો યં પ્રેતમગ્નાવભ્યાદધતિ ।
અગ્નિપ્રવેશસામાન્યાત્ ।
પરમં હૈવ લોકં જયતિ ય એવં વેદ ॥1॥
ઇતિ શ્રીમદ્બૃહદારણ્યકોપનિષદ્ભાષ્યે પઞ્ચમાધ્યાયસ્યૈકાદશં બ્રાહ્મણમ્ ॥11॥
સ્તર્ત્ બ્ર્હુપ્ 5,12.1
અન્નં બ્રહ્મેત્ય્ એક આહુઃ ।
તન્ ન તથા ।
પૂયતિ વા અન્નમ્ ઋતે પ્રાણાત્ ।
પ્રાણો બ્રહ્મેત્ય્ એક આહુઃ ।
તન્ ન તથા ।
શુષ્યતિ વૈ પ્રણ ઋતે ઽન્નાત્ ।
એતે હ ત્વ્ એવ દેવતે એકધાભૂયં ભૂત્વા પરમતાં ગચ્છતઃ ।
તદ્ ધ સ્માહ પ્રાતૃદઃ પિતરમ્ ।
કિં સ્વિદ્ એવૈવં વિદુષે સાધુ કુર્યાં કિમ્ એવાસ્મા અસાધુ કુર્યામ્ ઇતિ ।
સ હ સ્માહ પાણિના મા પ્રાતૃદ ।
કસ્ ત્વ્ એનયોર્ એકધાભૂયં ભૂત્વા પરમતાં ગચ્છતીતિ ।
તસ્મા ઉ હૈતદ્ ઉવાચ વીતિ ।
અન્નં વૈ વિ ।
અન્ને હીમાનિ સર્વાણિ ભૂતાનિ વિષ્ટાનિ ।
રમ્ ઇતિ ।
પ્રાણો વૈ રમ્ ।
પ્રાણે હીમાનિ સર્વાણિ ભૂતાનિ રમન્તે ।
સર્વાણિ હ વા અસ્મિન્ ભૂતાનિ વિશન્તિ ।
સર્વાણિ ભૂતાનિ રમન્તે ય એવં વેદ