બ્રહ્મવૈવર્ત પુરાણ · અધ્યાય 4.101

અથૈકાધિકશતતમોધ્યાયઃ
નારાયણ ઉવાચ
સંસ્તૂય દેવા મુનયો વિરેમુર્નહિ માનસે ।
દદૃશુઃ પ્રાઙ્ગણે કૃષ્ણં શોભિતં પીતવાસસા

યથા સૌદામિનીયુક્તં નવીનજલદં મુને ।
બકપઙ્ ક્તિયુતં ચૈવ માલતીમાલયા તથા

કપાલે મણ્ડલાકારકસ્તૂરીયુક્તચન્દનમ્ ।
સકલઙ્કં મૃગાઙ્કં ચ શોભિતં જલદે તથા

દ્વિભુજં શ્યામલંકાન્તં રાધાકાન્તં મનોહરમ્ ।
ઈષદ્ધાસ્યપ્રસન્નાસ્યં ભક્તાનુગ્રહવિગ્રહમ્

રત્નકેયૂરવલયરત્નમઞ્જીરરઞ્જિતમ્ ।
રુદન્તં પિતુરુત્સઙ્ગે બલેન સહિતં પરમ્

અથ મઙ્ગલકાલે ચ શુભલગ્ને મનોરમે ।
સંપીક્ષિતે ગ્રહૈઃ સૌમ્યૈર્જાંગ્રલ્લગ્નાધિપે સ્થિતે

અસદ્ગ્રહૈરદૃષ્ટે ચ સદ્ગ્રહેક્ષિત એવ ચ ।
શુભકર્મસમારમ્ભં સ્વસ્તિવાચનપૂર્વકમ્

ચકાર વસુદેવશ્ચાપ્યાજ્ઞયા સુરવિપ્રયોઃ ।
દત્ત્વા સુવર્ણશતકં બ્રાહ્મણાય ચ સાદરમ્

દેવેન્દ્રાંશ્ચ મુનીન્દ્રાશ્ચ નમસ્કૃત્ય પુરોહિતમ્ ।
ગણેશં ચ દિનેશં ચ વહ્નિં ચ શંકરં શિવામ્

સંપૂજ્ય દેવષટ્કં ચ સાક્ષતૈર્દેવસંસદિ ।
ઉપચારૈઃ ષોડશભિઃ સંયતો ભક્તિપૂર્વકમ્

પુત્રાધિવાસનં ચક્રૈ વેદમન્ત્રેણ સંસદિ ।
સંપૂજ્ય નાનાદેવાંશ્ચ દિક્પાલાંશ્ચ નવગ્રહાન્

દત્ત્વા પઞ્ચોપચારાંશ્ચ ભક્ત્યા ષોડશમાતૃકાઃ ।
દત્ત્વા ચ વસુધારાં ચ સપ્તવારાન્ઘૃતેન ચ

ચેદિરાજં વસું નત્વા સંપૂજ્ય પ્રયયૌ પુનઃ ।
વૃદ્ધિશ્રાદ્ધં સુનિર્વાપ્ય યત્કિંચિદ્દૈવિકં તથા

યજ્ઞં કૃત્વા તુ વેદોક્તં યજ્ઞસૂત્રં દદૌ મુદા ।
વલદેવાગ્રચાયૈવ કૃષ્ણાય પરમાત્મને

ગાયત્રી ચ દદૌ તાભ્યાં મુનિઃ સાંદીપનિસ્તથા ।
ભિક્ષાં દદૌ ચ પ્રથમં પાર્વતી પરમાદરાત્

અમૂલ્યરત્નપાત્રસ્થં મુક્તામાણિક્યહીરકમ્ ।
હીરસારવિનિર્માણં પિત્રા દત્તં ચ હારકમ્

શુભાશિષં ચ પ્રદદૌ શુક્લપુષ્પેણા દૂર્વયા ।
તતોઽદિતિર્દિતિશ્ચૈવ મુનિપત્ન્યશ્ચ દેવકી

યશોદા રોહિણી હૃષ્ટા સાવિત્રી ચ સરસ્વતી ।
પ્રત્યેકં પ્રદદૌ ભિક્ષાં મણિકાઞ્ચનભૂષિતામ્

દેવકન્યા નાગકન્યા રાજકન્યાઃ પતિવ્રતાઃ ।
કામિન્યો બાન્ધવાનાં ચ સસ્મિતાઃ સ્નિગ્ધલોચનાઃ

ઇન્દ્રાણી વરુણાની ચ પવનાની ચ રોહિણી ।
કુબેરપત્નીં સ્વાહા ચ રતિઃ કામસ્ય કામિની

પ્રત્યેકં પ્રદદૌ ભિક્ષાં રત્નભૂષણભૂષિતામ્ ।
ભિક્ષાં ગૃહીત્વા ભગવાન્સબલો ભક્તિપૂર્વકમ્

