બ્રહ્માંડ પુરાણ · અધ્યાય 2.33

ઇતિ શ્રીબ્રહ્માણ્ડે મહાપુરાણે વાયુપ્રોક્તે મધ્યભાગે તૃતીય ઉપોદ્ધાતપાદે ભાર્ગવચરિતે દ્વાત્રિંશત્તમો ઽધ્યાયઃ ॥ 32॥
સગર ઉવાચ
શ્રુતં સર્વં મુનિશ્રેષ્ઠ કીર્ત્યમાનં ત્વયા વિભો ।
કવચં વદ સર્વત્ર ત્રૈલોક્યવિજયપ્રદમ્

વસિષ્ઠ ઉવાચ
શૃણુ વત્સ પ્રવક્ષ્યામિ કવચં પરમાદ્ભુતમ્ ।
મન્ત્ર ચ સિદ્ધિદ શશ્વત્સાધકાનાં સુખાવહમ્

ગોપીજનપદસ્યાત વલ્લભાય સમુચ્ચરેત્ ।
સ્વાહાન્તો ઽયં મહામન્ત્રો દશાર્ણો ભુક્તિમુક્તિદઃ

સદાશિવસ્ત્વસ્ય ઋષિઃ પઙ્ક્તિશ્છન્દ ઉદાહૃતમ્ ।
દેવતા કૃષ્ણ ઉદિતો વિનિયોગો ઽખિલાપ્તયે

ત્રૈલોક્યવિજયસ્યાથ કવચસ્ય પ્રજાપતિઃ ।
ઋષિશ્છન્દશ્ચ જગતી દેવો રાજેશ્વરઃ સ્વયમ્

ત્રૈલોક્યવિજયપ્રાપ્તૌ વિનિયોગઃ પ્રકીર્ત્તિતઃ ।
પ્રણવો મેશિરઃ પાતુ શ્રીકૃષ્ણાય નમઃ સદા

પાયાત્કપાલં કૃષ્ણાય સ્વાહેતિ સતતં મમ ।
કૃષ્ણેતિ પાતુ નેત્રે મે કૃષ્ણસ્વાહેતિ તારકામ્

હરયે નમ ઇત્યેષ ભ્રૂલતાં પાતુ મે સદા ।
ઓં ગોવિન્દાય સ્વાહેતિ નાસિકાં પાતુ સંતતમ્

ગોપાલાય નમો ગણ્ડં પાતુ મે સતતં મનુઃ ।
ક્લીં કૃષ્ણાય નમઃ કર્ણૌં પાતુ કલ્પતરુર્મમ

શ્રીં કૃષ્ણાય નમઃ પાતુ નિત્યં મે ઽધરયુગ્મકમ્ ।
ઓં ગોપીશાય સ્વાહેતિ દન્તપઙ્ક્તિં મમાવતુ

શ્રીકૃષ્ણેતિ રદચ્છિદ્રં પાતુમે ત્ર્યક્ષરો મનુઃ ।
ઓં શ્રીકૃષ્ણાય સ્વાહેતિ જિહ્વિકાં પાતુ મે સદા

રામેશ્વરાય સ્વાહેતિ તાલુકં પાતુ મે સદા ।
રાધિકેશાય સ્વાહેતિ કણ્ઠં મે પાતુ સર્વદા

નમો ગોપીગણેશાય ગ્રીવાં મે પાતુ સર્વદા ।
ઓં ગોપેશાય સ્વાહેતિ સ્કન્ધૌ પાતુ સદા મમ

નમઃ કિશોરવેષાય સ્વાહા પૃષ્ઠં મમાવતુ ।
ઉદરં પાતુ મે નિત્યં મુકુન્દાય નમો મનુઃ

હ્નીં શ્રીઙ્ક્લીઙ્કૃષ્ણાય સ્વાહા કરૌ પાતુ સદા મમ ।
ઓં વિષ્ણવે નમઃ સ્વાહા બાહુયુગ્મં મમાવતુ

