બ્રહ્મવૈવર્ત પુરાણ · અધ્યાય 4.89

અથ નવાશીતિતમોઽધ્યાયઃ
શ્રીકૃષ્ણ ઉવાચ
ગચ્છ ગચ્છ ગૃહં ગચ્છ વ્રજરાજ વ્રજં વ્રજ ।
સર્વં તત્ત્વં ત્વયા જ્ઞાતં દૃષ્ટાશ્ચ મુનયઃ સુરાઃ

શ્રુતં મે ધન્યમાખ્યાનં નાનાખ્યાનં સુદુર્લભમ્ ।
દુર્ગાયાઃ સ્તોત્રરાજં ચ જન્મપાશનિકૃન્તનમ્

સ્થિતં તતે નિગદિતં હર્ષેણ ચ સુખેન ચ ।
મત્કૃતં બાલભાવેન ચાપરાદ્ધં ચ તત્ક્ષણમ્

યત્સુખં ન કૃતં તાત પિત્રોશ્ચ નૃપમન્દિરે ।
કૃતં સુખં તત્પરં ચ સ્વર્ગાદપિ સુદુર્લભમ્

મદીયં પ્રિયવાક્યં ચ પ્રહ્વત્વં વિનયં નયમ્ ।
પરિહાસં બહતરં યશોદાં ગોપિકાગણમ્

બાલકાનાં સમૂહં ચ રાધાં ચાપિ વિશેષતઃ ।
એકત્ર ચ સ્થિતં તેષુ બન્ધુવર્ગેષુ કર્મણા

ઇહૈવાપિ સુખં ભુક્ત્વા ગચ્છ ગોલોકમુત્તમમ્ ।
સાર્ધ યશોદયા તાત રોહિણ્યા ગોપિકાગણૈઃ

ગોપાનાં બાલકૈઃ સાર્ધં વૃષભાનેન ગોપકૈઃ ।
રાધામાત્રા કલાવત્યા રાધયા સહ યાસ્યસિ

રથાનાં શતલક્ષં ચ ગોલોકાદાગતં પિતઃ ।
અમૂલ્યરત્નનિર્માણં હીરહારપરિષ્કૃતમ્

મણિમાણિક્યમુક્તાનાં માલાજાલવિભૂષિતમ્ ।
વહ્નિશુદ્ધાંશુકૈ રમ્યૈરાચ્છન્નં પીતવર્ણકૈઃ

પાર્ષદપ્રવરૈ રમ્યૈર્વેષ્ટિતં શ્વેતચામરૈઃ ।
સદ્રત્નદર્પણૈ રમ્યૈર્ગોપિકાભિશ્ચ ગોપકૈઃ

વેષ્ટિતં ચ તદારુહ્ય કૌતુકાદ્યાસ્યસિ ધ્રુવમ્ ।
ત્યક્ત્વા ચ પાર્થિવં દેહં દિવ્યદેહં વિધાય ચ

અયોનિસંભવા રાધા રાધામાતા કલાવતી ।
યાસ્યત્યેવ હિ તેનૈવ નિત્યદેહેન નિશ્ચિતમ્

પિતૃણાં માનસી કન્યા ધન્યા માન્યા કલાવતી ।
ધન્યા ચ સીતામાતા ચ દુર્ગામાતા ચ મેનકા

અયોનિસંભવા દુર્ગા તારા સીતા ચ સુન્દરી ।
અયોનિસંભવાસ્તાશ્ચ ધન્યા મેના કલાવતી

ઇત્યેવ કથિતં તાત ગોપનીયં સુદુર્લભમ્ ।
વરોઽયં તત્તસ્તુભ્યં ચ મયા ચ દુર્ગયા તથા

શ્રીકૃષ્ણસ્ય વચઃ શ્રુત્વા પ્રત્યુવાચ વ્રજેશ્વરઃ ।
પુનરેવ જગન્નાથં ત દ્ભક્તો ભક્તવાત્સલમ્

નન્દ ઉવાચ
યુગાનાં ચ ચતુર્ણાં ચ યં યં ધર્મ સનાતનમ્ ।
ક્રમેણ કૃષ્ણ વિસ્તીર્ણં કૃત્વા માં કથય પ્રભો

કલિશેષે ભવેદ્યદ્યદ્ગુણદોષં કલેસ્તથા ।
કા ગતિર્વા પૃથિવ્યાશ્ચ ધર્મસ્ય પ્રણિનાં તથા

નન્દસ્ય વચનં શ્રુત્વા હૃષ્ટઃ કમલલોચનઃ ।
કથાં કથિતુમારેભે વિચિત્રાં મધુરાન્વિતામ્

ઇતિ શ્રીબ્રહ્મઓ મહાઓ શ્રીકૃષ્ણ જન્મખઓ ઉત્તઓ નારદનાઓ ભગવન્ન-
ન્દસંઓ એકોનનવતિતમોઽધ્યાયઃ