કિંચિદ્દદૌ ચ ગર્ગાય કિચિત્સ્વગુરવે તથા ।
વૈદિકં કર્મ નિર્વાપ્ય ગર્ગાય દક્ષિણાં દદૌ

દેવાંશ્ચ ભોજયામાસ બ્રાહ્મણાંશ્ચાપિ સાદરમ્ ।
યે યે સમાયયુર્યજ્ઞે તેચ દત્ત્વા શુભાશિષમ્

કૃણ્ણાય બલદેવાય પ્રહૃષ્ટાઃ પ્રયયૃર્ગુહમ્ ।
નન્દઃ સભાર્યો નિર્વાપ્ય શુભકર્મ સુતસ્ય વૈ

ક્રોડે કૃત્વા બલં કૃષ્ણં ચુચુમ્બ વદનં તયોઃ ।
ઉચચૈ રુરોદ નન્દશ્ચ યશોદા ચ પતિવ્રતા
શ્રીકૃષ્ણસ્તં સમાશ્વાસ્ય બોધયામાસ યત્નતઃ

શ્રીકૃષ્ણ ઉવાચ
સાનન્દં ગચ્છ હે માતર્યશોદે તાતમત્વરમ્ ।
ત્વમેવ માતા પોષ્ટ્રી ત્વં પિતા ચ પરમાર્થતઃ

અવન્તિનગરં તાત યાસ્યામિ સબલોઽધુના ।
મુનેઃ સાંદીપનેઃ સ્થાનં વેદપાઠાર્થમીપ્સિતમ્

તત આગત્ય સુચિરં કાલે ભવતિ દર્શનમ્ ।
કામઃ કરોતિ કલનં સ ચ ભેદં કરોતિ ચ

સર્વં કાલકૃતં માતર્ભેદં સંમીલનં નૃણામ્ ।
સુખં દુઃખં ચ હર્ષં ચ શોકં ચ મઙ્ગલાલયમ્

મયા દત્તં ચ તત્ત્વં ચ યોગિનામપિ દુર્લભમ્ ।
સર્વં નન્દશ્ચ સાનન્દં ત્વામેવ કથયિષ્યતિ

ઇત્યુક્ત્વા જગતાં નાથો વસુદેવસભાં યયૌ ।
તદાજ્ઞયા ક્ષણં પ્રાપ્ય યયૌ સંદીપનેર્ગૂહમ્

વસુદેવં દેવકીં ચ સંભાષ્ય વિનયેન ચ ।
નન્દઃ સભાર્યઃ પ્રયયૌ હૃદયેન વિદૂયતા

મુક્તામણિં સુવર્ણ ચ માણિક્યં હીરકં તથા ।
વહ્નિશુદ્ધાંશુકં રત્નં નન્દાય દેવકી દદૌ

શ્વેતાશ્વં ચ ગજેન્દ્રં ચ સુવર્ણરથમુત્તમમ્ ।
નન્દાય કૃષ્ણઃ પ્રદદૌ વસુદેવશ્ચ સાદરમ્

તયોરનુવ્રજન્વિપ્રા દેવકીપ્રમુખાઃ સ્ત્રિયઃ ।
વસુદેવસ્તથાઽક્રૂરોઽપ્યુદ્ધવશ્ચ યયૌ મુદા

કાલિન્દીનિકટં ગત્વા તે સર્વે રુરુદુઃ શુચા ।
પરસ્પરં ચ સંભાષ્ય તે સર્વે સ્વાલયં યયુઃ

કુન્તી સપુત્રા વિધવા વસુદેવાજ્ઞયા મુને ।
નાનારત્નમણિં પ્રાપ્ય પ્રયયૌ સ્વરલયં મુદા

વસુતેવો દેવકી ચ પુત્રકલ્યાણહેતવે ।
નાનારત્નમણિં વસ્ત્રં મુવર્ણં રજતં તથા

મુક્તામાણિક્યચહારં ચ મિષ્ટાન્નં ચ સુધોપમમ્ ।
ભટ્ટેમ્યો બ્રાહ્મણેભ્યશ્ચ પ્રદદૌ સાદરં મુદા

મહોત્સવં વેદપાઠં હરેર્નામૈકમઙ્ગલમ્ ।
વિપ્રાણાં ભોજનં ચૈવ કારયામાસ યત્નતઃ

જ્ઞાતીનાં બાન્ધવાનાં ચ પુરસ્કારં યથોચિતમ્ ।
ચકાર મણિમાણિક્યમુક્તાવસ્ત્રૈર્મનોહરૈઃ

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ નારાદનાઓ ઉત્તઓ ભગવદુપનયનં
નામૈકાધિકશતતમોઽધ્યાયઃ