ઓં હ્રીંભગવતે સ્વાહા નખપઙ્ક્તિં મમાવતુ ।
નમો નારાયણાયેતિ નખરન્ધ્રં મમાવતુ

ઓં હ્રીંશ્રીંપદ્મનાભાય નાભિં પાતુ સદા મમ ।
ઓં સર્વેશાય સ્વાહેતિ કેશાન્મમ સદાવતુ

નમઃ કૃષ્ણાય સ્વાહેતિ બ્રહ્મરન્ધ્રં સદાવતુ ।
ઓં માધવાય સ્વાહેતિ ભાલં મે સર્વદાવતુ

ઓં હ્રીંશ્રીંરસિકેશાય કટિં મમ સદાવતુ ।
નમો ગોપીજનેશાય ઊરૂ પાતુ સદા મમ

ઓં નમો દૈત્યનાશાય સ્વાહેત્યવતુ જાનુની ।
યશોદાનન્દનાયેતિ નમોતો જઙ્ઘકે ઽવતુ

રાસારંભપ્રિયાયેતિ સ્વાહાન્તો હીં મમાવતુ ।
વૃન્દાપ્રિયાય સ્વાહેતિ સકલાઙ્ગાનિ મે ઽવતુ

પરિબુર્ણમનાઃ કૃષ્મઃ પ્રાચ્યાં માં સર્વદાવતુ ।
સ્વયં ગોલોકનાથો મામાગ્નેય્યાં દિશિ રક્ષતુ

પૂર્ણબ્રહ્મસ્વરૂપશ્ચ દક્ષિણે માં સદાવતુ ।
નૈરૃત્યાં પાતુ માં કૃષ્ણાઃ પશ્ચિમે પાતુ માં હરિઃ

ગોવિન્દઃ પાતુ વાયવ્યામુત્તરે રસિકેશ્વરઃ ।
ઐશાન્યાં મે સદા પાતુ વૃન્દાવનવિહાર કૃત્

વૃન્દાપ્રાણેશ્વરઃ શશ્વત્પાતુ મામૂર્દ્ધ્વદેશતઃ ।
સદૈવ મામધઃ પાતુ બલિધ્વંસી મહાબલઃ

જલે સ્થલે ચાન્તરિક્ષે નૃસિંહઃ પાતુ માં સદા ।
સ્વપ્ને જાગરણે ચૈવ પાતુ માં માધવઃ સ્વયમ્

સર્વાન્તરાત્મા નિર્લિપ્તઃ પાતુ માં સર્વતો વિભુઃ ।
ઇતિ તે કથિતં ભૂપ સર્વાઘૌઘવિનાશનમ્

ત્રૈલોક્યવિજયં નામ કવચં પરમેશિતુઃ ।
મયા શ્રુતં શિવમુખાત્પ્રવક્તવ્યં ન કસ્યચિત્

ગુરુમભ્યર્ચ્ય વિધિવત્કવચં ધારયેત્તુ યઃ ।
કણ્ઠે વા દક્ષિણે બાહૌ સો ઽપિ વિષ્ણુર્ન સંશયઃ

સ સાધકો ઽવસદ્યત્ર તત્ર વાણીરમે સ્થિતે ।
યદિ સ્યાત્સિદ્ધકવચો જીવન્મુક્તો ન સંશયઃ

નિશ્ચિતં કોટિવર્ષાણાં પૂજાયાઃ ફલમાપ્નુયાત્ ।
રાજસૂર્યસહસ્રાણિ વાજપેયશતાનિ ચ

મહાદાનાનિ યાન્યેવ ભુવશ્ચાપિ પ્રદક્ષિણા ।
ત્રૈલોક્યવિજયસ્યાસ્ય કલાં નાર્હન્તિ ષોડશીમ્

વ્રતોપવાસનિયમાઃ સ્વાધ્યાયાધ્યયને તથા ।
સ્નાનં ચ સર્વતીર્થેષુ નાસ્યાર્હન્તિ કલામપિ

સિદ્ધત્વમમરત્વં ચ દાસત્વં શ્રીહરેરપિ ।
યદિ સ્યાત્સિદ્ધકવચઃ સર્વં પ્રાપ્નોતિ નિશ્ચિતમ્

સ ભવેત્સિદ્ધકવચો દશલક્ષં જપેત્તુ યઃ ।
યો ભવેત્સિદ્ધકવચો વિજયી સ ભવેદ્ ધ્રુવમ્

રાજ્યં દેયં શિરો દેયં પ્રાણા દેયાશ્ચ ભૂપતે ।
એતત્તુ કવચં વત્સ ન દેયં સંકટે ઽપિ ચ

મયા પ્રકાશિતં યત્તે ચૈતેષાં ત્રાણકારણાત્ ।
મમાજ્ઞાકરણાચ્ચૈવ તદ્વિદ્ધિ કુલભાસ્કર ।
ઇદં ધૃત્વા તુ કવચં ચક્રવર્ત્તી ભવાન્ભવ