બ્રહ્મવૈવર્ત પુરાણ · અધ્યાય 4.102

દ્વ્યધિકશતતમોઽધ્યાયઃ
નારાયણ ઉવાચ
કૃણ્ણઃ સાંદીપનેર્ગેહં ગત્વા ચ સબલો મુદા ।
નમશ્ચકાર સ્વગુરું ગુરુપત્નીં પતિવ્રતામ્

શુભાશિષં ગૃહીત્વા ચ દત્ત્વા રત્નમણિં હરિઃ ।
ગુરવે તસ્ય ભાર્યાયૈ તમુવાચ યથોચિતમ્

શ્રીકૃષ્ણ ઉવાચ
ત્વત્તો વિદ્યાં લભિષ્યામિ વાઞ્છિતાં વાઞ્છિતં મમ ।
કૃત્વા શુભક્ષણં વિપ્ર માં પાઠય યથોચિતમ્

ઓમિત્યુક્ત્વા મુનિશ્રેષ્ઠઃ પૂજયામાસ તં મુદા ।
મધુપર્કપ્રાશનેન ગવા વસ્ત્રેણ ચન્દનૈઃ

મિષ્ટાન્નં ભોજયામાસ તામ્બૂલં ચ સુવાસિતં ।
સુપ્રિયં કથયામાસ તુષ્ટાવ પરમેશ્વરમ્

સાંદીપનિરુવાચ
પરં બ્રહ્મ પરં ધામ પરમીશ પરાત્પર ।
સ્વેચ્છામયં સ્વયંજ્યોતિર્નિલિપ્તૈકો નિરઙ્કુશઃ

ભક્તૈકનાથ ભક્તેષ્ટ ભક્તાનુગ્રહવિગ્રહ ।
ભક્તવાઞ્છાકલ્પતરો ભક્તાનાં પ્રાણવલ્લભ

માયયા બાલરૂપોઽસિ બ્રહ્મેશશેષવન્દિતઃ ।
માયયા ભુવિ ભૂપાલ ભુવો ભારક્ષયાય ચ

યોગિનો યં વિદન્ત્યેવં બ્રહ્મજ્યોતિઃ સનાતનમ્ ।
ધ્યાયન્તે ભક્તનિવહા જ્યોતિરભ્યન્તરે મુદા

દ્વિભુજં મુરલીહસ્તં સુન્દરં શ્યામહુપકમ્ ।
ચન્દનોક્ષિતસર્વાઙ્ગં સસ્મિતં ભક્તવત્સલમ્

પીતામ્બરધરં દેવં વનમાલવિભૂષિતમ્ ।
લીલાપાઙ્ગતરઙ્ગૈશ્ચ નિન્દિતાનઙ્ગમૂર્ચ્છિતમ્

અલક્તભવનં તદ્વત્પાદપદ્મં સુશોભનમ્ ।
કૌસ્તુભોદ્ભાસિતાઙ્ગં ચ દિવ્યમૂર્તિં મનોહરમ્

ઈષદ્ધાસ્યપ્રસન્નં ચ સુવેષં પ્રસ્તુતં સુરૈઃ ।
દેવદેવં જગન્નાથં ત્રેલોક્યમોહનં પરમ્

કોટિકન્દર્પલીલાભં કમનીયમનીશ્વરમ્ ।
અમૂલ્યરત્નનિર્માણભૂષણૌઘેન ભૂષિતમ્

વરં વરણ્યં વરદં વરદાનામભીપ્સિતમ્ ।
ચતુર્ણામપિ વેદાનાં કારણાનાં ચ કારણમ્

પાઠાર્થ મત્પ્રિયસ્થાનમાગતોઽસિ ચ માયયા ।
પાઠં તે લોકશિક્ષાર્થં રમણં ગમનં રણમ્ ॥
સ્વાત્મારામસ્ય ચ વિભોઃ પરિપૂર્ણતમસ્ય ચ

ગુરુપત્ન્યુવાચ
અદ્ય મે સફલં જન્મ સફલં જીવનં મમ ।
પાતિવ્રત્યં ચ સફલં સફલં ચ તપોવનમ્

