બૃહદ્યમસ્મૃતિ · અધ્યાય 2

ન ટીં શૈલૂષિકાં ચૈવ રજકીં વેણુજીવિનીમ્ ।
ગત્વા ચાન્દ્રાયણં કુર્યાત્ તથા ચર્મોપજીવિનીમ્ ॥

કાપાલિકાન્નભોક્તૄણાં તનયાગામિનાં તથા ।
અજ્ઞાનાત્ કૃચ્છ્રમ્ ઉદ્દિષ્ટં જ્ઞાત્વા ચૈવ વ્રતદ્વયમ્ ॥

સુરાયાઃ સંપ્રપાનેન ગોમાંસભક્ષણે કૃતે ।
તપ્તકૃચ્છ્રં ચરેદ્ વિપ્રો મૌઞ્જીહોમેન શુધ્યતિ ॥

ગોક્ષત્ત્રિયં તથા વૈશ્યં શૂદ્રં ચાપ્ય્ અનુલોમજમ્ ।
જ્ઞાત્વા વિશેષેણ તતશ્ ચરેચ્ ચાન્દ્રાયણં વ્રતમ્ ॥

કુક્કુટાણ્ડકમાત્રં તુ ગ્રાસં ચ પરિકલ્પયેત્ ।
અન્યથાભાવદોષેણ નવમે ઽતિ ચ શુધ્યહ્નિ ॥

એકૈકં વર્ધયેદ્ ગ્રાસં શુક્લે કૃષ્ણે ચ હ્રાસયેત્ ।
અમાયાં તુ ન ભુઞ્જીત એષ ચાન્દ્રાયણો વિધિઃ ॥

પ્રાયશ્ચિત્તમ્ ઉપક્રમ્ય કર્તા યદિ વિપદ્યતે ।
પૂતસ્ તદ્ અહરેદ્ વાપિ ઇહ લોકે પરત્ર ચ ॥

યાવદ્ એકઃ પૃથગ્ ભાવ્યઃ પ્રાયશ્ચિત્તં ન સેવતે ।
અપ્રશસ્તા ન તે સ્પૃશ્યાસ્ તે સર્વે ઽપિ વિગર્હિતાઃ ॥

અભોજ્યાશ્ ચાપ્રતિગ્રાહ્યા અસંપઙ્ક્ત્યાવિવાહિકાઃ ।
પૂયન્તે તુ વ્રતે ચીર્ણે સર્વે તે રિક્થભાગિનઃ ॥