બ્રહ્મસૂત્ર (અન્ય આવૃત્તિ) · અધ્યાય 2.1

સ્મૃત્યનવકાશદોષપ્રસઙ્ગ ઇતિ ચેન્ નાન્યસ્મૃત્યનવકાશદોષપ્રસઙ્ગાત્

ઇતરેષાં ચાનુપલબ્ધેઃ

એતેન યોગઃ પ્રત્યુક્તઃ

ન વિલક્ષણત્વાદ્ અસ્ય તથાત્વં ચ શબ્દાત્

અભિમાનિવ્યપદેશસ્ તુ વિશેષાનુગતિભ્યામ્

દૃશ્યતે તુ

અસદ્ ઇતિ ચેન્ ન પ્રતિષેધમાત્રત્વાત્

અપીતૌ તદ્વત્પ્રસઙ્ગાદ્ અસમઞ્જસમ્

ન તુ દૃષ્ટાન્તભાવાત્

સ્વપક્ષદોષાચ્ ચ

તર્કાપ્રતિષ્ઠાનાદ્ અપ્ય્ અન્યથાનુમેયમ્ ઇતિ ચેદ્ એવમ્ અપ્ય્ અનિર્મોક્ષપ્રસઙ્ગઃ

એતેન શિષ્ટાપરિગ્રહા અપિ વ્યાખ્યાતાઃ

ભોક્ત્રાપત્તેર્ અવિભાગશ્ ચેત્ સ્યાલ્ લોકવત્

તદનન્યત્વમ્ આરમ્ભણશબ્દાદિભ્યઃ

ભાવે ચોપલબ્ધેઃ

સત્ત્વાચ્ ચાપરસ્ય

અસદ્વ્યપદેશાન્ નેતિ ચેન્ ન ધર્માન્તરેણ વાક્યશેષાત્

યુક્તેઃ શબ્દાન્તરાચ્ ચ

પટવચ્ ચ

યથા ચ પ્રાણાદિઃ

ઇતરવ્યપદેશાદ્ ધિતાકરણાદિદોષપ્રસક્તિઃ

અધિકં તુ ભેદનિર્દેશાત્

અશ્માદિવચ્ ચ તદનુપપત્તિઃ

ઉપસંહારદર્શનાન્ નેતિ ચેન્ ન ક્ષીરવદ્ ધિ

દેવાદિવદ્ અપિ લોકે

કૃત્સ્નપ્રસક્તિર્ નિરવયવત્વશબ્દકોપો વા

શ્રુતેસ્ તુ શબ્દમૂલત્વાત્

આત્મનિ ચૈવં વિચિત્રાશ્ ચ હિ

સ્વપક્ષદોષાચ્ ચ

સર્વોપેતા ચ તદ્દર્શનાત્

વિકરણત્વાન્ નેતિ ચેત્ તદ્ ઉક્તમ્

ન પ્રયોજનવત્ત્વાત્

લોકવત્ તુ લીલાકૈવલ્યમ્

વૈષમ્યનૈર્ઘૃણ્યે ન સાપેક્ષત્વાત્ તથા હિ દર્શયતિ

ન કર્માવિભાગાદ્ ઇતિ ચેન્ નાનાદિત્વાદ્

ઉપપદ્યતે ચાપ્ય્ ઉપલભ્યતે ચ

સર્વધર્મોપપત્તેશ્ ચ