બ્રહ્મવૈવર્ત પુરાણ · અધ્યાય 3.37

॥ નારદ ઉવાચ॥
કવચં શ્રોતુમિચ્છામિ તાં ચ વિદ્યાં દશાક્ષરીમ્ ॥
નાથ ત્વત્તો હિ સર્વજ્ઞ ભદ્રકાલ્યાશ્ચ સામ્પ્રતમ્

નારાયણ ઉવાચ ॥
શૃણુ નારદ વક્ષ્યામિ મહાવિદ્યાં દશાક્ષરીમ્ ॥
ગોપનીયં ચ કવચં ત્રિષુ લોકેષુ દુર્લભમ્

ૐ હ્રીં શ્રીં ક્લીં કાલિકાયૈ સ્વાહેતિ ચ દશાક્ષરીમ્ ॥
દુર્વાસા હિ દદૌ રાજ્ઞે પુષ્કરે સૂર્ય્યપર્વણિ

દશલક્ષજપેનૈવ મન્ત્રસિદ્ધિઃ કૃતા પુરા ॥
પઞ્ચલક્ષજપેનૈવ પઠન્કવચમુત્તમમ્

બભૂવ સિદ્ધકવચોઽપ્યયોધ્યામાજગામ સઃ ॥
કૃત્સ્નાં હિ પૃથિવીં જિગ્યે કવચસ્ય પ્રભાવતઃ

નારદ ઉવાચ ॥
શ્રુતા દશાક્ષરી વિદ્યા ત્રિષુ લોકેષુ દુર્લભા ॥
અધુના શ્રોતુમિચ્છામિ કવચં બ્રૂહિ મે પ્રભો

નારાયણ ઉવાચ ॥
શૃણુ વક્ષ્યામિ વિપ્રેન્દ્ર કવચં પરમાદ્ભુતમ્ ॥
નારાયણેન યદ્દત્તં કૃપયા શૂલિને પુરા

ત્રિપુરસ્ય વધે ઘોરે શિવસ્ય વિજયાય ચ ॥
તદેવ શૂલિના દત્તં પુરા દુર્વાસસે મુને

દુર્વાસસા ચ યદ્દત્તં સુચન્દ્રાય મહાત્મને ॥
અતિગુહ્યતરં તત્ત્વં સર્વમન્ત્રૌઘવિગ્રહમ્ ॥

ૐ હ્રીં શ્રીં ક્લીં કાલિકાયૈ સ્વાહા મે પાતુ મસ્તકમ્ ॥
ક્લીં કપાલં સદા પાતુ હ્રીં હ્રીં હ્રીમિતિ લોચને

ૐ હ્રીં ત્રિલોચને સ્વાહા નાસિકાં મે સદાઽવતુ ॥
ક્લીં કાલિકે રક્ષ રક્ષ સ્વાહા દન્તાન્સદાઽવતુ

ક્લીં ભદ્રકાલિકે સ્વાહા પાતુ મેઽધરયુગ્મકમ્ ॥
ૐ હ્રીં હ્રીં ક્લીં કાલિકાયૈ સ્વાહા કણ્ઠં સદાઽવતુ

ૐ હ્રીં કાલિકાયૈ સ્વાહા કર્ણયુગ્મં સદાઽવતુ ॥
ૐ ક્રીં ક્રીં ક્લીં કાલ્યૈ સ્વાહા સ્કન્ધં પાતુ સદા મમ

ૐ ક્રીં ભદ્રકાલ્યૈ સ્વાહા મમ વક્ષઃ સદાઽવતુ ॥
ૐ ક્લીં કાલિકાયૈ સ્વાહા મમ નાભિં સદાઽવતુ

ૐ હ્રીં કાલિકાયૈ સ્વાહા મમ પૃષ્ઠં સદાઽવતુ ॥
રક્તબીજવિનાશિન્યૈ સ્વાહા હસ્તો સદાઽવતુ

ૐ હ્રીં ક્લીં મુણ્ડમાલિન્યૈ સ્વાહા પાદૌ સદાવતુ॥
ૐ હ્રીં ચામુણ્ડાયૈ સ્વાહા સર્વાઙ્ગં મે સદાઽવતુ

પ્રાચ્યાં પાતુ મહાકાલી ચાગ્નેય્યાં રક્તદન્તિકા ॥
દક્ષિણે પાતુ ચામુણ્ડા નૈરૃત્યાં પાતુ કાલિકા

શ્યામા ચ વારુણે પાતુ વાયવ્યાં પાતુ ચણ્ડિકા ॥
ઉત્તરે વિકટાસ્યા ચાપ્યૈશાન્યાં સાટ્ટહાસિની

પાતૂર્ધ્વં લોલજિહ્વા સા માયાઽઽદ્યા પાત્વધઃ સદા ॥
જલે સ્થલે ચાન્તરિક્ષે પાતુ વિશ્વપ્રસૂઃ સદા

ઇતિ તે કથિતં વત્સ સર્વમન્ત્રૌઘવિગ્રહમ્ ॥
સર્વેષાં કવચાનાં ચ સારભૂતં પરાત્પરમ્

સપ્તદ્વીપેશ્વરો રાજા સુચન્દ્રોઽસ્ય પ્રભાવતઃ ॥
કવચસ્ય પ્રભાવેન માન્ધાતા પૃથિવીપતિઃ

પ્રચેતા લોમશશ્ચૈવ યતઃ સિદ્ધો બભૂવ હ ॥
યતો હિ યોગિનાં શ્રેષ્ઠઃ સૌભરિઃ પિપ્પલાયનઃ

યદિ સ્યાત્સિદ્ધકવચઃ સર્વસિદ્ધીશ્વરો ભવેત્ ॥
મહાદાનાનિ સર્વાણિ તપાંસ્યેવં વ્રતાનિ વ ॥
નિશ્ચિતં કવચસ્યાસ્ય કલાં નાર્હન્તિ ષોડશીમ્

ઇદં કવચમજ્ઞાત્વા ભજેત્કાલીં જગત્પ્રસૂમ્ ॥
શતલક્ષં પ્રજપ્તોઽપિ ન મન્ત્રઃ સિદ્ધિદાયકઃ

ઇતિ શ્રીબ્રહ્મવૈવર્તે મહાપુરાણે તૃતીયે ગણપતિખણ્ડે નારદનારાયણસંવાદે ભદ્રકાલીકવચનિરૂપણં નામ સપ્તત્રિંશત્તમોઽધ્યાયઃ