બ્રહ્મવૈવર્ત પુરાણ · અધ્યાય 3.39

નારદ ઉવાચ ॥
કવચં કથિતં બ્રહ્મન્પદ્માયાશ્ચ મનોહરમ્ ॥
પરં દુર્ગતિનાશિન્યાઃ કવચં કથય પ્રભો

પદ્માક્ષપ્રાણતુલ્યં ચ જીવનં બલકારણમ્ ॥
કવચાનાં ચ યત્સારં દુર્ગાસેવનકારણમ્

નારાયણ ઉવાચ ॥
શૃણુ નારદ વક્ષ્યામિ દુર્ગાયાઃ કવવં શુભમ્ ॥
શ્રીકૃષ્ણેનૈવ યદ્દત્તં ગોલોકે બ્રહ્મણે પુરા

બ્રહ્મા ત્રિપુરસંગ્રામે શંકરાય દદૌ પુરા ॥
જઘાન ત્રિપુરં રુદ્રો યદ્ધૃત્વા ભક્તિપૂર્વકમ્

હરો દદૌ ગૌતમાય પદ્માક્ષાય ચ ગૌતમઃ ॥
યતો બભૂવ પદ્માક્ષઃ સપ્તદ્વીપેશ્વરો જયી

યદ્ધૃત્વા પઠનાદ્બ્રહ્મા જ્ઞાનવાઞ્છક્તિમાન્ભુવિ ॥
શિવો બભૂવ સર્વજ્ઞો યોગિનાં ચ ગુરુર્યતઃ ॥
શિવતુલ્યો ગૌતમશ્ચ બભૂવ મુનિસત્તમઃ

બ્રહ્માણ્ડવિજયસ્યાસ્ય કવચસ્ય પ્રજાપતિઃ ॥
ઋષિશ્છન્દશ્ચ ગાયત્રી દેવી દુર્ગતિનાશિની

બ્રહ્માણ્ડવિજયે ચૈવ વિનિયોગઃ પ્રકીર્ત્તિતઃ ॥
પુણ્યતીર્થં ચ મહતાં કવચં પરમાદ્ભુતમ્

ૐ હ્રીં દુર્ગતિનાશિન્યૈ સ્વાહા મે પાતુ મસ્તકમ્ ॥
ૐ હ્રીં મે પાતુ કપાલં ચાપ્યોં હ્રીં શ્રીં પાતુ લોચને

પાતુ મે કર્ણયુગ્મં ચાપ્યોં દુર્ગાયૈ નમઃ સદા॥
ૐ હ્રીં શ્રીમિતિ નાસાં મે સદા પાતુ ચ સર્વતઃ

હ્રીં શ્રીં ક્રૂમિતિ દન્તાંશ્ચ પાતુ ક્લીમોષ્ઠયુગ્મકમ્॥
ક્લીં ક્લીં ક્લીં પાતુ કણ્ઠં ચ દુર્ગે રક્ષતુ ગણ્ડકે

સ્કન્ધં મહાકાલિ દુર્ગે સ્વાહા પાતુ નિરન્તરમ્ ॥
વક્ષો વિપદ્વિનાશિન્યૈ સ્વાહા મે પાતુ સર્વતઃ

દુર્ગે દુર્ગે રક્ષ પાર્શ્વૌ સ્વાહા નાભિં સદાઽવતુ॥
દુર્ગે દુર્ગે દેહિ રક્ષાં પૃષ્ઠં મે પાતુ સર્વતઃ

ૐ હ્રીં દુર્ગાયૈ સ્વાહા ચ હસ્તૌ પાદૌ સદાઽવતુ ॥
ૐ હ્રીં દુર્ગાયૈ સ્વાહા ચ સર્વાંગં મે સદાઽવતુ

પ્રાચ્યાં પાતુ મહામાયા ચાગ્નેય્યાં પાતુ કાલિકા ॥
દક્ષિણે દક્ષકન્યા ચ નૈરૃત્યાં શિવસુન્દરી

પશ્ચિમે પાર્વતી પાતુ વારાહી વારુણે સદા ॥
કુબેરમાતા કૌબેર્ય્યામૈશાન્યામીશ્વરી સદા

ઊર્ધ્વં નારાયણી પાતુ ત્વમ્બિકાઽધઃ સદાઽવતુ ॥
જ્ઞાનં જ્ઞાનપ્રદા પાતુ સ્વપ્ને નિદ્રા સદાઽવતુ

ઇતિ તે કથિતં વત્સ સર્વમન્ત્રૌઘવિગ્રહમ્ ॥
બ્રહ્માણ્ડવિજયં નામ કવચં પરમાદ્ભુતમ્

સુસ્નાતઃ સર્વતીર્થેષુ સર્વયજ્ઞેષુ યત્ફલમ્ ॥
સર્વવ્રતોપવાસે ચ તત્ફલં લભતે નરઃ

ગુરુમભ્યર્ચ્ય વિધિવદ્વસ્ત્રાલંકારચન્દનૈઃ ॥
કણ્ઠે વા દક્ષિણે બાહૌ કવચં ધારયેત્તુ યઃ

સ ચ ત્રૈલોક્યવિજયી સર્વશત્રુપ્રમર્દકઃ॥
ઇદં કવચમજ્ઞાત્વા ભજેદ્દુર્ગતિનાશિનીમ્

શતલક્ષં પ્રજપ્તોઽપિ ન મન્ત્રઃ સિદ્ધિદાયકઃ॥

કવચં કાણ્વશાખોક્તમુક્તં નારદ સિદ્ધિદમ્ ॥
યસ્મૈ કસ્મૈ ન દાતવ્યં ગોપનીયં સુદુર્લભમ્

ઇતિ શ્રીબ્રહ્મવૈવર્તે મહાપુરાણે તૃતીયે ગણપતિખણ્ડે નારદનારાયણસંવાદે દુર્ગતિનાશિનીકવચં નામૈકોનચત્વારિંશતમોઽધ્યાયઃ