બ્રહ્મવૈવર્ત પુરાણ · અધ્યાય 4.74

અથ ચતુઃસપ્તતિતમોઽધ્યાયઃ
નારાયણ ઉવાચ
શ્રીકૃષ્ણઃ પરમાનન્દઃ પરિપૂર્ણતમઃ પ્રભુઃ ।
પરમાત્મા ચ પરમો ભક્તાનુગ્રહકારકઃ

ભુવો ભારાવતરણો નિર્ગુણઃ પ્રકૃતેઃ પરઃ ।
પરાત્પનસ્તુ ભગવાન્બ્રહ્મેશશેષવન્દિતઃ

તુષ્ટો નન્દસ્તવં શ્રુત્વા તમુવાચ જગત્પતિઃ ।
આગચ્છન્તં ગોકુલાચ્ચ વિરહજ્વરકાતરમ્

શ્રીભગવાનુવાચ
ગચ્છ નન્દવ્રજં નન્દ ત્યજ શોકં ભ્રમં ભુવિ ।
શૃણુ સત્યં પરં જ્ઞાનં શોકગ્રન્થિનિકૃન્તનમ્

વાયુશ્ચ ભૂમિરાકાશો જલં તેજશ્ચ પઞ્ચમમ્ ।
ઉક્તઃ શ્રુતિગણૈરેતૈઃ પઞ્ચભૂતૈશ્ચ નિત્યશઃ

સર્વૈષાં દેહિનાં તાત દેહશ્ચ પાઞ્ચભૌતિકઃ ।
મિથ્યાભ્રમઃ કૃત્રિમશ્ચ સ્વપ્નવન્માયયાઽન્વિતઃ

દેહં ગૃહ્ણન્તિ સર્વૈષાં પઞ્ચભૂતાનિ નિત્યશઃ ।
માયાસંકેતરૂપં તદભિજ્ઞાનં ભ્રમાત્મકમ્

કો વા કસ્ય સુનસ્તાત કા સ્ત્રી કસ્ય પતિસ્તુ વા ।
કર્મણા ભ્રમણં શશ્વત્સર્વેષાં ભૂરિજન્મનિ

કર્મણા જાયન્તે જન્તુઃ કર્મણૈવ પ્રલીયતે ।
સુખં દુઃખં ભયં શોકં કર્મણા ચ પ્રપદ્યતે

કેષાં વા જન્મ સ્વર્ગેષુ કેષાં વા બ્રહ્મણો ગૃહે ।
કેષાં વિપ્રેષુ ક્ષત્રેષુ કેષાં વા બૈશ્યશૂદ્રયોઃ

અતિનીચેષુ કેષાં વા કેષાં કૃમિષુ વિટ્સુ ચ ।
પશુપક્ષિષુ કેષાં વા કેષાં વા ક્ષુદ્રજન્તુષુ

પુનઃ પુનર્ભ્રમન્ત્યેવ સર્વે તાત સ્વકર્મણા ।
કરોતિ કર્મ નિર્મૂલં મદ્ભક્તો મત્પિયઃ સદા

સત્યં ત્રેતા દ્વાપરશ્ચ કલિશ્ચેતિ ચતુર્યુગમ્ ।
પઞ્ચવિંશત્સહસ્રાણાં યુગાન્તે નિધનં મનોઃ

મનોઃ સમં મહેન્દ્રસ્ય પરમાયુર્વિનિર્મિતમ્ ।
ચતુર્દશેન્દ્રવિચ્છિત્તૌ બ્રહ્મણો દિનમુચ્યતે

એવં પરિમિતા રાત્રિઃ કાલવિદ્ભર્વિનિર્મિતા ।
એવં પરિમિતા માસા વર્ષં ચ પરિનિશ્ચિતમ્

બ્રહ્મણશ્ચ વર્ષશતં પરમાયુર્વિનિર્મિતમ્ ।
નિમેષમાત્રં કાલોઽયં બ્રહ્મણો નિધને મમ

બ્રહ્માદિતૃણપર્યન્તં સર્વં વિશ્વે વિનિર્મિતમ્ ।
સત્યોઽહં પરમાત્મા ચ ભક્તાનુગ્રહવિગ્રહઃ

મન્મન્ત્રોપાસકઃ સત્યો દેહં ત્યક્ત્વા ધરાસુ ચ ।
યાસ્યત્યેવ હિ ગોલોકં છિત્વા કર્મ પુરાતનમ્

અસંખ્યબ્રહ્મણાં પાતે ન ભવેત્તસ્ય પાતનમ્ ।
ગૃહ્ણતિ નિત્યં સ્વં દેહં જન્મમૃત્યુજરાપહમ્

ન નન્દ મમ ભક્તાનામશુભં વિદ્યતે ક્વચિત્ ।
નિત્યં સુદર્શનં તં ચ પરિરક્ષતિ મર્વતઃ

મત્તો હિ બલવાન્ભક્તશ્ચિન્તિતોઽહં ન ચિન્તિતઃ ।
અહં સ્વામી ચ તસ્યૈવ ન મે સ્વામી પિતા પ્રસૂઃ

પુત્રબુદ્ધિં પરિત્યજ્ય ભજ માં બ્રહ્મરૂપિણમ્ ।
છિત્તવા ચ બ્રહ્મનિગડં ગોલોકં તદ્વ્રજ સ્વયમ્

કથયસ્વ યશોદાં ચ ગોપીં ગોપગણાં વ્રજ ।
તૈશ્ચ સર્વૈર્જનૈઃ શોકં ત્યજ સ્વમન્દિરં વ્રજ

ઇત્યેવમુક્ત્વા ભગવાન્વિરરામ ચ સંસદિ ।
પપ્રચ્છ પુનરેવં તં નન્દશ્ચાઽઽનન્દસંપ્લુતઃ

નન્દ ઉવાચ
વદ સાંસારિકં જ્ઞાનં યેન યાસ્યામિ ત્વત્પદમ્ ।
મૂઢોઽહં પરમાનન્દ શ્રુતીનાં જનકો ભવાન્

નન્દસ્ય વચનં શ્રુત્વા સર્વજ્ઞો ભગવાન્સ્વયમ્ ।
આહ્નિકં કથયાયાસ શ્રુતિભિર્ન શ્રુતં હિ યત્

ઇતિઓ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારાદનાઓ ભગવન્નન્દસંવાદે
ચતુઃ સપ્તતિતમોઽધ્યાયઃ