બ્રહ્મસૂત્ર (અન્ય આવૃત્તિ) · અધ્યાય 1.4

આનુમાનિકમ્ અપ્ય્ એકેષામ્ ઇતિ ચેન્ ન શરીર-રૂપક-વિન્યસ્ત-ગૃહીતેર્ દર્શયતિ ચ

સૂક્ષ્મં તુ તદર્હત્વાત્

તદધીનત્વાદ્ અર્થવત્

જ્ઞેયત્વાવચનાચ્ ચ

વદતીતિ ચેન્ ન પ્રાજ્ઞો હિ પ્રકરણાત્

ત્રયાણામ્ એવ ચૈવમ્ ઉપન્યાસઃ પ્રશ્નશ્ ચ

મહદ્વચ્ ચ

ચમસવદવિશેષાત્

જ્યોતિરુપક્રમા તુ તથા હ્ય્ અધીયત એકે

કલ્પનોપદેશાચ્ ચ મધ્વાદિવદવિરોધઃ

ન સંખ્યોપસંગ્રહાદ્ અપિ નાનાભાવાદ્ અતિરેકાચ્ ચ

પ્રાણાદયો વાક્યશેષાત્

જ્યોતિષૈકેષામ્ અસત્યન્ને

કારણત્વેન ચાકાશાદિષુ યથાવ્યપદિષ્ટોક્તેઃ

સમાકર્ષાત્

જગદ્વાચિત્વાત્

જીવમુખ્યપ્રાણલિઙ્ગાન્ નેતિ ચેત્ તદ્વ્યાખ્યાતમ્

અન્યાર્થં તુ જૈમિનિઃ પ્રશ્નવ્યાખ્યાનાભ્યામ્ અપિ ચૈવમ્ એકે

વાક્યાન્વયાત્

પ્રતિજ્ઞાસિદ્ધેર્ લિઙ્ગમ્ આશ્મરથ્યઃ

ઉત્ક્રમિષ્યત એવં ભાવાદ્ ઇત્ય્ ઔડુલોમિઃ

અવસ્થિતેર્ ઇતિ કાશકૃત્સ્નઃ

પ્રકૃતિશ્ ચ પ્રતિજ્ઞાદૃષ્ટાન્તાનુપરોધાત્

અભિધ્યોપદેશાચ્ ચ

સાક્ષાચ્ ચોભયામ્નાનાત્

આત્મકૃતેઃ પરિણામાત્

યોનિશ્ ચ હિ ગીયતે

એતેન સર્વે વ્યાખ્યાતા વ્યાખ્યાતાઃ