મદ્દક્ષહસ્તઃ સફલો દત્તં યેનાન્નમીપ્સિતમ્ ।
તદાશ્રમં તીર્થપરં તીર્થપાદપદાઙ્કિતમ્

ત્વત્પાદરજસા પૂતા ગૃહાઃ પ્રાઙ્ગણમુત્તમમ્ ।
ત્વત્પાદપદ્મં દૃષ્ટ્વા ચૈવાઽઽવયોર્જન્મખણ્ડનમ્

તાવદ્દુઃખં ચ શોકશ્ચ તાવદ્ભોગશ્ચ રોગકઃ ।
તાવજ્જન્માનિ કર્માણિ ક્ષુત્પિપાસાદિકાનિ ચ

યાવત્ત્વત્પાદપદ્મસ્ય ભજનં નાસ્તિ દર્શનમ્ ।
હે કાલકાલ ભગવન્સ્રષ્ટુઃ સંહર્તુરીશ્વર

કૃપાં કુરુ કૃપાનાથ માયામોહનિકૃન્તન ।
ઇત્યુક્ત્વા સાશ્રુનેત્રા સા ક્રોડે કૃત્વા હરિં પુનઃ
સ્વસ્તનં પાયયામાસ પ્રેમ્ણા ચ દેવકી યથા

શ્રીકૃષ્ણ ઉવાચ
માતસ્ત્વં માં કથં સ્તૌષિ બાલં દુગ્ધમુખં સુતમ્ ।
ગચ્છ ગોલોકમિષ્ટં ચ સ્વામિના સહસાપ્રતમ્

ત્યક્ત્વા પ્રાકૃતિકં મિથ્યા નશ્વરં ચ કલેવરમ્ ।
વિધાય નિર્મલં દેહં જન્મમૃત્યુજરાહરમ્

ઇત્યુક્તવા ચતુરો વેદાન્પઠિત્વા મુનિપુંગવાત્ ।
માસેન પરયા ભક્ત્યા દત્ત્વા પુત્રં મૃતં પુરા

રત્નાનાં ચ ત્રિલક્ષં ચ મણીનાં પઞ્ચલક્ષણમ્ ।
હીરકાણાં ચતુર્લક્ષં મુક્તાનાં પઞ્ચલક્ષકમ્

માણિક્યાનાં દ્વિલક્ષં ચ વસ્ત્રં ત્રૈલોક્યદુર્લભમ્ ।
હારં ચ દુર્ગયા દતં હસ્તરત્નાઙ્ગુલીયકમ્

દશકોટિં સુવર્ણાનાં ગુરવે દક્ષિણાં દદૌ ।
અમૂલ્યરત્નનિર્માણં નારીસર્વાઙ્ગભૂષણમા

ગુરુપ્રિયાયૈ પ્રદદૌ વહ્નિશુદ્ધાંશુકં વરમ્ ।
મુનિર્દત્ત્વા ચ પુત્રાય તઃસર્વં પ્રિયયા સહ

સદ્રત્નરથમારુહ્ય યયૌ ગોલોકમુત્તમમ્ ।
તમદ્ભૂતં હરિં દૃષ્ટ્વા પ્રયયૌ સ્વાલયં મુદા

એવં બ્રહ્મણ્યદેવસ્ય ચરિત્રં શૃણુ નારદ ।
ઇદં સ્તોત્રં મહાપુણ્યં યઃ પઠેદ્ભક્તિપૂર્વકમ્

શ્રીકૃષ્ણે નિશ્ચલાં ભક્તિં લભતે નાત્ર સંશયઃ ।
અસ્પષ્ટકીર્તિઃ સુયશા મૂર્ખો ભવતિ પણણ઼ડિતઃ

ઇહ લોકે સુખં પ્રાપ્ય યાત્યન્તે શ્રીહરેઃ પદમ્ ।
તત્ર નિત્યં હરેર્દાસ્યં લભતે નાત્ર સંશયઃ

ઇતિઓ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ મુનિપત્નીસ્તોત્રં નામ
દ્વ્યધિકશતતમોઽધ્યાયઃ